*·~-.¸¸,.-~*قصيدة للشاعر الإماراتي (جمال الشقصي*·~-.¸¸,.-~*)
(( الفقر )) .. في وجهة نظر !!
*
*
*
(( ا / لـ / ــفــ / ــقــ / ــر )) !!
الفقـر .. رغبـة امـك تعيـش .. و تعـيـش
وتعيش الى التسعيـن .. مـا شافـت طيـور !
الفقر .. أخـوك الصبـح : شـاف الخفافيـش
الفقر .. أخوك الثاني .. أعمـى مـع النـور!
الفقـر .. ابـوك يْديـه .. رزق الطـواويـش
وفـالبيـت : ياكـل منْـك كـل ذرة شعـور!!
الفقـر.. جـرح أسمالـك تحـسـه الـريـش
رث .. و تعيـش اعمامـك بعيشـة قـصـور
الفقـر.. تمـلا مْلخصاتـك .. خ را ب ي ش
تحلم ب(طب النفس) .. و تكـون (ناطـور) !!
الفقـر .. بنـت تحبـهـا بقـمـة الطـيـش
والطيش لابن الفقر .. محظور .. محظـور !!
الفقـر .. بيتـك صـار ملـجـا الـدراويـش
ترجـم درايـش بـردك بلـوح مكـسـور !!
الفقـر .. تعـزم جـارك بفـرشـة الخـيـش
ياكل رغيـف عيالـك .. و تاكـل قشـور !!
الفقر.. عشـر اعـوام .. نفـس الدشاديـش!!
نصبح صباح العيـد عـن فرحنـا عـووور !!
الفقـر.. كـل الارض تـدري حصـل ايـش
تسمع عويلـك عمـر .. و تقـول: مستـور !!
الفقـر.. هـذا الشعـر .. مَـا يوكلـك عيـش
تنزف .. عشان تضمـد جـروح جمهـور !!!
الفقر .. لما الورد .. مـا تعرفـه .. ليـش؟!!
ما مر بك مخلـوق .. يهـدي لـك زهـور !!
الفقر .. حوش .. وفيه .. اسره .. تبي .. تعيش
وعاشت تجيب عيـال .. تبنـي لهـا قبـور !!
ــــــــــــــــــــــــــــــــــــــــــــــــــ ــــــــــــــــــــ
لحن غامض لمعزوفه يتيمه
---------------------------------------------------------------------------
يجي من آخر الدنيا صدى صوت خفي مكبوت
يصيح يقول وين الحب ومثلك خانق صوته
ولكن صوته الخافت بنى وسط القلوب بيوت
تطيح بيوت هالدنيا وهوماطاحت بيوته
تذكر صاحبك وارجع تقرب له ولو بالصوت
حرام تضحك الدنيا عليه وتطلب سكوته
على آخر نفس واقف يجي ولايجيه الموت
واشوف الموت احرص منك واشوف انك تبي موته
واخاف انك بعد موته تحن وتفتح التابوت
واخاف من القهر يقفل بوجهك باب تابوته
بتبكي والندم قاتل ماعاد يفيد فات الفوت
تبي تفسير لحروف على التابوت منحوته
حروف خطها بيده قبل تجفى وقبل يموت
لحن غامض لمعزوفه يتيمه مالها نوته
بترجع لاخر الدنيا لمصدر صوته المكبوت
تبي تلحق بقايا الصوت تطمن ماهو بصوته
ــــــــــــــــــــــــــــــــــــــــــــــــــ ــــــــــــــــــــــــ
احلم تـــــرى ماصـــــــار فيه الكفايــــه
والعفـــــــو عند المقدره وانت قادر
وان كان لك رغبه ومقصـــد وغـــــــايه
حققتهـــا لكن بالعفــــو بـــــــــــادر
من البـــــدايه لين حتــــــى النهايـــه
وافـــــي معك ماكنت في يوم غادر
والعكس بالهجـــــران تحسن جزايـــه
ومجند(ن)لك في حيــــــاتـي كوادر
يــــامنتهى درب الشقــــى ياشقايه
انته من انــــــــواع الشقـا نوع نــادر
اكســـب رضا نفسك وترهن رضايـــه
مدري متى عنك التكبــــــر يغــــــادر
مدري خطـــــاك الصبر والا خطايــــــه
نبــــا نتأكد من جميـــــــع المصــــادر
وان كان سمــــيت النهــــايه بدايـــه
يحسب غـريق اللي مع السيل حادر
مايــــــرتفع للعـــــــز بالذل رايـــــــه
يـــــاوارد للعـــد صــــــاحبك صــــــــادر
برق السحاب ولابريــــــــق المرايه
ارحل وجعـــــــلك بعــــــــدنا ماتكــــــادر
ــــــــــــــــــــــــــــــــــــــــــــــــــ ــــــــــــــــــــــــ*·~-.¸¸,.-~*مع تحيات المحروم @*·~-.¸¸,.-~*
مواقع النشر (المفضلة)