حـــــــــلم

[شقران]

[poem=font="Simplified Arabic,6,black,normal,normal" bkcolor="transparent" bkimage="" border="double,4,black" type=2 line=0 align=center use=sp num="0,black"]
جلّ الولي كبرت له والصوت بالله اعتلا =زلزل كياني عظم ماشفته وصرت مبهذلي
الله عطا والله وهب والله لخلي كمّلا =اعطى الجمال الفاره لشوقي وتم مكمّلي
هذا الجمال النادر الوافي وهذا المذهلا =وهذي مهاة الريم مثله في شموخه تقتلي
لايم طريح العشق بالله كف لومك واعدلا =لو شفت ماشفته خطير اتصيح في صوتٍ علي
لو شفت غيدا عودها رويان سحرٍ مع حلا =عزّ المصوّر عنقها عنق الغزال الجافلي
مرّت علي بلحظ نجلا زاد حال المبتلا =من رمشها الساهي رماني سهم يمي مرسلي
صوّب خفوقي واعذابي من هيامٍ مقبلا =وقامت تهذري به خفايا الروح، ناري تصطلي
ثم ابتسم يالاعج البرااااق ثغرٍ للغلا =وبانت ثنايا ضيق همّالٍ لقاعي هلهلي
اقبل عليّ وفزّ له قلبي وجاوب ياهلا =وانتل باعروقه وجض وراح لله يسالي
يطلب ثباتٍ عن جنون الحب مع ريم الفلا =يوم اشّر بكفه سلامٍ ناخ من هو به بلي
قال اسعفوني خصرها يمنع غذاها ينزلا =يفصل لسحرينٍ سبنّي واعزفنّي عن هلي
وابدى سلامه كلمتينٍ ياهلا يامسهلا =مع ضحكةٍ يالله تعين القلب وقعه يذهلي
علمي بنفسي شاخصٍ شوفي وروحي تنتلا =هذا الجنون او هو هيام او موت عشقٍ بان لي
شقران[/poem]

[قـرنـاس الغــلا]

شــــــــــــقـــــــــــــــــران


تصبحت بها القصيده الجزله

جعل راسك ســالم


صـــــــــح لســـــانك ولاهنت يالغــــلا

ابدعت بحروفك...


علمي بنفسي شاخصٍ شوفي وروحي تنتلا
هذا الجنون او هو هيام او موت عشقٍ بان لي



تحيااتي .. .. اخوك .. .. .. قرناس الغلا

[الحوراء بنت نجد]

الشاعر شقران

حين نتوقف ونلحظ (شقران ) تتوقف علامات الأستفهام

لأننا أمام الوضوح في المعنى والجزالة في البوح

واللذة التي تخامر المشاعروتجذب الأحساس------

بدون تنميق شقران يلتقف الكلمه من جوف غيمة الخيال

فيصوغ قافيته بفن الفنان المتمرس في عزف معزوفته

لم نجد أي كلمات تنصف شاعرناااااا في هذا الموقف

طاب حرفك وصح بوحك ياشاعرنااااااا------------

عانق الخيال ياشقران فأنت هطول غيثه

الذي ننتظر بتطلع للجديد----------

هذه00الحوراء-بنت نجد

[نايفة نجد]

[align=center]لو شفت غيدا عودها رويان سحرٍ مع حلا
عزّ المصوّر عنقها عنق الغزال الجافلي
مرّت علي بلحظ نجلا زاد حال المبتلا
من رمشها الساهي رماني سهم يمي مرسلي
صوّب خفوقي واعذابي من هيامٍ مقبلا
وقامت تهذري به خفايا الروح، ناري تصطلي
ثم ابتسم يالاعج البرااااق ثغرٍ للغلا
وبانت ثنايا ضيق همّالٍ لقاعي هلهلي

هلااااااااااااااا والله بالرائع

شقران


لله درك حرفك غير

وقافك غير

وانت كلك على بعضك غير


صح لساااااانك مليون × مليون


ولاهنت

تلميذتك

ملثمه[/align]

[سلطان حامد]

[align=center]
أمسيه شعري من شاعر جزل
لي عوده لها


ولك خالصـ الود

[/align]