ابك انت لو ضايقك في قلبي الناس//ركبت لك من دونهم قلب ثاني
السلام عليكم
قصيدة قريتها مرّه ومرّتين وثلاث
ما ارتويت من جزالتها
وحبيت انقلها
ومعليش اليوم كل نقلي قصايد شماليه
لان توي جاي من الشمال وان شالله تعجبكم
0
0
0
حميد انا دايـم , يراودنـي احسـاس
إنـي إذا وصْلَـت غلاتـك .. أنانـي
لو شفت حولي ناس ماحولي اونـاس
ربك خـذا منـي .. مثـل ماعطانـي
وش ونستي دام اقرب الناس جسـاس
لو درت له .. متني لـك الله رمانـي
عزاي في شـرواك ياطيـب السـاس
مابي بلا .. لاجاب .. مثلـك زمانـي
كل مالمحت الحقد بعيـون الانجـاس
تطري لي عيونك .. واوكّد .. مكانـي
دايم تجيني .. وقت ضيقات الانفـاس
مثل النسم .. صوتك يشـد المحانـي
عرعر ورفحا والحفر .. وابن هبـاس
لو مابهن ياكـود صوتـك .. كفانـي
وشلون اجل مااغليك ياطير قرناس ..؟
وانت الذي زعّلت .. ربعـك عشانـي
لو للغلا حجـم ومساحـه ومقيـاس
كم رقم احطم .. في غلاك تهقانـي ؟؟
يعني وش اكثر من فديتك ( بمواس )
ماهي كثيره .. بـك جديـد المعانـي
ابك انت لو ضايقك .. في قلبي الناس
ركبت لك من دونهـم .. قلـب ثانـي
ولكم مني كل الود
رد مع اقتباس
مواقع النشر (المفضلة)