[align=center] السلام عليكم
مساء الخير
اعضااء منتدى الزين الشاامخ
مالنا في الطويله و المقدماات ( المهاايط اللي غير سنع )
هذه القصيده طلبتها مني الحوراء ولبيت الطلب لانكم تستاهلوون ..
واضعها بين ايديكم واطلبهااا للنقد ...[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راح ليل الشعر مابيـن المعانـي والجزالـه = في عيون الشعر دور الحرب بارود وسريـه
شعر شاعر بالمشاعر شاع شعره واستواله=كيف ماجـات القوافـي جرهـا بالسامريـه
اتزان الحظ واضح لو بـدا عيـب اختلالـه=وانحلال الوصل جارح لو بدا سـن الثنيـه
ماتت عروق العنب والتوت يرثـي مابقالـه=والنهايـه فالبدايـه والحكايـه سرمـديـه
وانجرح وجه المساء والكون يصرخ من خلاله=وانتحى فكر ولحى من دون مضمون القضيه
والشفق قبل الغسق لو يدفق الحمره سرالـه=بإتفـاق الاختـراق وبإنطبـاق الجاذبـيـه
والنكد بعد الرمد مثل الردى بعـد الشكالـه=والنخل لا مابخل لو شحت عـروق ٍ نديـه
والنقا روح التقا عنـد الشقـا وإلا زوالـه=والاوادم لو تنـادم مابقـى نفـس ٍ شقيـه
والعيوب ذنوب والجاني على راس العدالـه=والحروب دروب صوب الموت ويدين المنيه
والجفا بعد الوفا بعد الصفـا جـرح ونكالـه=والامور تدور من قبـل العصـور الاوليـه
حسب تقديـر الالـه المعتلـي رب الجلالـه=خالق الخلق ومليكـه عالـم السـر وخفيـه
والرضا حين القضا بالمقتضا شرط ودلالـه=والعفو عند اقتدار المرء من طيب السجيـه
والفتن جرح الوطن وقت المحن فعل الجهاله=والخطا رد العطا جهل وسطا وسـط البريـه
والهوى لامن ضوى ماله دوى ياشين فالـه=راعي الحب ودروبـه ماتجيـب الا الاذيـه
وافتراض الاعتراض أدى الى سرد المقالـه=والحقيقه مابقى غيـر الحـروف الابجديـه
اسمعوني وافهموني وصلولـه ذا الرسالـه=كان باقي للهوى في قلـب محبوبـي بقيـه
علموه اني شربت الحب من صافـي زلالـه=وعلموه اني نذرت العمر مـن اجلـه هديـه
وعلموه اني سكرت من الهوى حد الثمالـه=وعلموه انه جعلني عن هجير الشمس فيـه
وعلموه انه كتبني شعر فـي دفتـر خيالـه=وعلموه انه وضع شمس المحبه فـي يديّـه
وعلموه انه غزى الخفاق وأسرف باحتلالـه=وعلموه انـه تمكـن بالحشـا وال الرعيـه
وعلموه انه عطاني وعد فـي مقبـل ليالـه=مايروح ولا يبـوح ولـو تفـوح الشاذليـه
وعلموه اني ابسهر في رجـا رن اتصالـه=وعلموه اني برجـوى يـا هـلا يالله حيـه
وعلموه اني احبه حب ما يخطر فـي بالـه=وعلموه اني احب مشاهده لو هـي شويـه
وعلموه ان القصايد من يمينه فـي شمالـه=فدوة ٍ لعيونـه الثنتيـن مـع زاك التحيـه
وعلموه ان المشاعـر كلهـا منـي حلالـه=وعلموه ان الخوي دايم على هقـوة خويـه
علمـوه وفهمـوه ووصلولـه ذا الرسـالـه=والوصيه وسط مظروف الغلا نص الوصيه
شاعره لو غاب مادور على شخص ٍ بدالـه =مال لغيره فـي خفوقـه شـف وإلا قابليـه[/poem]
[align=center]لكم تحيتي
ج 0 ب [/align]
مواقع النشر (المفضلة)