جديدي (( سهر العيون ))
[align=center]السلام عليكم ورحمة الله وبركاته
وأسعد الله أوقاتكم بـ كل خير
إخواني وأخواتي
أعتذر على قلتي بالمشاركات
ولكن الظروف لها أحكام
اليوم جايب لكم قصيدة أسندتها
لأخوي وصديقي وزميلي تركي المنسي (( عاشق هجر ))
وأتمنى أن تنال على رضاكم وإستحسانكم
أترككم مع القصيدة [/align]
[align=center]واعيني اللي تالي الليل تسهر
عجزت تنام وكل خلقه إرقودي
لا أقبل ظلام الليل قامت تعبر
وتنثر إدموع ٍ جرحت في إخدودي
وترا السبب هو لابس الثوب الاحمر
اللي دعا قلبي يبيح السدودي
أبو جديل ٍ فوق متنه تنثر
والعود مياس ٍ وصافي الاخدودي
والطرف ناعس يذبح اللي بينظر
والعنق عنق اللي رتع في النفودي
قالو تصبر قلت وشلون أبصبر
والصبر عندي قد تعدى الحدودي
لو شفت زوله ياالشراري اليا مر
صابك عمى الالوان بنقص ٍ وزودي
وشلون أنا المرضان منه ومخطر
وصويحبي عني بعيد الجدودي
طيفه بعيني ياالشراري تكرر
يغيب في لحظه ولحظه يعودي
وإن مرني ياأخوك ثم ليا أشر
يصير في دربي لقوف وحسودي
يغمرني الاحساس خير ٍ وبه شر
لامن ذكرت اللي مضى من عهودي
والفكر عندي ياالشراري تكدر
ضاعت جميع إرياي وضاعت جهودي
وقل لي برايك يوم تعرف وتقدر
وش حيلتي باللي كثير الصدودي ؟؟؟؟
يلعب بي الهاجوس وأنا أتفكر
لعب الطفل بيدين غض النهودي
ولولا الحيا لاأصيح ولثوبي أطر
وأقول وينك ياالغزال الشرودي
واعيني اللي تالي الليل تسهر
عجزت تنام وكل خلقه إرقودي [/align]
[align=center]ولكم مني أجمل تحية
أخوكم ,,, ومحبكم ,,, أبو قبلان [/align]
رد مع اقتباس
المشاركة الأصلية كتبت بواسطة شجاع الوازعي
مواقع النشر (المفضلة)