الـــــرفـــــيـــــق
[poem=font="Simplified Arabic,5,white,normal,normal" bkcolor="crimson" bkimage="" border="double,9,deeppink" type=1 line=0 align=center use=ex num="0,black"]
هذي القصيده مختاره لشاعر عايض بن حيبان المسردي واتمنى ان تنال اعجابكم
الـــــرفـــــيـــــق
-
جـور الدهرمافيـة شـك وريبـه=مر على حال ومـر علـى حـال
ياخذ من ادفـوع الليالـي نصيبـه=تومي رحوله بيـن حـل وترحـال
ما يعلم الا والـي العـرش غيبـه=كـم غافـل خلتـه الايـام يهتـال
العبـد يمشـي والمنايـا تجيـبـه=والاقدار مـا يمشـي عليهاتحيـال
والخاتمة مـن كـل نفـس قريبـه=الله يزيـن خاتمتـنـا بالاعـمـال
دنيا تقلـب فـي الليالـي الغريبـه=لابيتـت ذولا فــذولاك مقـيـال
وكل على صكـات بقعـا الغريبـه=ما احد على صد المقاديـر يحتـال
والناس لاجات الظروف الصعيبـه=عاداتهم وحده على مـر الاجيـال
كل مـع عصابتـه فـي المصيبـه=للضـد ضـداد وللحمـل شـيـال
جنب ابن عمك ماتشـوف الغليبـه=حتى ولو ماتكمل ارباحـك اريـال
مـن غيركـم لاكلحـت ينتخيبـه=خص ليا حده عليك اشهـب الـلال
وقـف بجنبـه وقفـة تعتنـي بـه=ماينثني من موقف الطيـب رجـال
ولاتدقـق ويـش خبثـه وطيـبـه=لاصار له في موطن الضعف مدهال
ولابدعثرات الزمـان اتغـدي بـه=والا يجيك من الصواديف غربـال
فترى المريض اللي يحيـر طبيبـه=ماهو بمن حط المرض عظمه اخلال
اصل المريض اللي يحارب قريبـه=وعثرة رفيقـه يشتريهـا بالامـوال
ويبغى يكسر شوكته باللي هي بـه=لو كان يبدي انه رفيـق ووصـال
لما دعـا داعيـه سـاق النجيبـه=ما ينفعك لصـارت حمولـك ثقـال
والموقـف اللـي ينفعـك يستعيبـه=وان كان جامل صار قـز ومـلال
فرفيقك اللـي لازمـك مـا يجيبـه=لا يعتبـر ربـح ولا يعتبـر مـال
لا بار بك في الضيق ويشك تبيبـه=خله على جال وخلك علـى جـال
ما ينطمـع فـي رفقـة بالغصيبـه=قد هي تسد اسماء بطاقات الاحـوال
احذر ولو جـار الزمـن تعتزيبـه=ترا القزازة ما تحتهـا لـك ظـلال
ولو يلتوي بـك ضيـق لا تلتويبـه=راه في الرفقـة كـذوب ودجـال
لاتقرب اللـي بيـن الوقـت عيبـه=خله على مركاه يـا طيـب الفـال
قالو العرب في كل شـي ضريبـه=والحر تغنيـه التجـارب والامثـال
-
-
عايـض بـن حيبـان المسـردي[/poem]
رد مع اقتباس
المشاركة الأصلية كتبت بواسطة شكيب ارسلااان
مواقع النشر (المفضلة)