..♣♪♣ مراهيش نوك ماتبل الورق ♣♪♣..
[align=center]
مراهيش نوك ماتبـل الـورق ياهـن
لها اليوم تاسع يوم تبـرق ولا سالـت
يقولون لاضاقت عليك الوسيعـة غـن
وانا اقول شفت مقرد الخلق وش قالـت
انا البارحة من يوم غابـت اليـن اذن
تحلوى عيوني للكرى مير ما احتالـت
يثوع النعاس من ارمد الجفن يوم تعـن
سراميد غيـظ بالحشـا حبلهـا فالـت
هجوس ليا قامت تكـرب وقمـت اون
تصرم معاليـق الحنايـا ليـا انهالـت
ذلول الهجاد اللي نبت في جماها سـن
من العام تثعى في ضلوعـي ولازالـت
حلال الذهاب اللي استشاطت لبسها جن
عسأي تجود في نحرهـا ليـا مالـت
وانا يوم امس ابطانها مـا علـى مـن
يدين الهوان ان حطت اللوم وان شالت
ابازم نفسي عن طمـان هـواة مصـن
واعدى لجفني وارقب العين وش خالت
عليها المـلام ولاعليـة السـلام ابـدن
يدين تبي قصرت ايدينـي ولا طالـت
بعد مانفضت غبار صدري ولد ياهـن
بعد ما روت روحي من الغيض واكتالت
يقولون لي ضاقت عليك الوسيعة غـن
وانا اقول شفت مقرد الخلق وش قالـت [/align]
رد مع اقتباس
مواقع النشر (المفضلة)