نطقت أسـمــك وذوبني ...
نطقـت اسمـك وذوّبنـي وحبّيتـك أنـا بسـكـات
أحسّ اسمـك ينادينـي وقلبـك فاتـحٍ بابـه
أحـسّ انّـا تلاقينـا عقـب مـا طـالـت الغيـبـات
أحسّ انّي معك دلّيـت دربٍ ضعـت بترابـه
يميـن الله إذا شفتـك أفـارق مـاضـي الآهــات
أعانق حاضـرٍ ساحـرقريـت السحـر بكتابـه
أنا ادري فيك جذابة ويذبحني صـدى الضحكـات
وانا ادري فيك ما تدرين انّك حيـل جذّابـه
انا ادري فيـك دلّوعـة تـذوب بشفّتـك كلمـات
دلع مخلوق لك انتي وبنات النـاس تتشابـه
انا ادري فيك حسّاسة تحـرق خـدّك النسمـات
ولو يجرح يديك الورد أنا اشهد ما نتـي كذّابـة
قمرنا ما وصل زينك ولو حـاول تـرى هيهـات
ولو جرّب يجي جنبك تقول الناس : وش جابه
ألا يا مالـكٍ روحـي .. وساكـن بالحشـا والـذات
تدلل لو تبي روحي تجيك ان كنت طلاّبـه
تراني فدوة عيونـك .. وحلمـي أمنـع الدمعـات
أجـل وش فايـدة حبّـي اذا الدمـعـات صبّـابـه
أنا ماني مثل غيري مـع اللـي يحبنـي بالـذات
أصير اقـرب لهـا منهـا وأردّ الدّيـن لأصحابـه
أدلّلـهـا وأدلّعـهـا وأعلّيـهـا عـلـى النـجـمـات
وأخلّي القلب لـو أخطـت يبـوح بقاسـي عتابـه
أنا مانـي مثـل غيـري غيـري يعشـق العثـرات
منى روحه وكـل همّـه يناظـر غلطـة أحبابـه
أنا ماني مثل غيـري .. غيـري يكثّـر الخطـوات
وكــل بـنـت ٍ تهيّـالـه بــلا تفكـيـر حيّـابـه
أنا مانـي مثـل غيـري .. غيـري وافـر الكذبـات
وبنت الناس مسكينـة .. تقـول : النـاس كذابـه
أنا ماني مثل غيـري غيـري لـو بكـى شحّـات
يحاول يكسر الخاطـر يقـول : الـروح منصابـه
أنـا مانـي مثـل غيـري غيـري مسـألـة أوقــات
يـاخـذ مايـبـي ثــمٍّ يـقـول : شفـيـك نصّـابـه
أنا ماني مثـل غيـري غيـري بالهـوى مـا مـات
يشوف انّ الهـوى لعبـة ويمكـن أحسـن ألعابـه
أنا ماني مثـل غيـري يقـول : انّ الـبــنـات خبـلات
يقـول : البنـت مهمـا تكـون تراهـا بنـت لعّابـه
أنـا مانـي مثـل غيـري هويتـك يالغـلا بسـكـات
ومحـدٍ يـدري بحبـي ومحـدٍ يعـرف اسبـابـه
أنا عـارف طمـوح البنـت تبـي منهـو يلـمّ شتـات
تبـي منـهـو يخلّيـهـا .. تـكـون لعيـنـه اهـدابـه
وإنتي لو دريتـي بـي وفهمتـي صـادق الكلمـات
يمـيـن الله تحبّيـنـي وانـتـي مانـتـي مرتـابـه...!
وتحيـــاتي لكـــــم ..
رد مع اقتباس
مواقع النشر (المفضلة)