لو كل كلمة ليا جتنا طردناهـــــــــــا
سمعت لي كلمة مدري وش اقصاها ** حزت بصدري وأنا ماني بهارجها
لو كل كلمة ليا جتنا طردناهـــــــــــا ** بعنا الثمينة بسعر مـــــا يــخــارجها
لو مرت السمع ما كنا سمعناها ** وانقفل الراس عنها لا يبرمجها
ومن يم هذا الهذا ما نقلناهــــا ** والناس واجد وتلقى ن يروجها
من جابها بين خلق الله ووداهــــا ** لو به مراجل ترى نفسه يسمجها
من عامل الناس في سابق خطاياها ** يقعد بدار خلا ما داج دايجها
يفكنة تشوي الجربوع رمضاها ** تابس غصون الشجر من حر واهجها
والناس بالحق حكم الشيخ ما ارضاها ** ما ترضى الناس لو إنك تججها
ياللي تبا الطيبه خذها وعطنا ها ** وخل الطريفة طيريه لا تثلجها
واقضب طريق الاوادم وامش ممشاها ** واتبع دروب العرب وادرج مدارجها
وارسم لنفسك حدود لا تعداها ** من حط نفسه بدرب الضيق يحرجها
وإن كان نفسك هواها قام يـــنـحاها ** حط الأعنه بروس الخيل واسرجــها
وفكر بنكافها قدام مــــغــــزاهــــــا ** واضر ب حساباتها وتشوف ناتجهـــا
وكل بعضده يموح الدلو برشاهــــا ** وتلقى كبود الضوامي من يبرهجها
وان كان توك على صدرك تهجاها ** حنا ترانا ندرس في منــــاهـــجــها
من يم مصباحها نبعد معشاها ** اليا قعد راعي الضلع يدرجها
لو هي ضعيبة اليا انعاجت عدلناها ** واللي تجي مستقيمة ما نعروجها
نهتم يف وزنها وابرام معناها ** ومن الكرستال واللولو نتوجها
مثل الجواهر ليا منا نضمناها ** وسلوكها من جديد الزري ننسجها
مخايل ترتدم والصدر منشاها ** إن دك بالبال داكوك يهيجها
واليا امطرت ضاقت الوديان في ماها ** تأخذ اليا الحول ما يبست مدالجها
إن صدت الناس عنا ما اعترضناها ** ما تقفي الناس عنا ونتولجها
وإن جاتنا الثانية نصبر ونرفاها ** يمكن اليا فاق راعيها يعالجها
وإن عادها عودة ما عاد ينساها ** من حربة في صميم الصدر نولجها
مسمومة يبلش الدكتور بدواها ** ما يقنع الخبل لين إنه يلامجها
~*¤ô§ô¤*~تحياتي~*¤ô§ô¤*~
مواقع النشر (المفضلة)