وما ادراك ما الخكر >>> لا يفوتكم<<<
ابو محمد رجال كريم ... بس عيبه انه ما زد قلــّـط احد .... وعنده ولد خكري مرة عمره 19 سنة وتوه مخلص الثانوي بتقدير ياربيه ... اسمه سعد ويدلعونه صلوحي ... صلوحي هذا هو وحيد امه وابوه .... وعيبه الوحيد انه ما يحب السباحة ... يحر عيونه الشامبو
وجاهم في يوم من الأيام عمهم ابو حمد من الديرة هو وولده حمد الي توه متخرج من الثانوي ... المهم قلطهم ابو محمد يوم توهم قاعدين قام ينادي صلوحي .. صلوحي تعال سلم على عمك .... وكل ذا والعم مطير عيونه مهوب مصدق ... ما يسمع ... ودخل صلوحي ماعليه إلا .... شلحه .... هههههه ما بقى إلا هي ... في الحقيقة عليه بدله ضيقه مرة ما بقى إلا برميل اكسجين على ظهره ويصير كأنه غواص ... ومد يده و رز خده في وجه عمه وحبه عمه وراسه يدخن من القهر ... ثم قعد صلوحي وقاله ابوه صلوحي حبيبي ليش ما سلمت على ولد عمك حمد ... قام صلوحي الشاطر وسلم على ولد عمه ورز خده في وجه ولد عمه وحبه ولد عمه .... ثم قعد صلوحي جنب ابوه وخدوده حمر مستحي .. وقال له ابوه رح جب القهوه يا القوي ... وقام صلوحي يا سلام سلم وشلون اشيلها وهي حاره تبغاها تنكب علي واموت ؟!... قال له ابوه طيب قم جب الفناجيل والتمر .. قام صلوحي وجاب الفناجيل والتمر .... ودخل عليهم وهو شايلها ويمشي بشوي شوي كأنه يمشي على حبل ... والفناجيل تراقص في الطوفريه والأبو يشجع ولدي قوي ... ولدي قوي ... ياقوي وليدي قوياه .. بعدي ولدي .... والعم بينقع من القهر ... وحط الولد الفناجيل والتمر وقال لأبوه تقول امي ثقيله عليك الدله خل ابوك يجي ويأخذها ... وقام ابو محمد وجاب الدله ... وقال لصلوحي يله صبها انت .. وقام صلوحي وشال الدله بيدينه الثنتين بعد ما جاب قوة قوة امه وابوه .... ثم صب الفنجال ألول وشاله باليسار ووقف على رجليه وهو يناظر في الفنجال حار مره وخايف ينكب عليه ....شكله وهو يمشي به كأنه شايل داب ( ثعبان ) وخايف تقرصه .. وحط الفنجال عند ابوه ورجع للدله ... ناداه ابوه وقال له عط الفنجال عمك وبعدين الفنجال يشال باليمين ... قال له طيب ابي اجيب لعمي هالحين ... الدله فيها قهوة واجد مره ... صب الفنجال الثاني وحطه عند عمه ... وخذه عمه وهو يتحمد ... ثم صب لولد عمه .... وقال لأبوه عاد تراي تعبت صبها انت !!
قال ابو محمد ... هاه خير يا ابو حمد وش عندك وش جايبك ... قال ابو حمد وهو بتنفقع مرارته من صلوحي ابد ما فيه إلا سلامتك انا جاي ابي صلوحي لولدي حمد .... وفي هذه الأثناء استحى صلوحي وصار وجهه احمر وطلع من المجلس .. يركض .. وراح لغرفته وانسدح على سريره وهو ينتفض عسى ابوي يردهم .
ثم قال ابو حمد امزح معك بصراحة انا جاي اقدم حمد للعسكرية يبغى الكلية الأمنية
قال ابو محمد انا ودي ادخل صلوحي العسكرية بس مشكلته ان يده زد انكسرت وهو في المتوسط منصك عليها كتاب ... ويوم رحنا بنقدم له ... ما نجح في المقابله روعه العسكري الي قابل معه قال له ترى بتنوم لحالك ومحد مسبحك ومن يلبسك هدومك !!.... واستحرنا الله من العسكرية .
قال العم لو ادري ان ولدك بيدخل العسكرية معاد شجعت الهلال ( وش دخل السالفة ) المهم انا تعبان ابنوم هالحين وقومني الين جاء الغدا..نام العم وقعد حمد لحاله وراح ابو محمد بينادي صلوحي عشان يقعد مع ولد عمه .. واول ما شاف صلوحي ابوه ... ارتاع وقال شكل ابو موافق واكيد انه جاي يسألني عن رأيي .. قال الأبو صلوحي رح اقعد مع ول دعمك شفه في المجلس لحاله ... استحى صلوحي وانحرج يحسب ولد عمه شارط شوفته والقعدة معه .... وتخيل نفسه وهو داخل عليه بالعصير وينتفض بالحيا .
وهو يفكر ويتخيل قال له ابوه رح اقعد مع ولد عمك وسولف معه تراه جاي بيسجل في العسكرية وبيروحون باكر( بكرة )
ارتاح صلوحي يوم سمع كلام ابوه وصرخ صرخه قوية ياي ياي .... وحول وقعد مع ولد عمه
قال صالح لولد عمه نلعب دبق .. ناظره ولد عمه وهو خطر يسطره وقال له نعنبوك يالرخمه وشو دبقه .. قال صلوحي طيب اجيب الورقة نلعب كسب انا دايم افوز على الشغاله
قال ولد العم .... والله انا تعبان طول امس وانحن نضبب في الصمان ... قال صلوحي وش معنى تضببون ..قال نصيد ضببه نملى الراوية مويه ونغرجحر الضب ألين يطلع ونمسكه ... وحمد يسولف صلوحي كان مغمض عيونه مرة يقول حمد وبعض المرات ادخل يدي عليه في الجحـــ .... قاطعه صلوحي خلاص خلاص تكفى اسكت تكفى لاتخوفني ...قال حمد وفي يوم من الأيام يوم دخلت يدي في الجحر طلع لي داب ...طرررقع .... ابد ما فيه شي صلوحي طاح في الأرض مغمى عليه ...وبعد جهد كبير قام صلوحي ... وقال لولد عمه تكفى لاتقول زي كذا تراي اخاف في الليل واحلم بالليل ...بعدين انتم اذا مسكتوا الي تقولها وش تسون بها ؟ قال حمد ابد نصلخه ونقطعه ونكبسه مع الرز ..قال صلوحي صح ثم تعطونه الكلب ...قال حمد وجع يوجعك انت والكلب ناكله حنا وخذ يا مطـــــاق على العكره ...يووووووووو...عععععععع ابد مافيه شي طرش صلوحي .
غير صلوحي السالفة وقال تشوف هايدي ... انا احبها مرة مره ..ويوم ضاعت ذاك اليوم اصيح ما تغديت واحب بيتر صح بيتر قوي ما يخاف من الغنم ... وصح الغنم ما تاكل ..بخخخخخخخخ ابد ما فيه شي حمد نام
المهم مر اليوم على خير وراح العم وولده للديره بعد ما سجل حمد في الكلية وقبل ما يروحون قال العم لأخوه انتبه لولدك دخله مداخل الرجاجيل وعلمه ودربه ولو توصل بك المواصيل زوجه
وبعد تفكر طويل ...خطب ابو محمد لولده محمد وزوجته ... وفي ليله الدخله ... وبعد ما راح صلوحي وزوجته ساره لبيتهم قعد صلوحي على السرير ... ودخلت عليه ساره .. وقعدت جنبه واحمرت خدوده وقام يبتعد عنها وهي تقرب له وطفوا اللمبات (( ........... )) ... وسرعان ما صرخ صلوحي وقام يركض وصك عليه باب الحمام وساره ....تطق الباب افتح افتح ... وقعد في الحمام الين جاء الصبح وما طلع إلا لما سمع صوت امه وابوه جايين يزورونهم .... طلع من الحمام يركض وخم ابوه وهو يصيح ابروح معكم ابروح معكم لا تخلوني عندها تكفون ابروح معكم لبيتنا ...... قال ابوه وش فيك وش صار ...قام صلوحي يناظر ساره وقال اعلم عليك وش انتي مسوية ...وسارة المسيكينه تقطر جبهتها عرق من الحيا
قال انا خلاص منيب قاعد عندها تكلم علي كلام مهوب حلو وبعد .. وبعد حبتني !!.... ورحت صكيت علي في الحمام .. وما طلع إلا بجيتكم
المهم اقنعوه اهله واستمر مع ساره وحبها وصار يموت فيها ..ولكن بعد 3 شهور من زواجهم معاد قام صالح يشتهي الأكل .. واذا حطوا الأكل عنده خطر يطرش .. وغمت عليه نفسه ومعاد قام يجب ساره .. وشال شنطته وراح عند اهله .
ــــــــــــــــــــــــــــــــــــــــــ الزبدة ــــــــــــــــــــــــــــــــــ
ــــــــــــــــــــ
بعض الرجاجيل والي حرام يطلق عليهم لقب رجال ما بقى إلا يحملون عن حريمهم .. واعجبي .
تحياتي
دمزروف يعني ملطوش واللي ما فهمم منقول واللي بع مسوي نفسه غبي مسروق
مواقع النشر (المفضلة)