صباح الورد
وان حصل وقريتو الموضوع بالليل مسااءالخير
بينمااا ان اتصفح الموقع الشخصي للشاعر مشعل البقمي
وجدت هالقصيدهـ
التي لا ادري لماذا لم يتسنى لشاعرناااا ان يوردها ضمن قصاائده في المنتدى
[poem=font="Simplified Arabic,5,white,bold,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
ياسنا كـل الجواهـر يـا ذهـب.=شفت جده غير بس الناس غيـر
جيتها يوم الخميـس اول رجـب=منتدب ونـا بهـا مانـي خبيـر
قلت ما لك ياولـد غيـر الكتـب=ورحت متل الناس في يمة جرير
سـارح بيـن الماثـر والخطـب=بين كتب الاصمعي وبـن كثيـر
ماوعيت الا على رمش وهـدب=.كـن قلبـي يمهـا يبـي يطيـر
قلـت ياقلبـي بـلا قـلـة ادب=قال تكفـى قلـت والله مايصيـر
انت مايجوز لك طيـش وشغـب=الشغب والطيـش خلـه للدشيـر
قال والله لاشتكي وارفـع طلـب=.يم هيئة حـق تقريـر المصيـر
قلـت لـه ماينفعونـك ياصعـب=مانفعوا شعب تشرد بـا الهجيـر
مايـرد حقوقهـم غيـر الحـدب.=سيف ابي طالب وخالد والزبيـر
المهـم أنـه تراجـع وانسحـب=قال انا رهـن الاشـاره ياكبيـر
ويوم ثاني رحت والغايه رطـب.=وجيت للدانوب والحزه عصيـر
وجن ثلاث من صدفهن ماكسـب=.اخلفنـي بينهـن كنـي غـريـر
مادريت الا وانـا شـاري عنـب=.تاهـت الالـوان بعيـون النذيـر
قلـت يالله كلهـا خيـر ووجـب=نشكر المعبود بالـرزق الوفيـر
ويوم ثالث قلت ابشري لي كنـب=ورحت سوق البدو من بعد الاخير
وصدفتني عندل تمشـي عجـب=مادريت الا قـدم رجلـي تسيـر
كنها نجمه علـى حفلـة طـرب.=اشهد أن الزين جمهـوره غفيـر
جنبها ذاك الطويـل ابـو شنـب=.ياكبر زولـه كبـر زول البعيـر
غيرته بالارض ملعون العصـب.=كيف يرضى بالمخصر والقصير
قلت له تبـت يـدى ابـي لهـب=في شقى يوم عبـوس قمطريـر
لعنبو حيـك تـرى حنـا عـرب=استر المجمول مقطـوع النظيـر
صاح (أندر) قلت تخسى وتعقـب.=انكر الاصوات هو صوت الحمير
وش علامك قال أنا اصل وحسب.=ايه أنا تاجر وابن عمـي مديـر
قلت جعلـك للبـلا يابـو حقـب=الشريف حصان لو فرشه حصير
وجو وجيه الخير والامن استتـب=..وجيت راجع بين نغمات الاثيـر
ماحصل من روحتي غير التعـب=وكل تاخيـره بهـا خيـر كثيـر
ويوم رابع زاد همـي واكتـرب=ورحت للكورنيش باليوم الشهيـر
كنت جالس والبحر عز الطلـب=موج يصفق موج والناتـج هديـر
ومرت قبالـي فتـاة مـن لهـب=ماسكن يدها هكا الطفل الصغيـر
الولد ملقوف جـى يمـي هـرب=وهي تنادي مـن مكانـه يامنيـر
جى يلاعبني وانـا عقلـي لعـب..=قلت منهي قال دي اختـي عبيـر
قلت له من وين جاوب من حلب..=قلت يخز العين( شو هيدا) اميـر
حاسني المطيور والشاي انسكـب=ورغم هذا قمت واعطيته عصيـر
وهـي تنـادي يامنيـر وتقتـرب=اذكـر الله كنهـا البـدر المنيـر
ومسكت يده وراحت به غصـب.=الولد يبكي وانا وضعـي خطيـر
لاسـلام ولاكــلام ولاعـتـب.=ادبرت مثـل الغـزال المستذيـر
ورجعت من دون أي ادنى سبـب=قلت يالله ياعسـى بالامـر خيـر
وهمست سر قلب حالـي قلـب.=قلت له يابنت سرك وسـط بيـر
كنهـا منـي وان دم وعـصـب=قصتـة ولا روايـة شكسبـيـر
كلمتيـن ولعـة نـار وحـطـب.=وسط قلب يجذبه سلـك الحريـر
مادهاني وقتهـا غيـر الغضـب=.وما ذبحني غير تانيـب الضميـر
كنها يـوم ادبـرت بـدر غـرب=.والبحر في ناظري كنـه غديـر
والمعانـي حلقـت يـم السحـب=وامطرت قيفـان بالجـم الغزيـر
القصـايـد بالدفـاتـر تنكـتـب=كنها في غمدهـا سيـف شطيـر
ليتنـي ماجيـت جـده منـتـدب.=وليتني من قبل مامشي مستخيـر[/poem]
اخوكم تركي القحطاااني
مواقع النشر (المفضلة)