[align=center]هذه محاوره قديمه بين فتاة وشايب في الثمانين من عمره
أتمنى أن تعجبكم 000



بداية القصة عن شايب إسمه حمدان وهواوي ( قلبه خضر )) مايشوف أي بنت إلا وينفتن فيها ومشهور بأنه حبيب
فيه بنت ملكعه وصاحبة مقالب وقالت في نفسها أنا ليه ماأروح للشايب وأمزح معه وأضحكه شوي وأشوف ردة فعله كيف تكون ؟؟
راحت له وردت عليه السلام 00كيف حالك ياشايب ؟ رد السلام والله بخير الله يعافيتس وفجأه عطته ظهرها ومشت ولاإستئذان ولاشي
ولع الشايب من حركتها وقال فيها كم بيت يستعطفها ويقول إنها ذكرته بالماضي وإذا ماعطيتيني وجه ألحق بأخوي حمود اللي في قبره ويذكر التاريخ واليوم اللي قايلها فيه
يقول الشاعر:-[/align][poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت خوذي خاطري وارحميني=لاتجرحين العود بعيونك السود
غضي نظرك وغطي الوجنتيني=لعل يومٍ جدد الجرح مايعود
يوم انتهى من مرمسات السنيني=جتني صواديفه على غير مقصود
بأول شهر عشره نهار الثنيني=حمدان مروبه على جنازة حمود[/poem]
[align=center]البنت كانت تقصد من استفزازه أن تجاريه في الشعر وترد عليه والشايب ماكان يدري إنها شاعره وعلى باله إنه ماخذ راحته بالغزل 0
وردت عليه البنت ودحرته حيث تقول:-[/align]
[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشايب الرحمن وينك وويني=عزّي لحالك قدمك الباب مسدود
قلبك عطوف وجاه قلبٍ متيني=والبنت ماتشفق على مغازل العود
حبل الرجامقطوع بينك وبيني=مثل الغليث اللي رعى قلبه الدود
أقفى شبابك والعرب مقبليني=ياعود مايرجع من العمر مفقود[/poem][align=center]حطمته يوم قالت له إنك عود وإن الشباب مايرجع وإن مافيه أمل تعطيه وجه
هنا حس العود إنه تورّط وقال كم بيت ويقول فيها صدّي عني وإنه مايبي الغزل بعد ماوصل عمره ثمانين سنه 0
يقول حمدان :-[/align][poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت صدي بالعيون الظليله=لاصد عنك الله نهار القيامه
مالي ومالك يالفروع الطويله=لوفيك من رسم البداوه علامه
يابنت مالي بالثمانين حيله=أهدف كما تهدف على البير قامه
أقفى شبابي والدهر شفت ميله=يالله حسن الخاتمه والسلامه
أعطيك موجز والبضاعه قليله=وأخذت لك من صافي الماء سنامه[/poem]


[align=center]راحت الأيام والشايب مسكين عمره خذله مع هالبنت 00 وإن البنت كيف تقولّه له كيف أعطي شايب وجه (( بعد فتره جاءته البنت مره ثانيه وردت عليه السلام وأستفزته وراحت وتركت الشايب يولع )) قال الشايب في نفسه ليه ماأبين لها في كم بيت إنها تبي تكبر وتشيب مثلي وإني رجال طيب وأن الناس تنصاني ومعروف بالكرم وإني ماأبي منها غير التحية والترحيب 00
يقول حمدان:-[/align][poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابنت ماجاتس الكبر والخشونه=وعادت شباب اليوم يجفل من الشيب
ياسرع ماوبلك تمزّع مزونه=يالفاتنه يأام الثمان الرعابيب
يابنت مابيني وبينك مهونه=كلمة شرف نبي تحيه وترحيب
الله من عودٍ ثقيله طعونه=ينصاه راع المشكله والمواجيب
على الكرم والدين نفسه حنونه=تلقاه بالأجواد شرق وتغاريب[/poem]


[align=center]جهّز الأبيات وأرسلها مع عجوز ووعد العجوز بهديه إذا وصلت الرساله لها 00 راحت العجوز وعطت البنت الأبيات وبعد ماشافتها البنت وقرأت القصيده قفّلت على العجوز في غرفه وقالت مثل ماجيتي بأبياته ترجعين له بأبياتي00
العجوز مسكينه قالت طلعيني ولاأبي منكم شيء الله لايعودكم أنتم وأوراقكم00 ردّت البنت بأبيات أقوى من الاولى وأكثر تحطيم 00 الله يعين الشايب ماأحد رحمه حتى لوحاول أن يستعطف 00
تقول البنت:-[/align][poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العود عودٍ طايحاتٍ سنونه=من كثر مايرقد على جرت الذيب
عودٍ مهرقل والعرب مايبونه=ياعود مالك في طويل المراقيب
أقفى شباب العود راحت حتونه=مثل اليتيم اللي بكى ماله مجيب
جداه ينثر دمعةٍ من عيونه=غريق موجٍ مالقى له مقاضيب[/poem]




[align=center]منقـــــــــــــــــــــول


عزيزقوم[/align]