للمبدع الشاعر زيـــد رومــــا ـاـاـاـا
عبدددددالكرررريم اااالمهناـاـاـا



تكفى يبه...!!
لا تزعل علي ...!!
اخاف إذا تزعل علّي يزعل علّي ربي بعد ...!!
وانا اخاف ... ومقوى على زعل ربي ابد
وادري وش اللي مزعلك
ويحق لك ...!!
وادري انا بحقك خطيت ...
ومالي عذر ...!!
وإنك ابوي
وإني تجاهلتك كثير ...!!
والبارحة ادري بعد ناديتني وما جيت لك ...!!
وكنت أسمعك ...!!
وأسمع نداك ...!!
وحاولت البي لك لكن ماقويت ...!!
حسيت شي بداخلي يرفض نداك
حسيت شي يرفض اجيك
حاولت
وحاولت
لكن ما قويت
ادري يبه انه حرام ... وقلة أدب .
وادري بخطاي
وادري بعد تحس مني بالقهر
وفي قلبك ألم ...!!
وربي أحبك يا يبه
وأدري بعد حقك كبير
ومهما اسوي لك ابد ما الحق جزاك .
ربيتني
وعلمتني
وآويتني
وكل شيء سويته بعد
وآخرها تنادي واسفهك ...!!
صدقني تكفى يا يبه
غصبٍ علّي.
تدري يبه ...!!
عمري اليوم عشرين عام ...
ومن يومها لليوم ما شفتك تلبي للأذان
وما قلت لي في يوم قوموا للصلاة ...
كم مرة ناداك الآذان وما لبيت له...؟!
إذا انت مالبيت للي خالقك
وشلون البي لك أنا ...؟!
إذا انت مالبيت للي رازقك
وشلون البي لك انا...؟!
شف يا يبه
ناديتني مره وما لبيت لك ... وشف وش حصل ... من أمس لين اليوم زعلانٍ علي ...!!
وأنت الأذان مايوم لبيته ابد...!!
ما تدري إن الله بعد يزعل عليك ...؟!
وتدري إذا يزعل عليك الله وش ممكن يصير ...؟!
تعيش بالدنيا ذليل
وتبعث ذليل
وتصيح ما تلقى أحد
وتطيح مالك من سند
وتندم كثير في يوم ما ينفع ندم ...!!
تكفى يبه
لب الأذان ...
رح له إذا ناداك
وقومني تكفى للصلاة ...
الجنة حلوة يا يبه ... والأحلى ندخلها سوى ...!!
وحتى رضى ربي حلو ... والأحلى يشملنا سوى ...!!
جرب حلاوة طاعة الله ... يا حلوها
لا تنخدع باللي غوى ...!!
جرب إذا نادى الفجر تقوم ... وتتوضاء ...
وتقول يا الله ياكريم
بيكون لك صبحٍ جديد
ورزقٍ جديد
وصحيفةٍ يكتب بها صلى ... وتاب
ومن طاع ربه ما يخاب
وتحس في أحلى شعور
واصير البي لك إذا ناديتني
واقول سم ... واقول لك لبي عيونك يا يبه
تدري يبه ...؟!
النار ماترحم احد ...
وإبليس ما ينفع أحد ...
وبلال رددها وهو تحت العذاب
" أحد ... أحد ...!! "
وبيصير يوم ما ينفع الوالد ولد ...
والدنيا تاليها نموت ... وتبدأ حياةٍ ثانية ...
فيها نعيم ... وفيها عذاب
يفوز فيها من سجد ...!!
وفيها وجوهٍ شاحبة
تبكي قهر ... وتمشي على درب الظلام
وفيها وجوهٍ نيرة ... كله على شان الصلاة
تدري يبه أُستاذنا وش قال أمس في حصة أحكام الصلاة ...؟!
يقول من خلا الصلاة نال الكفر
وانا أخاف من الكفر ... وما اقوى عليه
والكفر ما يقواه أحد
وخايف عليك بيوم ما ينفع ندم ...!!
تشرب ألم ... وتاكل ألم ...
وتحشر مع بليس اللعين ...
وغيرك على ركعة سلم
تكفى يبه ... لب النداء
وخذني معك
وعلمني احكام الصلاة
وخل ندخل المسجد جميع
يمكن نفوز ... ونسلم مع اللي قد سلم ...!!
قم يا يبه والعن بليس ...!!
ولا تأمن الدنيا أبد
وصلي يبه من قبل لا يصلى عليك ...!!
وخل أفتخر واقول لأصحابي
" اليوم صلينا جميع ... أنا وأبوي "
تكفى يبه

( ل عبدالكريم المهنا _ زيد روما _)

منقوووووووووووووووووووول