النملة والفشل الكلوي....
قبل شهرين شريت سكانر ( ماسح ضوئي ) وأول ماشريته كنت فرحانه ..
أي ورقة ألقاها أدخلها بالسكانر وبينما أنا كذلك <= = يمديكم على اللغة ..
ألقى نملة قاعدة تمشى بالغرفة
الظاهر إنها مسوية شوبنق ..
وأقوم آخذها وأحطها بالسكانر وأكبر صورتها 1600 أكبر حجم وألقى الجهة اليمنى عندها فيها بعج ..
وأقوم أسوي قص للجلد وألقى الكلوة رايحة فيها ..
وأقوم أطلع بالحوش وأجيب نملة ثانية وأدخلها بالسكانر وأحطها في برنامج اسمه سبيكنق وأقول لها ممكن تتبرعين بكلوة لمريضة في حالة خطرة ..
قالت : الله يرجك .. أنا ألحين رايحة للمستشفى عشان أسوي غسيل كلى ..
وأنا أقول : لاحول ولا قوة إلاّ بالله .. ألحين صار عندي نملتين فيهم فشل كلوي ..
وأقوم أطلع عند الحوش مرة ثانية – بس هالمرة عندي عدسة – وألقى نملة منتفة وجالسة لحالها
وأقوم<<<ماتلاحظون كثرت قوماتي..
آخذها وأحطها بالجهاز وأدخلها برنامج سبيكنق وأقول لها لوسمحتي ممكن سؤال ؟
قالت : آمري ؟
قلت : ليش جالسة لحالك ؟
قالت : أنا فقيرة ودايم أشحد من النمل لين طفشوا مني ويطردوني من القرية <<<من زود الغثاثة..
قلت : وش رايك أعطيك خيشة سكر ؟
قالت : تكفين ..
قلت : بشرط !!
قالت : امري ياكامري؟
قلت:خيــــر؟
قالت: اسفة..
<<<نملة سرمادية راعية هجولة..
قلت : تتبرعين بوحدة من كلاويتس لنمملة عندي ؟
قالت : o.k وأقوم أفتح بطنها بدبوس
وأسوي لكلوتها قص وأنسخ منها ثنتين وأعطي وحدة النملة القديمة وحدة النملة الجديدة
وتنوموا عندي دقيقتين..<<<الله يالمدة
.. و يطلعون من عندي مستانسين .. ويوم جاء الليل وأنا أروح أسوي كابتشينو بس مالقيت سكر .. وأروح للنملة وأقول لها : بالله عطيني سكر !
قالت : ذا بعدك .
قلت : تكفين ..
قالت : بشرط ؟
قلت : وشنهو الشرط ؟
قالت : اليوم بيجوني نمل من بيت جيرانكم ودي أقلطهم عندك في البيت ..
قلت : مافيه مشكلة ..
قالت : خلاص ،، خذيلك ملعقتين سكر ولا تكثري تراني أشوفك
وانا اقول بقهر والدموع تملأ عيناي"يلعن ام الحالة"سحقاً لك ايتها النملة السرمادية..
وفي اليوم التالي :
جونا نمل من بيت جارنا .. والنملة تناديني وتقول تراني مسوية تمايم اليوم روحي لأقرب مطعم
وجيبي لنا مفطحين .. عشان جاني ولد ..
قلت : ماشي .. وأنا أروح أجيب لهم مفطحين وزغ" يعني ضاطورين".. وكل شوي تناديني : .. جيبي القهوة .. جيبي الشاهي .. وأنا رايحه جايه .. يوم انتهت العزيمة ووحدة من النمل الضيوف
تقول : بكرة السهرة عندي .. قالت نملتي : الله يعينك ؟ <= = يعني موافقة .
وفي اليوم التالي :
راحت نملتي عند جيراننا على الغداء .. وأنا قاعدة أبكي على حظي في البيت .. وشوي وإلاّ ألقى صرصور
.. وأنا أقول له : ورع ؟
وهو يقول : نعم ؟
قلت : وش اسمك ؟
قال : وش دخلك ؟
قلت: ابي اتعرف
قال:وانا مابي<<<<يلعن ام الحالة
قلت : آسف إني تدخلت بخصوصياتك .. بس ممكن طلب ؟
قال : تفضلي .
قلت : أنا سالفتي كذا وكذا ..وأبغاك تآكل النملة الليلة ؟
قال : خلاص .. بس بشرط ؟
قلت: وش الشرط ؟
قال: حمام الرجال أبغى أحجزه لمدة أسبوع .
قلت : موافق .
وبعد قليل وهي تجي النملة مالية بطنها وتقول : ألحين راح أقيل شوي"يعني انام" وبعد ماأقوم شوفي لي الحمام
أبي آخذ شور <= = يعني تبي تتسبح ..
وأنا أقول : حاضر سيدتي .. وأغمز للصرصور ..
وفي هذه الأثناء : راح الصرصور لأخوياه وقال لهم : الليلة عازمكم على صيدة .. وهم يندسون ورى باب الحمام ومعهم سواطير<<<<الله من زود النصب
..
والنملة أول ماقامت من النوم راحت للحمام تبي تآخذ شور على قولتها .. وهم يهجمون عليها هجمة رجل واحد .. و يكلونها .. ويتكرعون
وفي اليوم التالي :
مع الصبح أسمع قرقعة بالحمام وأروح أشوف وألقى الصرصور هو وأخوياه يلعبون بلوت ..
جتني سكتة قلبية
.. وأنا أقول لازم اتخلص منه بأي طريقة .. وبعد تفكير عميق .. وأنا أدخل عليهم .. وهو يقول لي : خير يالحبيبه .
قلت : أبد بس ودي أفتح الدريشة عشان تهوون شوي .
قال: ياختي عاجبتني الريحة .
قلت : عشان خاطري .
قال : يلله بسرعة افتحيها ولا أشوفك بالحارة بعدين .. فاهمه ؟
وأنا أقرب من الدريشة كني بفتحها وأسحب السيفوووووووووووووون
وهو يقول : غدرتي فيني .. غدرتي فيني . حسبي الله عليك .
وأنا أقول له : لو سمحت لاتقول اسم الله بالحمام .
وأقوم ""هذي اخر قومة""أروح سيدا للسكانر وأكسرة أرباً إرباً لأنه هو السبب .. وهكذا عشت حياة سعيدة !!
وسلامتكم
مواقع النشر (المفضلة)