[align=center]السلام عليكم
هذي اول مشاركه لي في المنتدى واتوقع انها تعجبكم
واتركم مع القصيده
جلست بضيقتي وحدي افكر في بداياتي
على شاطي البحر جالس وكان اليوم بغروبه
على الشاطى جلست احسب جروحي وكل خساراتي
وكان الوقت حزتها مطر وقلوب مرعوبه
وكانت طفله صغيره بجنبي تقراء حسراتي
وكانت الضيقه في وجهي وهي بالروح مكتوبه
تذكرت الحبيبه يومها خلتني باهاتي
بعد ماجتني تشكيلي تقول اليوم مخطوبه
وعرسي في شهر واحد وضاعت كل حيلاتي
وامي عزمت ناسي وعرسي جهزوا ثوبه
تقول ارجوك ابي تحرق صوري مع رسالاتي
فراقك ماهو بكيفي انا والله مغصوبه
وقالت:خذ وعد مني المقهور بسكاتي
اموت بحبك الغالي وارد احيا على دروبه
وقالت:مدري وش قالت ...؟؟انا ميت بلحضاتي
خنقني الهم والدنيا غدت في عيني مقلوبه
ابستوعب ولاني قادر استوعب نهاياتي
ابي ذرة فرح لكن لقيت الفرحه مسلوبه
تساوت دنيتي بعيني تساوا الماضي بالاتي
مادام ان العيوب اليوم ترفع ناس معيوبه
رجعت لغرفتي بين الاثاث وبين شمعاتي
اناظر كل رسايلها وقلت ان كان لي حوبه
يعل اللي خذاها ياخذه ربي من دعاتي
ويشوف اللي انا شفته ويصير الهم مشروبه
بكيت ومالقيت اللي يواسينس بدمعاتي
وشكيت الجرح لدنيا ولامنهو لفت صوبه
ماغير امي تحاول بس تخفف لي معاناتي
وبكت وشافت حياة وليدها للموت مطلوبه
وحبتني على راسي وانا اشهق بسكراتي
وقالتلي توضا وصل وثوب الهم قط ثوبه
ورحت اطلب من المولى وانا ساجد بركعاتي
يصبرني على غيابك واعيش بدنيا محجوبه
ترى المسلم معرض للفتن لو طال ماماتي
وانا مسلم وكل مسلم اذا اخطاء له توبه
وقلبي من ذنوبه تاب وعزم يجمع اشتاتي
واذاقلبي طلع مذنب ترى انتي اعظم ذنوبه[/align]
مواقع النشر (المفضلة)