لا ضـــــــاق صــــدرك وسعه
[poem=font="Simplified Arabic,6,white,normal,normal" bkcolor="black" bkimage="" border="double,10,black" type=2 line=0 align=center use=ex num="0,black"]
لا وا عذابي كل مـا دهـده النـور=تقبـل همومـي سابقاتـن خطاهـا
لاوا عناي وخيبة الحرف وسطـور=واغلق علينـا مبسـم النـور فاهـا
كنا على قولة خص وقص ياجـور=وابعد وخـل الموديـه فـي عناهـا
والشر ما يبرح خـلاء دار مثبـور=معـه وحوالينـه وعنـده سـواهـا
شر النفوس يغيـب الحـق والنـور=ويبعد عن قلوب البشر فـي حياهـا
وينصب شراك الغواء كل دعثـور=سواة مجـري قيلـت فـي حواهـا
عين على قلة عرب حدهـا العـور=وعين على من قربو مـن جراهـا
اليوم ينشب شاكـل الذيـب بالثـور=خطر يبيه و مقـرن الثـور داهـا
اليوم لا همه علـى مـن لهـم دور=كلا على ما تملـي النفـس جاهـا
كن المجرب ما بعـد قيـل دكتـور=وعالج نفوس مبرحـه فـي عياهـا
نصايح تغني عـن اللـف والـدور=واليوم تزعل منصحك لـو حكاهـا
اياك تنصح لـه ثـم اياكـه تشـور=كـلا يشـوف بمجهـره وايتبـاهـا
خله يطيـح ولا بعـد مـد بشبـور=النقص فيـه ومدتـه مـا عطاهـا
خذا طريق واستبق خطـوة البـور=باير ويطحـن علتـه فـي رحاهـا
من خل كيفه ينخطى نازل السـور=عاجـز يقـاوم خيبتـه وايحـداهـا
خلك مع ربعك عسى عمرك كسور=وعساك ما تفلح ولا ذقـت مـا هـا
من لا يصاب ويستطبرقيل مستـور=لابـد ياثـوب الستـر مـن فراهـا
دنيا تراودنا علـى ظيقـة الطـور=منك الفرج يا باعث النـور طاهـا
وقت وزمن واصروف دنيا بها جور=صلفه ولا ترحـم ظعيـف نصاهـا
لا صرت ما تقدر وبك الزند مكسور=ايـاك تقحمهـا وخـلـك معـاهـا
لا تامن الدنيـا ولا تهمـل الـدور=خلك فطيـن وافتهـم فـي رطاهـا
ازكن ولا تنظر لمن عنـده قصـور=ربه عطـاه وحظـه اللـي جباهـا
رزقك نصيبن لك مقنـن ومقـدور=قسمك نصيبك يرتفـع لـك غطاهـا
لو حق غيرك في يدينك ومسـرور=ما ياخذه من لا قسـم لـه خذاهـا
لاظاق صدرك وسعه ما بك قصور=فج النفـس للـي ينومـس قراهـا
تلقى رجال ويعجبـك كـل ناعـور=خطواء هدانن ما حلم فـي شلاهـا
دلة على جال الجمر ترفـع الكـور=اخير مـن قصـور وسيعـه بناهـا
فنجال بـن مبهـر كنـه شختـور=وحليب خلفه زيمـت فـي رغاهـا
ومجالس تبلـج صدركـل مقهـور=والعود الازرق يعتصر في حجاهـا
ساعة توازي شقى عمـرك دهـور=تنسى همـوم مكثـره فـي عطاهـا
طالبك يامن كـون الأرض وبحـور=يـا واحـد نفسـي عليـه ارتكاهـا
جمل وعد عبد لقاء طاعتـك نـور=بجاه الكتاب ومنبـع الحـق طاهـا
للشاعر الكبير : حمد بن سالم الغباري[/poem]
رد مع اقتباس
مواقع النشر (المفضلة)