ღ♥ღ يـآحـرٍمـــ9 ღ♥ღ
[align=center]
تصيح تقول يا(حرمه)،تحسب إنـك تعايرنـي
شنبك اللي تفاخربه..ترى اللي جابته حرمـه
تصدق كذبتك دايم ،، مبـادئ حيـل تقهرنـي
(نقص عقلك مع دينك)،،ترى مليت هالكلمـه
ياجاهل فتح عيونك..ياويلك لـو تصاغرنـي
غضب،،تهديد،،وإستلمّه..وسمّه اللي تبي سمّه
أنا مليت من ظلمك يـا(آدم) وش تصورنـي
أذا إني ناقصه بعينك،،وداعي منتهي الحكمـه
تراني ساكته بكيفـي ،، نصيحـه لاتفجرنـي
غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي
علي عكسك تجي قاسي وكلن راضي بسلمـه
حسافه وقتي الفايت،،تذكّـر يـوم تِسهِرنـي
علي قولة انا عاشق وحبك صابنـي سهمّـه
تذكّر يوم لي تركض ،، تقول يازيـن آمرنـي
علي سنة رسول الله أشيـل الحمـل وآزمّـه
فرحت وقلت هذا اللي أبي في ظلّـه يسترنـي
اذا ضاقت بي الدنيا،، مسـح دمعاتـي بكمـه
ابي انسى به الدنيا وابـي بالحـب يشعرنـي
ابيه يكون لي فرحـه اذا زاد الزمـن همـه
[/align]
مواقع النشر (المفضلة)