[align=center]بسم الله ورحمه الله وبركاته ...
السلام عليكم ورحمه الله وبركاته ...
[line]
بما أنها أول مشاركة لي هنا أحببت أن تكون قصيده من نظمي .. وكلي أمل أن تنال على حسن رضاكم :
[line][/align]
[align=center]التضحيه:
ربما في عالمنا ..قليلٌ هم .. من يستحقون التضحيه..
او أقل من القليل .. ولكن لا بد و أن تجد .. من يستحقها..
لكم ..
ولقلب من تستحق التضحيه ..!!
(( آخر خيول شعري ))
ياما...!!
و
ياما...!!!
و
ياما...!!!!
__ أنــطـق وأقــول __ [/align]
[poem=font="Simplified Arabic,4,darkblue,normal,normal" bkcolor="transparent" bkimage="" border="groove,4,darkblue" type=1 line=0 align=center use=ex num="0,black"]
ياما الفرح مر في عينـي وخلانـي=وياما الحزن مر في عيني وناديتـه
وياما الغلا مر في قلبـي وخاوانـي=وياكم بنا هالوله في خافقـي بيتـه
ياصاحبي هاك مني دفتر احزانـي=وأشواق قلبٍ هجره الحب واحييتـه
ياما غيابك سكـن فينـي وعنّانـي=وياما حضورك اليا غبتي ترجيتـه
وياما سكنت الوله والشوق عنوانـي=وياما حضر طيفك فبالي وناجيتـه
ياما وياما رسمتك وسـط ديوانـي=حتى مكـانٍ لقيتـك فيـه مريتـه
اشتاقلك دفتري واشتاقـت الوانـي=وياما داعني غلا غيـرك وخليتـه
الله كتب لي غلاك وحبـك أشقانـي=وياما لأجل خاطرك هالدمع هليتـه
لو تسالي دمع عيني صاحت اجفاني=والدمع ليته يجـاوب يالغـلا ليتـه
مشيت دربك وعشقك يمك اغوانـي=وانا غويتك وشعري يمك اغويتـه
مايوم طيفـك نسانـي او تعدانـي=ولا انـا قـد نسيتـه او تعديـتـه
لك قلبي وعقلي وروحي وتحنانـي=ولي منك حـب حقيقـي ماتناسيتـه
يالغاليه والصديـق اللـي تناسانـي=ابشرك كـان لـه منـزل وهديتـه
ياما سكن ناس في قلبي ووجدانـي=وياما لأجل عينهم خفاقـي اشقيتـه
وياما ارتحل ناس من قلبي واشجاني=ماهو حسافـه رحيلـه ماترضيتـه
يالغاليـه والزمـان اللـي تحدانـي=ركبت راسي وانا برضوه تحديتـه
وياما العصافير نامت فوق اغصاني=وطـارت ولا شفتهـاولا تمنيـتـه
ماهي غريبه ردي الخلـق يجفانـي=الموت لا من جفاني شخص حبيتـه
وش لي بكثر الكلام وزلـة لسانـي=اللـي جفانـي تـرى والله جافيتـه
ودام الغلا يعطشك وإن جيت يرواني=يالغاليه وش نبي فـي عالـمٍٍ ميتـه[/poem]
[align=center][line]
وسـلاااامتكم ....
عبـد الرحمن الفيصـل ...
( الغروب الأخيـر ) ؛؛[/align]
مواقع النشر (المفضلة)