**((بعثرنـــــــــــــــــــي عتـــــــــــــــــب))**

[ملاك الشمري]

[msg]يا هلا فيك[/msg]
جمع اللي ودك تقوله وبعثرني عتب

الملامه شي عادي دامها منك وجاي


انت تامر وانا البي ماتبي بليا سبب

بس كان جيتي خاطر تلبي لي رجاي


رجوتي لاتلحق عيونك مشاريه الهدب

لاتضايقه بدموعك والتفاتتك وخطاي


سق فديتك كل ماتملك من جنون وغضب

وابشر بصدرن يضمك حيل دام انك هواي


ولارويت عتاب ناظرني وقل طاح الحطب

وقل شرايك وبنسجلك من الاعماق راي


بتناثر لك رضا واحساس صادق ماكذب

وانت رتبني على كيفك وشكلني برضاي


وان تلعثم بي حضورك ثم نطقني لك تعب

حاول انك تسمع اشواقي وسط تنهيد ناي


اسمع دموعه وقربلي وقرب واقترب

واسئل عيوني عن طيوفك وقصتها معاي


كيف كانت في غيابك فجأه تطري واغترب

اركض لمنفى خيالي وارمي الواقع وراي


اوجدك مابيني وبيني واسولفلك واشب

ليلة حضورك قصايد تشتكي لك من عناي


آآآه لامنه بزغ فجر الحقيقه وانسحب

طيفك اللي ساكن عيوني وضاقت بي سماي


اكتشف وشلون يموت الصوت برماح الطرب

لحظة جيت اتغنابك وعاندني غناي


واكتشف كيف السهل فجأه يتحول صعب

لانويت ابكيك ثم ازريت القابي بكاي


اقسم بربي وربك فيني احساسن غصب

كل كلي في غيابك ينجذب لك ياهناي


مانسيتك لونسى التاريخ امجاد العرب

وماتركتك الا بين ضلوع صدري وبحشاي


لانك اكبر من غلا الشاعر لآخر ماكتب

ولانك اقربلي من سكوتي لاعانق شفاي


ولانك اول من تمكن بي وعلمني احب

ولانك الشخص الوحيد اللي يجي في مستواي


صاحبي جمع كلامك ثم بعثرني عتب

والله ان كل شي عادي لاغدا منك وجاي





تحياتي لكم


ملاك الشمري

[][ هـــذا انـــا . . . ][]

يا هلا وغلا
ومرحبا بك
سلمتي لنا على نقلك
وسلم لنا بنانك
ودمتي لنا وللزين

اخوك
فيصل اليامي

[ملاك الشمري]

تسلم فيصل على مرورك ويعطيك العافيه ونورت الصفحه بردك لاهنت


ملاك الشمري

[أعماق الشمري]

[align=center]ملاكـ الشمريـ


للحروف من اختيارك رونق خاص

روعه .. اناقه ...جمال ...ذوق ..هو انتي




مع ودي بأختصار
[/align]

[مجودي الشمري]

ملاك الشمري تسلمين على هالبداع الجميل وننتضر جديدك ولد عمك مجودي الشمري