قصــــائـــد ولا أروووووووع ...

[ريان الشمري]

اليوم جايب لكـــم كــم قصـــيدة قلت أجمعهـن واضعهن بموضوع واحد


أفضـــــل .. im0 ...





(( أستفتاحيــــة ))

قصيده من الالف للياء كل شطر يبدا وينتهي بنفس الحرف...


الالف احـب اكتـب واحـب اتمنـا
ابـي عيونـي فـي منامـي تهنـا

ابـي اتذكـر مامضـى مـن زمنـا
اعيد ذكـراء فـي حياتـي قديمـه

الباء بعيدينن وهـم عنـدي اقريـب
بيديه شد القلب وانـا لـه امجيـب

بس المصيبه من سعـو بالتخاريـب
بسم الولي تصبـح عليهـم جريمـه

التـاء تعذبـت ابهواهـم وعانيـت
تبدلـت حلـو السعـاده حلاتـيـت

تبينـت وانــا بعـدمـا تخفـيـت
تبقا حياتـي مـن حيـات اليتيمـه

الثاء ثمـن حبـي وطـوه الخبايـث
ثارت ظلايـم هـم علينـا غثايـث

ثارت عليهـم مـن ولـي البعايـث
ثالـث مصيبـه تبتليهـم ظليـمـه

الجيم جتنـي لنهـا لحالـي اعـلاج
جاوبتهـا وانـا بعـد لهـا محتـاج

جمعا القلوب المخلصه مابه احـراج
جينـا بعضنـا والنوايـا سليـمـه

الحاء حبيبي كيف انا بعـدك ارتـاح
حبيبتي فـي قربـك ايامـي افـراح

حبك ذبحني صرت مجنـون ياصـاح
حدث هوانـا مثـل وافـي وشيمـه

الخا خويي بعد ماكـان لـي شيـخ
خايب طلعلـي وانقـرا كـل تاريـخ

خان الاخـوه دوخ الـراس تدويـخ
خليت مـن ينقـل كـلام اللنميمـه

الـدال دام الزيـن بادلنـي اعهـود
دايم عهدنـا والوفـا زود فـي زود

داف الحشاحبه قسـم مالـه احـدود
دورتها حتى اصبحـت لـي زعيمـه

الذال ذمونـي ظليمـه وانـا الـوذ
ذا طبعهم حساد وبـاالله انـا اعـوذ

ذا المعتلي ياخذو ماهو ابمـا خـوذ
ذاكـر خفايانـا ونشكـر نعيـمـه

الراء روولي قصتي قلـت مشكـور
راوي حياتي بيـن الحـق والنـور

راجع حيات اللي شكى الهم والجـو
ردد بقاياقـصـتـي الاالـيـمــه

الزاء زيادت حزن مع عـدم تركيـز
زادت علـي اهمومهـا والعـاويـز

زمانـي اقفـا والبقالـي حواجيـز
زال الامـل فـي ظلمتـن مستديمـه

السين سـم الله جميـع الجواسيـس
ساعين فالفرقـا ومغويهـم ابليـس

سيب ردييـن النفـوس المفاليـس
ساعـت زمـن مايفعلـون الغنيمـه

الشين شفت ان الامانه بهـا غـش
شال الرفيق اعلومك وحطهـا حـش

شبه سواليفك على موجـت الـدش
شاهد شهد ضـدك ودينـه عظيمـه

الصاد صدقني تراء حبـي اخـلاص
صافي نوايـا والغـلاء بينناخـاص

صارح حبيبك ياذهب لولـو ومـاص
صار الامل متجـددن مـن عديمـه

الضـاد ضنونـا نحـب النقـايـض
ضيعنا املهـم وبغضونـا بغايـض

ضاقت عليهـم جعلهـم للمرايـض
ضحك القهر يكشف خفايـا عقيمـه

الطاء طوينااهمومناطويـت ابسـاط
طـي القلـم لكتابتـه عنـد خطـاط

طابت لنا الدنيا عقب ويـل وغـلاط
طابت سعادتنـا عسـى الله يديمـه

الظاهر حظـي وانـا فاقـد الحـظ
ظنيتبه مخلص واليـا شافنـي فـظ

ظالم تنكرلـي وانـا جيتـه اركـظ
ظلمه وقف ضـدي ومالـه عزيمـه

العين ( ------ ) لاعته دنيته لوع
عانامـن الدنيـا غرابيـل وفجـوع

عاش ابحياتن كلهـا اخـوف وروع
عيـت حياتـه تنصفـه اي قيـمـه

الغيـن غرونـي بكثـر الـمـراوغ
غلطو عرفـت اعيونهـم ياتـزاوغ

غلطـان يلـي للخيانـه تـصـاوغ
غـادرت راوغ بالكـذب ياالخيـمـه

الفاء فهمت المختفي بسـم معـروف
فاهم وانا افهم لو تكلمـت بحـروف

فرقتهن وودعتهـن داخـل الجـوف
فـرحـت لـقـا ياليتهامستديـمـه

القـاف قالوكـل مطـرود ملحـوق
قلت المصيبه تلنـي يمهـا الشـوق

قلو تناسه قلـت اناقلبـي احـروق
قدامكـم ياهـل اللعقـول الحكيمـه

الكاف كلمني وصارت بـي اشكـوك
كواني ابكلمـه لهـا وردن اوشـوك

كتمت سري بين الاضلاع مصكـوك
كنت الوحيد وحطنـي فـي جحيمـه

الام لامونـي وانـا ذايـق الـويـل
ليلي حـزن سهـران مانـام فاليـل

لاحيـل لاقـوه ومـالـي تعالـيـل
لله تـارك مـن حكـو بالشتيـمـه

الميم مدري وش حصلي مـن العـام
متغربلن متبهذلـن عاشـق احـلام

مدري هي الدنياكـذا كلهـا اوهـام
مجروح جرحـي والليالـي حليمـه

النون ناداني يقـول انـت مجنـون
ناديت مثلـه وش نويتـم تسـوون

نامت اعيون الناس ونتم تسهـرون
نسهـر ولكـن مالنـا مـن كليمـه

الواو ويلـي كـل ماقـال لـي لـو
واجد يقولونـه وانـا اقـول ياهـو

ولعتبـي نيرانهـا وشتعـل ضــو
ويـلاه يـازود القهـرزاد ظيـمـه

الهـاء هويتـه وبتليـت ابـهـواه
همت افغرامه واتبعه وتبـع ارضـاه

هي منوتي لـو كـل واحـد تمنـاه
هيهـات يلـي ماحصلـه نديـمـه

الـي يحـب انـه يسـوي اتحـدي
يلعـب وفضحبـي وفضـح بسـدي

يـامـر وانالـوامـره مستـعـدي
ياويـل قلبـي مـن بقايـا نسيمـه...!

.
.
.
.




قصـيــــدة عنــدي من أحســن القصــايد اللي سمعته..


ابسرق وقتي لعينك مدامك ساكنـه باحشـاي
وابرمي كل هالدنيـا ورى ظهـري واخليهـا

وابقبل يمة عيونك وشوفـك غايتـي ومنـاي
لان عيوني العطشـا عيونـك بـس ترويهـا

تعالي صافحي كفي وحطي فـي يـدك يمنـاي
وهدّي رعشة كفـوفٍ ملامـس يـدك يدفيهـا

تعبت أضمك بعيني وخايف يعرفـون اعـداي
واقول الله يصبرنـي علـى الغربـه وينهيهـا

تزورين اجمل احلامي يابخت الحلم طيفك جاي
واسولف لو انا نايـم واقـول يديـك هاتيهـا

ونركض كننا اطفال واهدي ركضتي وخطـاي
عشان اشوف خطواتك ونفسـي فيـك اهنيهـا

ومن بعد التعب نجلس وتقولين الصدر مركاي
واقول الصدر لك مسكن وروحك علّي افديهـا

واسولف لك عن اشواقي واقول البعد هو بلواي
وقربك راحه لنفسي ودموعـي عنّـك اخفيهـا

واداعب شعرك بيدي وتهمس شفتـك لشفـاي
واحس بلهفـة العاشـق علـى روحٍ معنيهـا

ويجي راسي على ذراعك وحضنك داخله مثواي
واقول انتي وطن روحي وروحي منـك وفيهـا

وتقولين انت لك قلبي ولك عمري ولك دنيـاي
أبيع الناس والعالم وبسمـة عمـرك اشريهـا

واتوه بعالمك حتى يضيع اقصاي قبـل ادنـاي
واسامر نور وجناتك وليالي حزنـي اطويهـا

ابطويها لان انتي اذا جانـي حـزن مشكـاي
وابتعود اذا باحـزن همومـي يمـك ارميهـا

واذا بافرح لك افراحي وهـذا دائمـا مبـداي
ونفسٍ تعرف عيونـك حشـا تتـرك مباديهـا

وتكونين انتي اشعاري ولك قافي ولك معنـاي
وتحيا القافيه لاجلك وعلـى اسمـك اسميهـا

واصير بغيبتك ورده نسى يروي لها السقـاي
ثـلاث ايـام عطشانـة وذبلانـه تواليـهـا

واذا جيتي كما ورده روت بعد العطش بالمـاي
واعيش بقربك ايامـي وتحلـى لـي ثوانيهـا

واحسك ساكنه روحي وسرقتي داخلي واحشاي
واجيلك تـارك الدنيـا ورى ظهـري مخليهـا...!

.
.
.
.




هذه قصيدة لرينــاد القحطـاني ..(( النوايا شريفة))..



إحترت ياجمهور في كلمة (أصحاب)
ماهي مجرد كلمـةً فـي (صحيفـه)

الصاحب اللي من عرفته بـلا نـاب
اليـوم ضيّـع ماعطـا دون ضيفـه

ماهي مصيبه لو طلبتك بلا اعتـاب
بـس المصيبـه للقلـوب النظيفـه

ياكبرها لاجات فابـرودة اعصـاب
كلمه تجي واشوفهـا لـي سخيفـه

عمر المواقف ماتجي نـزوة أحبـاب
عمر القوي ماهّـد حيـل العفيفـه

لولاك ماجيتك على روس الاهـداب
امشي وكني فـي لواهيـب صيفـه

ارجوك اترك سيـرة الحـب لا ذاب
وعطنـي سواليـف المحبـه لطيفـه

ريناد أنا والكل يعرف لـي حسـاب
عند الذي ماضيّـع اغمـاد سيفـه

طرف سهير وخاطر منـك منصـاب
مـن دونهـا دنيـا عجيبـه مخيفـه

والناس ماتدري عن احوال الاجناب
اللي لهم فـي كـل ديـرة سقيفـه

انا وفرحـي والمواجـع والاقـراب
وعروقي اللي لوّحت وسـط ريفـه

هو للغـلا نـار وجنـه ومحـراب
هو للغـلا ذمـه وقصـه عفيفـه ؟

ينساق عذر وينكسر عظم الاسبـاب
ولاتنجرح نظـرة عيونـن كفيفـه

جيتك بقايا لـو تجمعـت بكتـاب
تقرأ فهـارس مـن خفوقـي نزيفـه

اشره عليك بضحكةٍ بين الاحبـاب
وتشره عليه بكلمةٍ جـت كسيفـه

اغيب وابعد كلمـا جيـت مرتـاب
(وارجع واقرب) في حياتـي ضعيفـه

(ماهو جفا لا..لا ) ولا قطعت ارقاب
لا يابعـد كـل الغصـون الرفيفـه

مافيه خيمه ترتفـع قبـل الاطنـاب
ولافيه دولـة تمشـي ابـلا خليفـه

بكيفي وانا عندي مفاتيح الابـواب
وكلٍ على ما قيـل يمشـي بكيفـه

واللي يعاتبني علـى قفلـت البـاب
بكـره يعـرف ان النوايـا شريفـه...!
.
.
.
.
.
.
.


(( وهــذي مجمـوعــة من القصــايــد الرائعــة ننقلها لكـم)) ...





التين والرمـان والخـوخ والتوت
وخلاصة المنقا مع سنتر الشـام

تذوب في ريقك وانا اذوب وامووت
لاسلهمت عينك على الخد سلهام

وافاق واشراقات وبحـور واخبوت
في مقرن الحجة وفالرمش لاقام

تكفي قبل لاتفوت الأيام وتفـوت
الفرصة اللي ننتظرها من العام

ابغيك في ضمة غلا قبل لا مـوت
شفني دعست البيت والبيت ماقام

يتميز الفنان من خامـة الصوت
وانا اتميز شعر وعيونك اللهام

في كل يوم اجيب لك نحت منحوت
والشعر كنه يقول قدام 00 قدام

والى خلطته 00 در للولو وياقوت
صدرك زبونه ونت حطيته اوسام

والا الغلا والحب مثبوت مثبـوت
مانيب بيـاع ولافيـه سوام

يامسوي قلبي على شكل ريموت
ووجهك محطاته وانا عيوني ابهام

ويش عاد تبغي جيتك من الغلا شوت
ماردني من دونك البعــد والزام

وحلفت لك بايمان وبخوت وبشوت
وعهود حق تلزم الطيـب اللـزام

شفني على طول المشاوير مفلوت
دمـام دوحـه دوحـه بقيـق دمام

بس الاحساء عايق ونكبه وعكروت
سـويت فـيه افلام وافلام وافلام

اشارة الترحيل واشـارة الكـوت
قطعتها وانا احسب الشرطه انيام

واثر الحساويه على جنب وسـكوت
في الفرت ابو لنبه ولويلس وصدام

واربع قسايم بين جامه وكبـوت
سرعه وقطع انوار وابريك واحزام

كله على شان الغلا وسمك اللوت
لايابعد دانه وسـوزان واريام

المشكله في بيتكم صرت مثبوت
امضيع امغلط معـاذيري اقـدام

ماغيراشيل اكروت واركب اكروت
وامك درتبي واعرفت كل الارقام

تقول ذا مجنون واقوول بمـوت
الااني القا عندكـم سـنتر الشام...!
.
.
.
.
.
.
.
....


الحب ..ماهـو كلمة.. احساس ..وشعـور
ولاهـو روايه.. كـل مــن هو... رواها

الحب.. ماتكفـيه ..كلمات.. وسـطـور
ولو هو ..فهـمـها.. كل مـن هـو ..قراها

ولاهـو عبارة.. كـل ..عاصي ..ومغـرور
حـتى المشايـخ ..صابهـا.. واعتراهـا

ومــن لايحب..؟.. يكــون.. ماشاهد النور
د نـياه ظـلمـى.. لو تـزايـد ..ثراـا

الحب.. اعمق ..من محيطات ..وبحـور
لو ..غاصـهـا السباح ..مااظـهـر خفاها

الحب ..اخـفى من خفى.. كل مستور
وأوضـح.. من شموس النهـار..وضيـاهـا

لو الزمان يـــدور.. وايامه أدور
الحب.. باقــي.. مايتغير معاهـا

الحب.. به شكـوى.. وبه جور.. وسـرور
وبه بسمة (ن) ..تضوي ..بكامل صفاهــا

الحب ..مابه قلب.. كابــر ..ومكــبـور
بالحـالتـيـن.. يكـون.. واضــح وفاهــا

الحب ..له مبــدىّ.. وحــاكـم ..ودســتـور
وشــريعة (ن).. ماضـلهـا ...مـن بغــاهـا

الحـب ..( .......)..ماهو ذنب ..بالقلـب مغمـور
حــب الشـرف.. كـل الخفــايا ..جــلاهــا...!
.
.
.
.
.
.
.
.
.
....


يضيق وسع الكون لا ضاق صـدرك
وأحـــس كوني ما بقى به معاني

اسل سيفي واذبح إحساس شعرك
وأشوف شعري عاجز ٍ في مكاني

والله لــولا روح حــبك وقـدرك !!
أني لعاف الكون وأهجر زماني ..

ابسألك يا ( قلب) هو ايش عـذرك؟
أرجوك يا قلبي تجاوب عشاني ..

يرضيك هذا الحال يومه يهجرك ؟
عشان زلة وأفرطت من لساني ؟

يضيع عمـرك.. ما أتهنى بعمرك..
وتبـقى تعاني مثل ماني أعاني

يا قلب لو تسمح بغـدرك لغدرك..
أكون فـي صفه .. وضدك تراني

علمتنى العناد مـن يوم صـغرك ..
والـيوم في دربه زماني رماني !!

خسران يا قلبي وأنا اللي بـ ذكرك ..
أن التكـبر يجعلك شخص ثاني !

ادري بترجع لي وبجـبر بكسـرك..
واسهر أواسي جرحك اللي كواني

ما عاش منهو يا حبيـبي يكدرك ..
وقلـبي أنا مابيه دامه أنــاني

لا يزعل إحساسك ولا يضيق صدرك
أحس كونـي ما بقى به معاني....!
.
.
.
.
.
.
.
.
...


مـن سـبة الـلي تـختلج في حنينه
وبنت على عرش الغلا عرش وقصور

هـذيك مـاهي بـس يـا خوك زينه
الـزين مـنها مـيتٍ غـيظ مقهور

لـو وزعـت عـلى الـبنيات عـينه
مـن زيـنها صفّن على الباب طابور

كـلـمتها والـروح فـيها رهـينة
مـا نـي مـخير جيت بالحيل مجبور

وردت عـلى صوتي بصمت وسكينة
وضاع الكلام وصرت ضايع ومبهور

وقـالت بـعد تـفكير اسـمي أمينه
وبـعض البشر سموني أميرة الحور

تـبـي عـلاقة والـعلاقة مـتينة
مشكور يا ابن الناس مشكور مشكور

تـبت يـدين ابـليس تـبت ايـدينه
إن كنت شاعر صف بي خمسة سطور

قـلت إيـه هـذا الـلي أبيه وتبينه
دستور يا أهل العشق دستوردستور

الـشعر كـله صـافحك فـي يمينه
وورد الـقوافي حـول خديك منثور

وكـل الـمشاعر فـي غيابك حزينة
وكـل البني في حضرتك مالهن دور

مـن قـال لـك إن القمر تشبهينه ؟
عـمر القمر ما فاح من جسمه عطور

بـالـمختصر بـقول جـملة ثـمينة
أقـولها صـاحي ولا نـي بـمخمور

( أنـتي قـمر والـفرق بينك وبينه
نـورك طبيعي والقمر يكتسب نور )...!
.
.
.
.
.
.
.
.
.
...


مـستانسة الله يزيدك وناسـة
وأنـا ... ( وصالك ) غايتي ونسيني

وش قيمة المخلوق من دون ناسه ؟
يـا روح روح الـروح يا نور عيني

أمـا نـتعامل بـالوفا مـن أساسه
وإلا طـلـبتك بـالـوفا كـرهـيني

وإن كـان قـلبك ضـد قلبي حراسه
وش فـايدة نـبضي ولـهفي حنيني

كـانت ثـلاث سـنين طيش وتعاسة
لـكنها أجـمل ما مضى من سنيني

مـا كـنت أحسب الحب يبغى دراسة
وأنـا رسـبت بـمنهجك سامحيني

ودام اشـتياق الـروح عندك سياسة
أنـا جـهلت سـياستك واعـذريني

يـا آنـسة هو حب ؟ وإلا حماسة ؟
وقـبل الإجـابة طـالبك تـفهميني

طـموحي أكـبر مـن مجرد رئاسة
هـذا طـموحي وافهمي واسمعيني

ونفاع ...( غيرك ) ما حدٍ جاب راسه
وهـذا هـو اللي ( هدني ) صدقيني...!
.
.
.
.
.
.
.
.
.
...


انت ياللي كل مرة جبت لـي سيـرة وشـان
لامعك قلب يحـس ولاتعـرف العيـب عيـب

دام قلبك مشتهيه وممتلـي شـوق وحنـان
روح يمه دام قلبـك للـردي مليـان طيـب

لاتقـول مجاملـه لان اول المشـي احبيـان
ولاتعـذر بالبعـيـد ولاتـعـذر بالقـريـب

انتهينـا لاتقـدم لـي لا حلـف ولا ضمـان
ياردي النفس كلك صرت شك وصـرت ريـب

اكبر مصيبه عليك ان شفت من حبيـت خـان
ياكبر جرحِ يصيبك وان غـدر فيـك الحبيـب

تنظر بقـدرك رخيـص وتستبـاح وتستهـان
ويستمر الجرح ينزف مستحيـل انـه يطيـب

يـاردي الـحـظ والله ماتـديـن الا تــدان
والله لتأخـذ جـزاك ومانـي بعـلام غيـب

يوم صدقتك واخذت الظاهـر وحلـو اللسـان
مادريـت انـه كـلامِ لايـودي ولا يجـيـب


ياحسافه مابقالي شـي واللـي كـان كـان
بعت غيرك واشتريتك مخطي وماني مصيـب

واعشقك وامشي معاك.. ومن مكان الى مكان
كنـت حبـي واتمنـى نـور حبـك مايغيـب

ليتني طاوعت رأي اللي نصحني مـن زمـان
لكن اني كنت اراهـن فيـك ظنـي مايخيـب

والنهايـة والحقيقـة مـا بهالدنيـا أمــان
وانت مثل الحلم مر وراح ماحاشـه نصيـب...!
.
.
.
.
.
.
.
.
.
...


يابنت انا بيّّضت وجهـي وقفّيـت
قلبي علـى بيـض النوايـا معـوّد

مانيب من يبحث عن المدح والصيت
ووجهه من افعال الخساسـه تسـوّد

واللي طعني بالقفـا مثـل كبريـت
شبّ الحرايـق والفتـن ثـم عـوّد

قبطان كان وكـان ماينفعـه ليـت
ساعة غرق ماجـاء فينـي يتجـوّّّّّّّّّد

روحي انشديهم ليـه بالله صديـت
ناريـن كايدهـا و بعينـي تكـوّد

اخفيت قصّة ماحصل ليـن مليّـت
يابنت يطعن فـي غيابـي ويـزوّد

يابنت هـذي قصّتـي يـوم قفيـت
أموت وجهـي بالـردى ماتسـوّد ...!
.
.
.
.
.
.
.
.
...


إيـه أتعجـب يــوم تبكـيـن بالعـيـن
أشـوف لـي ميـزان يرجـح بكـفـه

تخسر عيونك دمعتـك يـوم تبكيـن
وربحان خـدك يـوم دمعـك يضفـه

أدري خدودك ترتجي دوم تشقيـن
أمـا العـيـون إبقهـرهـا مستخـفـه

لبـا عيـونً تنظـر الصخـر ويلـيـن
ولبـا الشعـر يـوم الهبايـب تهـفـه

ولبا سكوتك والحكي يـوم تحكيـن
إن روحـت شفـه وإلا جـات شفـه

زين وحلا وبسمة تساوي ملايين
وآزيدك إمـن الشعـر بيتيـن عفـة

يسوقني الإعجاب من يوم تقفيـن
يسوقـنـي يـمك ولا أقـدر ألـفه

نظرة مباحة وأفتحت لي عناويـن
وشلـون لو حطـيت كـفي بكـفه...!
.
.
.
.
.
.
.
...


قالت اوصف لي جمالي كـان تغلينـي
ودي اعـرف قلبـك وش يهوجسبـه

قلت انتي الزيـن كلـه يانظـر عينـي
اني الغلى والحلى وعلاجـة وطبه

قالت لاتختصر هرجك زيـد وعطينـي
بهر دلالـك بوصفـي والغلـى صبـه

قلت انتي اللي غلاك اليـوم مشقينـي
حتى بمنامـي انـادي بسمك ونبه

قالت انـا ودي اعـرف وِِِش تحالينـي
وصحى تجامل مانـي طفـل ٍ تلاعبـه

قلت انتي روحي وعمري وشمعة ايديني
حتى الثرااللي تاطاه اقدامك احبه

وصفك يبـي لـه ملفـات اودواوينـي
تعجز ابيات الشعر ما تاصفـك حبه

انتي كما بكرة ٍ وضحـى مـع ثوينـي
شيخ ٍ له الطيب والمعـروف يضربـه

زيزوم جشعم هـل الطـولات وافينـي
لجـا نهـار ٍ بـه الصيـاح ينـد بـه

الخشم سيف ٍ رهيف ٍ ينصـر الدينـي
في يد ابـو خالـد ٍبا لعيد يلعبـه

شيخ ٍ تعلـى علـى كـل السلاطينـي
سلطان نجد اللي شعب المملكـه حبـه

والعين عين اشقـر ٍيسـوى ملاينـي
سـودهدبهـا تتل القلب وتجبه

اهداه محمـد الزايـد طلـق اليديني
حاتم زمانـه عليه الركـب منكبه

والشعـر الاسـود تحـدر للرديفينـي
سبيب صفراً وراهـا الخيـل منضبه

صفراُ الخالي اخو حسنا مـن سنيني
يطردعليهـا ونارالكـون مشتبـه

والعنق عنق الشرود اللـي تراعيني
بمحمية ٍالدايـم السيف يطـربه

تحت حماية ابوفيصـل علـى الزينـي
شيخ ٍيعسف القوافي من الشعر عذبه

والنهـد طلـع رمـان ٍتـوه يبيني
تـوه بعـد مانضـج ومارتـوى نبـه

مركوز يحالي البـاري دلـة اردينـي
عبد ٍيصالي ادلالـه والحطـب شبه

عبد ٍمع الشيخ اخو ريا مـن سنيني
عبد شجيع ودرب الشين ماطبه

وعـود ٍليان ايتثـنى بفريقيـنـي
وخصر ٍنحيل يميل الياالهـواء هبـه

كتف ٍ ورف ٍ ومنـه الثـوب عطفينـي
ويل القلوب اللي تراعي بعينهـا شبه

وانتي قالت بس يكفي يانظرعيني
يعل من لامني لى قلت انا احبه

يمسي حسير ٍ كسير ٍومرقـده شينـي
وعليـه قشـر الليالـي دوم منصبـه...!
.
.
.
.
.
.
...


القلب واحد وانت حبيت شخصين
والكل منهم مدرى عن رفيقه

تلعب على الحبلين من بين قلبين
وتضفى ستـار الكذب فوق الحقيقه

وترمي جسـد رغبتك مابين الاثنين
متجـاهلن كـل العهود الوثيقـه

وشلون مشيت القدم في طريقين
والشيء هذاصعب محدن يطيقه

مركب غرامك سابحن في محيطين
وحوله بحورن مفرقاتن غريقـه

حطيت لك في ساحةالكذب بيتين
وشبيت فيهن في يدينك حريقه

ما تكتفي في جـرح طامع بجرحين
قـادر تثير المشكلـه في دقيقـه

كأنك من الفولاذ مخلوف يا زين
ترى المشاعر الدفينه رقيقـه

حدد مصيرك لا تجي بين نارين
سوالفك بانت وصارت عتيقه...!
.
.
.
.
.
.
..


وإن بغيتي تفتنيني مو بمـالك تفتـنين
والدليل إني فقيـرٍ وانتي اللي مفـــتنه

وإن قدرتي تشـترين رجال لا ما تشترين
واحدٍ مثلي مجرّب ومحكـوكٍ معدنـه

وانتي تحسبين نفسك بالغنى اللي تملكين
تملكيني؟ لا تراني ماني من المســكنه

أنتي اللي ملك ليّـه واسكتي لا تكـــابرين
وحالتك في حال شوفي حال أكبر "مدمنه"

والله إنك مهــما كنتي بالنصر تتضاهـرين
ألعـب بقلبك تراني مثل لعب "الدومـنه"

كنت أحبّك قبل أعرفك يوم شفتك شوف عين
قبل أعرف إن من صفاتك حب ملك السلطنه

إنصدمت من اللي شفت وقلت ياربّي تعين
وانجرح قلبي بيدينك يوم خنـــجرك طعـنه

يوم شفتك في غرورك تسرحين وتمرحين
قلت في نفسي غرورك غير أدفّــعك ثمنه

لو سمحتي وقّـعي هالعقد لو تتكــــرّمين
عقـد تأجيل العلاقه لين (( 600 )) سنـه

يعني يا أغبى غنيّه إفهميها "لا تجين"
ما أبي حـبٍ "مزهمل" والمذلّه "تهدنـه"

قربك الكنز "الرخيص" وبعدك الكنز "الثمين"
.والندم عندي على فرقاك جهّزت "كفنه"

كيف أبندم وانتي اللي من يحاول لي يهين
حلم والله حلم إنك تفرضين الهيـمـنه

ما دخلتي بالمحبّه في كتاب العاشقين
أنتي كتـابٍ قراه القلب سـاعه و اركـنه

واتركي بعض السوالف لنّ بعض المسلمين
داخلينٍ في جهنّم من حصاد الألسـنه

لجل ذلك بختـصر كل الكـلام بكلمتـين
والمفيد من الكلام يكون أقلّــه أحســنه

الفقر علّمني إني ما اتردّى واستكــين
والغنى اللي عن طريقك جعل ربّي يلعنه...!
.
.
.
.
.
.
.
.
...


قالت : وشاحلى مايقول المحبين ؟
ساعة لقاهم بعد غيبه طويله

قلت : اصبري ، قالت : انا اقولك زين ؟
قلت : اتمنى ماتكوني بخيله

قالت : عسى موتي على يديك هالحين
ان كان قيلت بين خل وخليله

قلت : احبكيها صح ياقرة العين
قلبي يبيها صدق تشفي غليله

قامت تفكر !! قلت : يالله ، وبعدين
كن اصبعك طوّل بلفّ الجديـله

! قالت : كليب !! وقلت : خير ! شتِقولين
قالت : رجع !! وشو شعور الجليله

قلت : اليمامه ! ماهي اقوى تحسين ؟؟
من يوم غاب جبير صارت هبيله

وشبك سكتي ؟ ليه قمتي تلفّيـن
قالت : اخاف ان قلت تطلع ثقيله

أخاف اقول وكلمتي تجرح الدين !!
واشيل ذنبٍ مقدر اني اشيله

استغفر الله وين وصلتني ويـن ؟
وانت تعرفني والاصيله أصيله

ضمت يديني .. قلت: توك تحنيـن
قالت يدينك بس ؟ هذي قليله

يوم احضنتني دمّعت ، قلت : تبكين
قالت : اظن الدمع (أصدق وسيله)

ردّت ، وقالت : وشعذاب المحبـين
قلت : الغياب ! وفي عيونك دليله...!
.
.
.
.
.
.
.
.


تعاتبني بنظرات خفيــة
وأجاملها ولا ادري وش وراها

أجاوبهـا بنظرات حزينة
تعبر عن ضنـا الروح وشقاها

أسايرها وأجاوب كل نظرة
وأخبي الوجد وأبحث عن رضاها

وعقب ما شفتها عرفت قلبي
تناســاها ولكن ما نساهــا

غلاها يزود مع زود الليالي
وباع الناس قلبي واشتراهــا

وصرت أغار أنا منها عليها
خطا نفسي وآنا أتحمل خطاها

وأغار من أمها حتى وأبوها
وأغار من الذي بأمره ولاهـا

وأحسد اللي تبره بالرعايـة
وأحسد اللي بأحاسيسه رعاها

وأحسد البنـز لا قامت تسوقه
أخاف أنه يشاركني غلاهـا

وأحسد الريح لا حرك شعرها
وأحسد عيون غيري لا تراها

وأغار من القمر لا شع نوره
خذت نور القمر واصبح ضواها

وأحسد الشمس لا بانت عليها
أشعتهــــا تسبب في أذاها

وأحسد الأرض لا داست عليها
أثر خطواتها تحيي ثراهـــا

وأغار من النجوم إليا تعلت
وشافتها وعيني ما تراهـــا

وأغار من الهدوم اذا لبستها
عساهـا ما تجرحها عساهـا

واغار من الخواتم في يديها
وساعتهــا وكل اللي معاها

وأغار من القلادة في نحرها
وأغار من الشعر لامن كساها

وأغار من القصيدة لا قرتها
ولو هي قصتي واشكي جفاها

وتشمل غيرتي حتى المرايا
يحق لهــا بشوفتها تباهـا

نعم وأغار حتى من الوسادة
وأحسد فراشها ويا غطاهــا

آلا يا من يساعدني عليهـا
يوصلني هوى النفس ومناها

عجزت أعالج جروحي بروحي
جروح القلب ما تشفى بلاها...!

اتمنى تنال اعجابكم .

[الحوراء بنت نجد]

ريان الشمري

قلت : احبكيها صح ياقرة العين
قلبي يبيها صدق تشفي غليله

قامت تفكر !! قلت : يالله ، وبعدين
كن اصبعك طوّل بلفّ الجديـله

! قالت : كليب !! وقلت : خير ! شتِقولين

قالت : رجع !! وشو شعور الجليله

الله الله-- هكذا نجدك ريان متفرسآ بعنفوان ذوقك الراقي

تثري هذا المجلس بنوادرك العذبه --

مرحبآ بك ونشكر لك هذا التواصل الرائع000

تحيه--الحوراء بنت نجد

[مناير الشـووق]

ذوووق رااقي ومميز دائما رياان

يسلموا

[صمت الوداع]

ريان الشمري

سلمت لهذاالبوح العطر


وتسلم اناملك على النقل


تحيه معطرهـ


بالورد


مــــــــــــــــــ التحيه ـــــــــــعـ

[وردة البحرين]

[align=center]هلآ والله وغلآ

بـ ريان الشمري

تكفي قبل لاتفوت الأيام وتفـوت
الفرصة اللي ننتظرها من العام

ابغيك في ضمة غلا قبل لا مـوت
شفني دعست البيت والبيت ماقام

يتميز الفنان من خامـة الصوت
وانا اتميز شعر وعيونك اللهام



ريان

ونقول نصبر وننتظر كل جديد لاخي..

فعلا ابيات وقصائد متكامله؛؛

تنمي عن ذوق واحساس راقي؛؛

وشكرآعلى هذا الاختيار الرائع ؛؛




ولك تحياتي وتقديري من

00وردة البحرين00[/align]