نقااش بين الشباب والبناات

[مناير الشـووق]

السلام عليكم ورحمة الله و بركاته

عجبتني هالفكره في احد المنتديات و حبيت انقلها لكم:

وهو عبارة عن حوار مثير بين فريقين ...

فريق [ الشباب ]

فريق [ البنات ]


هناك أمور يكرهها الرجل في المرأه أو لا يستطيع فهمها ...!!

(( و ))


هناك أمور تكرهها المرأة في الرجل أو لا تستطيع فهمها ...!!


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة ... ( بدون زعل ) ..

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الرجال بطرح تساؤل عن أمر معين لا يعجبه في المرأة


وسيقوم فريق البنــات بالرد وتبرير الموقف ..!!


وبعد إعطاء الإجابات والمبررات الكافية يصبح فريق البنات في وضع الهجوم

ويطرح سؤال على فريق الشباب.....وهكذا يستمر الحوار



[ملاحظة]



يحق للجميع المشاركه وابداء الرأي ..



وأرجوا أن نكون مع الحق دائماً بعيداً عن الإنتماء و التحيز ..!!


(( صافرة البداية ))

اوكي

هالله هالله بالتفاعل


يالله ابدي بالشباب

ليش الولد ما يبدي رايه و خصوصياته لاخته ؟(القريبه من لحمه ودمه) بس لحبيبته؟



كتبته في هذا القسم لانه بيه نقااش وعذرا من مشرفين القسم واذا يحبووا

ان ينقلووه عادي خلي ينقلووه اوكي

[فهد الفهد]

مساء الخير


بصراحه حوار ممتازوجيد لنقاش والتحاور



أنا ألاحظ شئ في المرأه لايعجبني نهائيآ حيث أنه (( القصه ))

تأخذ الحريم من الصباح الين الليل وأنت تفر فيهم من مكان الى مكان ومن مجمع الى مجمع
حتى تطيح أرجولك وبعدين وأنتم راجعين للبيت من هد حيلي من الدوران تذكر واحد من البنات أن باقي الخياط الفلاني مامرت عليه أقوم أنا وأقول بكره أن شاء الله أوديك له تصدر منهم تلك الجمله الي أسمعها من كل البنات

أنت ماعمرك خدمتنا وعمري ماقلت لك شي وسويته




يعني كل الي سويته من الصباح الين الليل (( خالي بلاش ))



أبي تفسير لهذا الجحود أذا أمكن

[اميرة العناد]

ههههههههههه لانه يمكن انت قلت لها بطريقه اوووه او حست انك تمللت منها من جذي قالت لك

عمرك ماخدمت ولاسويت لها شي وبعدين هذي ماتسمى خدمة ذاك الزود انك يعني مثلا وقفت معها بمشكلة

هذا الشي كان بامكانها تروح تسويه بروحها بدونك بس بالسعودية فيه تحفظ كبير انه البنت ماتسوق عشان

كذا لازم الولد يكون سواق الى الاهل ((سوري على التعبير)) بس هذا جد الي يصير يعني هي تحس انك قاعد تذلها

عشانك قلت لها خله الى بكرة وانت تعبت من اللف والدوران .

سؤالج اختي انا وياج صراحة ليش الولد مايبوح الي بخاطره الا الى حبيبته

وانا هم لي سؤال ليش الرجال ديما من اول مايدخل بيته تحس انه متملل او يحاتي ربعه

او يتسبب او يخلق له حجة عشان بس يطلع من البيت ؟؟؟؟ ((سؤال محيرني صراحة )) ليه مو مالين عينكم حنا

[مناير الشـووق]

يسلموا

وانا معاك اميره بسؤاالك يله خلي نشووف مين يجااوب عليه

[al-shmaly]

مربد



الله يعطيك العافيه

دمتي ودام فكرك وقلمك


وانا الصراحه مع اخوي فهد



وبالنسبه لسؤالك هام بس حنا عندنا عادات وتقاليد


البنت بنت والولد ولد يعني على سبيل المثال وادري ماراح احد يصدقني

ان الاكل ناكل بروحنا العيال وفي مجلس الرجال هذا يوم تن حنا صغار

وهالحين ولله الحمد العاده تطورت عندنا حتى زوجتي ما اكل معها وهي تاكل بروحها

هذي ترجع للعادات والتقاليد وانا ماقول ان الواحد عيب ياكل مع اخته ولا يناقشها في خصوصياته لكن (عادتنا ونفتخر بها)

واسف على الاطاله واتمنى لكم التوفيق يارب

لكم كل الود


كونو بخير