ودي تشوف الهم شلون سوى

**نـNـواف** · 23-03-2006, 01:39 AM

ســـــــــــــلام قبل الكــــــــــــــــلام ورحمة الله

صارلي زمان ماكتبت موضوع والحين بكتب اقصد بنقل ...

هذي قصيده للشاعر الامير/عبدالعزيز بن سعود

يقـــــــــــــــــول ::::

ودي تشوف الهم وشلون سوى
في حال من حبك على غير مصلوح

جرحتني جرح جديد تلوى
على خفوق منك بالحيل .. مجروح

وسويت فيني شي ما يتسوى
واقول يا سيد المماليح مسموح

ليتك بزلاتك علي اتروى
يوم ان الحب لك من الروح للروح

إن كان حيل وصالنا ماتقوى
الله يعين عيون "السامر" على النوح

لا يابعد من جابوا آدم وحوا
خطاك مهما صار منسي وممدوح

ليتك دخلت بداخل القلب..جوا
حتى تشوف بعينك الجرح .. وتروح

بصراحه انا عاجبتني كثير هالقصيده قلت اجيبها لهالمنتدى وأتمنى تعجبكم .. .. ..

مع تحيـــــــاتي /// نـNـواف

**ريان الشمري** · 23-03-2006, 02:04 AM

يعطيـك العافية اخوي نواف وقصيـدة مشهورة هذي

وغناها الفنان خـالد عبدالرحمن .. ذوق عالي اخوي نواف ..

وتحياتي لك ...

**الحوراء بنت نجد** · 23-03-2006, 02:33 AM

نواف

قصيده رائعه لشاعر أحب الجميع لونه الفريد في بث

مشاعره فهو الشاعر أبن الشاعر سليل بيت الشعر

والأدب---- نواف نقل رائع وتواصل يثري همس القوافي

للمنقول بهذا الذوق العذب الذي يدل على رقي ذوقك---

حياك بين محبيك يانواف----

الحوراء--بنت نجد

**][ هـــذا انـــا . . . ][** · 23-03-2006, 10:35 AM

نواف

مشكوررررررررررررر على نقلك
والله لا يهينك
القصيده حلوه بس يوم غناها ابو نايف
صارت احلى
تراني من عشاق خالد

فيصل اليامي

**نـNـواف** · 23-03-2006, 02:56 PM

ريان الشمري & الحوراء-بنت نجد & فيصل الحب

الله لايهينكم ويطول عماركم ويخليكم
مشكورين على الكلام الذوووووووووووق يا أسياد الذوووووق
ومشكورين على المرور نورتووو صفحتي ..

الله لايقطعنا منكم وكلامك الحلو لكم كل الشكر و ماقصرتو .. .. ..

مع تحياتي /// نـNـواف