بس فشلني
7
7
7
7
7
7 قال تربطيه وإلا شلون؟
قلت :هماك تقول إنك تحبني أكثر وحده؟وإنك إذا ماشفتني يشين يومك؟
قال:انزلي واتصلي عالسواق يوصلك وخذي معك السي دي حقك..
قلت :هماك تقول إني مـ...
قام عصب بقوة وقال: أقول إنزلي أو إربطي
قلت:أصلاً أنا كنت بربطه بس قلت أختبر إلتزامك بنظام المرور تصدق إنك رهيب..
أنا مدري ليه ماتصير مدير مرور السعوديه كل أبوها؟
وأقوم وأربط هالشين طلعت كني في قفص أبو غريب...هههههه
وكل شوي أنسى وأتحمس وأنا أسولف ويردني الحزام
اخر شي قلت له:خلاص بسكت
ماصرت أعرف أتكلم وأحس إنك ماتصدقني وأنا أتكلم لأن لغة الجسد مربوطة بالحزام..
وجينا عند إشارة توهاااااااااا صايرة برتقاليه ويقوم ويوقف!!!
قمت أنا وصحت:لا لا لا عديها عديها
مارد علي ووقف..!!
بغيت أنهبل
والتفت عليه: الحين ليه وقفت وهي توها برتقالية؟؟
قال:لأني أعمل حساب لأي سيارة متهوره في شارع مثل هالشارع وبعدين دقايق وتصير خضراء ..... الحياة تستحق الإنتظار
قلت:طيب ياليت تعمل حساب بعد لأعصابي لأنك لو توقف مرة ثانية في إشارة برتقالية بنزل أدز السيارة
مارد
وبديت أطنقر
ويوم مشينا وصرنا قريبين من سوق وعنده زحمة وصاير الشارع مزحوم منه صارت السيارات تطلع من السوق عشان تدخل الخط العام وكل شوي تجي سيارة ويقوم أبوي الله يجزاه خير يوقف ويخليها تمر!!!!
طــــــــــالت السالفه والحال مثل ماهو
أخر شي طنقرت بقوة ويوم جات السيارة رقم16 بتدخل علينا
قلت:لاتخليها تمر ماعليك منها ديوِر ديوِر قبلها
قام قال :وش ديور ذي؟! إنتي من وين تتعلمين هالمفردات؟!
وبعدين القيادة أخلاق مش مجرد وسيلة أتنقل فيها...
قلت: عاد أنا قلت لك ساقط عالأوادم؟!
قال: وش ساقط عالأوادم هذي لا تتكلمين كذا..
قلت:ترى قسم ماعاد أركب سيارتك لو أركب جمل أو حمار...
قال:يكون أحسن..أفففففف أعوذ بالله من شــ...
قلت:إيه
قال:من شيطانك هاللي أول شيطان بيدخل جهنم
قلت:الله أكبر يعني شيطانك إللي بيدخل الفردوس باقي تشوفه هو وشيطان عتبة بن ربيعة يطبون في جهنم
قام ضحك حتى بدت نواجذه
ياحبي له
ويوم وصلت وجيت أبفك الحزام وعيا ينفك نزل أبوي وأنا أستنجد فيه وهو يقول يفكه شيطانك!!!
الله يخلي الجوال اتصلت على أخوي وجاء يفكني الله يجزاه خير
دخلت على أمي وأنا مبرطمه ورميت الشنطة والعباة كني (واحد دخل على زوجته من الدوام في عز الحر وما لقى غداء وزوجته تلعب مع العيال)
قلت لها: يمه قاطعي أبوي لاتكلمينه يمه تركني مربوطه وراح وخلاني وطول الطريق يهاوشني ويسرع يمه يسرع بغينا نصدم 4 مرات..
مادريت إلا وفيه مسكة لطيفة مسكت ذراعي
يوم التفت إلا وطويل العمر قلت:هلا أبوي وش رايك توديني لندن بالبر....
مواقع النشر (المفضلة)