اول مرة اروح الفيصليه
مذكرات شاب اول مرة يروح الفيصلية
ماأدري أكتب من اليمن ولامن اليسار أبداء من فوق ولامن تحت
...أحم أحم...أول شي أعرفكم بنفسي (مؤدب بن علي نياته آل خلاق).
تقدرون تنادوني مؤدب.
أنا من يوم مافتحت عيوني على الدنيا وأنا مؤدب..ماألف ولا أدور(بالعربي دلخ)
أطلع من البيت للمدرسة..ومن المدرسة للبيت..تصدقون اني مرة رحت للبقاله وما قلت لأمي.
ومرت السنين .. وبعدها السنين .. وبعدها سنوات وكبرت .. وكبرت معي أحلامي وأفكاري .. ومره من المرات وأنا قاعد في حضن .. ماي موذر سألتها.
مؤدب:أمي أمي ألحين انا كملت 18 سنه صح؟
الأم:صح ياحبيبي.. >>>>جحش وش كبرة ومنسدح في حضن امه.
مؤدب: طيب امي .. هذا اللي في وجهي شنب ولا لا؟
الام:الا ياحبيبي .. شنب ونص.
مؤدب:طيب ليه ماتسمحين لي يصير عندي أصدقاء زي العالم والناس .. يعني انا موكبير؟
الام: عشان .. آه أه آه آه آه آه ..عشااااان(حجر لها الولد.
وبعد هالتحجير قررت أمي تدور لي عريس.. أقصد صديق.. وقامت تدور وتفر على صديقاتها لما لقت لي صديق حبوووووووووب... اسمه(أبو عتب).. أنا ماصدقت على الله..على طول شبكت مع الولد.. وصرنا نسولف مع بعض..وتوطدت العلاقة بيننا.. حتى صرنا جبن على خبز توست.. وفي يوم (الله لايعيده من يوم)من الايام...
مؤدب: هههههههههههههه... الله يقطع سوالفك يابو عتب...
أبو عتب: أييييييية ... فاتك أمس.. رحنا للفيصلية ولقينا بنات.وحركاااات..>>>شاب مراهق من الرياض اكيد يكون زي كيذا.
مؤدب: أيش الفيصلية؟>>>>يا ويلييييييييييييييي على الادب ياناس.
ابو عتب: أدوب(يدلعني أدوب)أنت تستهبل ةلا تستهبل؟
مؤدب:لا من جد.. أيش الفيصلية هذي .. دايماً أسمع أمي تقول لابوي انها بتروح للفيصلية وإذا سألتها تقول هذي حقت كبار >>>(أمه خايفة يضيع تعب تربيتها هباء منثوراً).
بوعتب:هع هع هع ..والله انك تحفة... خلاص بكرة الساعه 9.. أمرك ونروح لها.
مؤدب:طيب ماتقولي الحين؟
بوعتب:ماينفع..لازم تشوف بنفسك..بس اسسسمع أبغاك تكشخ أخر كشخة (كشخان المصدر الؤول من كشخة رسمي)ولا ترى ماتحلو تشوف الفيصليه.
مؤدب: لاواللي يرحم والديك خلاص.. والله لالبس أحسن لبس .. بس لاتجحد.
بوعتب: افا عليك.. يله باي .. أيييييييييه تذكرت .. جهز معاك ورقه وقلم بكره .. ومن غير ليه بكره تشوف..
مؤدب: طييييب...
انا بغيت أموت بالسكته الصدريه من الفرحه.. أخيييييييييراً باروح للفيصليه ...
الله كيف بيكون شكلها .. مربع ولامثلث .. لونها بنفسجي ولا كحلي .. طيب وش هي اصلاً .. ملاهي ولا مطعم .. ومن زود الفرحه طلعت ملابس العيد ولبستها ونمت فيها .. وفي اليوم الثاني.
انا مرسم ومضبط شكلي ومجهز قلم ودفتروظروف.. نتراسل انا وابوعتب ..ولا وش لازمه القلم ووالاوراق؟! >==== (مؤدب اسم وفعل) وقاعد اناظر الساعه.
تيك توك... تيك توك .... تيك توك...
طوط: عند الاشارة تكون الساعه التاسعه مساءً ومافيها ولا ثانيه ..طوط
تربتيت تربتيت>====(بوري سيارة بوعتب).
هو ما أمداه يضغط على البوري الا وانا راكب جنبه واقول له : يله بوعتب خلنا نروح للفيصليه.
بوعتب:جهزت كل شي؟؟
مؤدب:ايه هذي الاوراق والقلم والظروف.
بوعتب: ظروف؟؟...وش بنسوي فيها ذي؟؟؟
مؤدب:انت ماتبغى نكتب رسايل؟؟؟...أجل وش بنسوي بلأوراق والقلم.>===(طالع على ابوة على قد نياته).
بوعتب:نرقم يالكمخه...كم رقمك بسرررررعه قربنا نوصل.
مؤدب:055إلخ..>===(أخس يامميز انت ) >===(بلا أهله مايدرون وش بسوي فيه).
بوعتب:زين زين..يالله ترانا وصلنا.
مؤدب:هيييييييييييييييئ (شهقه)وااااااوهذي الفيصليه...والله حلوة(بلا في شكلي على ذوقي الخايس) تصدق يا بو عتب اني حبيتها من اول نظره(حبني برص مدعوس على طريق الدمام).
بوعتب: ايه ايه بس خلصنا.. الحين ابغاك تسمعني زيييييين... أول مانلقى عائله بتدخل ندخل وراها على طول..فااااهم؟؟؟
مؤدب:طيب ليه؟
دردوووووووووووووووووب(صفقه على الجبه).
بوعتب:اسمع الكلام وانت ساكت... اصلاً ممنوع دخول الشباب.
مؤدب:ليه يمنعون الشباب... يعني حنا وش بنسوي؟؟
بوعتب:وش قلناااا؟
مؤدب:طيب طيب...خلاص...سكت.
بوعتب:يالله يالله هذي عائله خلنا ندخل وراها.
وأول مادخلت ياليتني مادخلت... حسيت جاني شلل. وش هذا؟ هذا عندنا بالرياض؟..دخلنا الفيصليه ومن اولها استفتحت بثلاث بنات ...كل وحده استر من الثانيه... ما شاء الله عليهم
الأولى:لابسه عبايه سترتس.. ومغطى وجهها كلللله الا فتحه زغننطوطه مطلعه منها خشمها (مافي شي حلو الاخشمها).
والثانيه:مسكينه تقل عمياء مغطيه كل جسمها ووجهها من فوق افي شي حلو اللهم ثلاث شعرات مطلعتهم من فوق تقل انتل وكل وحده ملونتها بلون.
الثالثه:فحدث ولا حرج ... لابسه ورق شفاف (صدق اني على نياتي او بالاحرى حطو 13 خط تحت كلمة بالاحرى عشان أني مثقف وعندي لغات.. أو بالاحرى عاجبتني الكلمه).لابسه عبايه شفاف وحاطه اللثام..كنت احسبها شامه ريحه خايسه أثرها تبغى تطله عيونها المغمصه...أقصد ... عيونها الكحليه المغمصه...
أنا معد عرفت وش اسوي.. اضحك عليهم بس عييييييب أنا مؤدب ولا اتحمد ربي على العافية... (ترى معرف انهم بنات الابعد السالفه بسبوع).قلت ياولد..ماااابدهاش طنشهم ومتع نفسك بالفيصليه(امحق متعه).التفت يمين والقى كومة شمغ وثياب مجتمعه على عبايه وطرفه.
الا شباب مجتمعين على انثى ضعيفه بريئه>====(ركزوا على ضعيفه بريئه).
انا مدري وش لقفني وخلاني أروح أشوف السالفه... ومأسمع ألا الشباب: ياحلو ارحمني وعطنا نظرة.
البنت:وجع.. صدق انكم ماتربيتوا ياقليلين الحيا.
الشباب:اموووت على الكشرةة ياخشه قلبي انتي.
البنت:اقووول ابعدوا...وين اهلكم عنكم..بالله هذي تربيه.
الشباب:طيب ربينا...نموت بتربيتك.هم قالوا ربينا من هينا وما اشوف الايد طالعه من وسط المراهقين وماسكه كعب اسود يلمه واخر شي اتذكرة انه كان يلمع...ونيااااااا....طااااااح... طراااااخ....آآآآآآآي ....أحححححححححح.هيه هيه هيه.
هذولي البزران اللي في دعاية دانا وحليب بالعصير خاشين غلط
مؤدب:آآآآآآآخ...انا ويني فيه... اييييييه الكعب الاسود.....اللي يلمع....وش صار... آآآخ
بوعتب:أووو صصصصص ...فضحتنا الله يفضحك ...بنت ضعيفه صفقتكم كلكم...ههههههههه.بعدين انا ابغى اعرف... انت وش لقفك ووداك هناااك.
مؤدب:أنا مارحت... بس جيت اعرف هم ليش مجتمعين عليها.. قلت يمكن بتبيع شي زين(والله مؤدب).
بوعتب:طيب طيب طيب ...اسمعني الحين كل واحد مننا يروح ...في طريق.. ويدورعلى رز...أوكي...وبنجتمع بعد ساعتين.
مؤدب:أييييييش...على اخر عمري تبغاني اشحذ.. ووين بالفيصليه>===(هذا دلخ مو مؤدب).
بوعتب:لااااااااااايادلخ أنا أقصدترقم بنات...خلااااااص....نتقابل بعد ساعتين...بااااي.
بعد ماتفارقنا انا وابو عتب.. قعدت افكر... وش اسوييييييي...وش اسوييييي...فكر يا مؤدب فكررررر....قلت ياولد مابدهاش روح واشرب لك شي وروق عشان تعرف تركز>====(حشى صارت مذاكرة مو مغازله).
قعدت ساعه ونص افكر...وبعد ماقربعت لي سبعه ججالون بيبسي واعي المحل بغى يصيح يوم جيت اطلع من المحل... قرررت اني الحق عمري...والله.. وش فرقي عن باقي الشباب.. كلهم يغازلون ويرقمون..يعني حبكت علي انا ...لااااا.. منيب طالع الا لما ارقم لي بنت>===(بعدي...آآآآه اقصد عيب عليك).
قلت في نفسي.. المسأله سهلة.. أول ما أشوف عبايه تمشي قدامي .. على طوووول وبحركه خاطفه اصمنها بالرقم(اذب عليها الرقم).
طلعت معزم النيه على اول عبايه تتحرك قدامي.. ماسك البيسبسي بيدي اليمين(ركزوا على البيبسي لانه هو البطل في المشهد القادم) وماسك الرقم باليد اليسرى ...مشيت ... ومشيت..بعدين مشيت...ومن ثم ركضت...بعدين هديت عشاني صاير كأني خبل وأنا أركض>===(حشى صارت قصة حياتي مش مذكره).......فجأة.
مرقدامي شي اسود...هييييييييه بنت...واجهز الرقم واستعدو....طلع واحد زول لابس اسود>===يستهبل ذا.ونا ماشي متحطم..وأشوف قدامي...بنت!بنت!بنت..
مؤدب:أصبري أصبري ...لاتتحركين>===(بيصيد هذا).
مؤدب:ياربي وش أسوي.. أيييه تذكرت أرمي الرقم عليها.
أنا من زود الحماسه والربشه.. رميت اللي بيدي بأقوى ماعندي...على البنتوانا مغمض...وطرررقاااااااع.
أيش؟!...طررررقاااع؟!وش طررررقعه...وألتفت على البنت(ياليتني مالتفت)..لقيتها متغرقه بالبيبسي من أولها لاخرها أثري بذكائي المعهود ومن زود الحماسه... رميت عليها البيبسي وخليت الرقم معي... وما أشوف الا البنت وعينها تقدح شراراً(يعني معصبه يالقروي).
البنت:أيا قليل الحيا...أن ماربيتك ما أكون نوير بنت ابو نوير.
أنا عقب هذيك اللي فقعت راسي...تووووبه أتفاهم مع ...بنات...وما تشوف الاغباري...بس هيهات هيهات..ويييييين....أنا طالع منها بدون ...مشاكل...وانا منطلق بأقصى سرعتي...دررردوووب
!مؤدب:أححححح....وش ذا...جدار؟ماذا.
ماذا فعلت ايها الفاجر>====طلع واحد من جيوش الهيئه؟؟؟؟
مؤدب:يماااااه واسحب شماغي من على راسي وانط من فوووووق من الدور الثالثمسوي شماغي بارشوت>===متأثر بشماغ البراسيم.وماتشوف الاكل اللي بالفيصليه يلحقوني.
الهيئه:الله أكبر..اللحقوووووه لقد أعتدا على فتاه بريئه>===كثرلي منها.
الشباب الفاضيه:هييييييية مطاقه...الحقوووووه.البنات ..مايحتاج اتكلم...البنات مايبلي لهم سبب هم أصلاً ملقوفات.
وانا قاعد أركض.. كأني ضاطوريلاحقونيبزران بنعله.. أروح يمين القى ناس .. اروح يسار القى نااااس.. خلااااص.. رحت فيها ...حجرو علي..آآآآآآآآآه
حجرونيييييييييييييي...آآآآآآآآآآآآآىه...>====(على طول كمل ماعنه وقت)اغمى علي...>===(خكري).
وما قمت الا في مكان يعلم الله وينه فيه وقاعد مع شباب طيبه ماتكلمت معهم من يوم ماجيت...
بس عاد الاسبوع الجاي بروح للشرقيه يقولون فيها محل خوش اسمه الراشد.
ههههههههههههه.
تحياتي:
عصفورة الحب
مواقع النشر (المفضلة)