ضفادعنا مكشتين بالبر...
هذا قصه تماسيحنا الموقرين....يوم يطلعون للبر....
++++++++++++++++++++++++++++++++++++++++++++++++
ابطال القصه....
نجد..أشكوأياما..عيوني حزينة("أبو عرادة")..فز الخفوق..كاتم الآهات..الأيهم..أباتشي..
زين بس حول..المنتهي..
جاء أشكو لنجد وقال..
أشكو:وش رايك يانجد نطلع حنا والتماسيح حقين المنتدى كشته للبر....نغير جو....
نجد:أوكي مافيه مشكله...بس من كم القطه..؟؟<<<<<هذا اللي همه الفلوس
أشكو: خلاص انت خلنا نشوف الشباب وش يقولون بعدين نشوف القطه..كم بيقدرون عليه...
في هاللحظه جاء أبو عرادة.."عيوني حزينة" هو وخشته مفهي يمشي ويسحب رجليه,,ويلعب بالسبحه... وقال لهم: هاه وش عندكم؟؟
عيوني حزينة:وش قاعدين تقولون...هاااه تحشون فيني...<<<<<<<< وش يحشون وش يخلون انت مافيك اي شي صح....وجهك مكتوب عليه..احذر امامك تحويله....
نجد: وش نحشك..اكبر همنا انت عشان نحش...,, كنا نقول ودنا نطلع للبر مع العيال..نغير جو الامتحانات..ذبحتنا ياشيخ..
عيوني حزينة:قدام.... عز الطلب والله....اروح اقول للعيال....؟؟<<<<<<<<مايصبر عن اللقافه
اشكو...اقول اصبر واركد بلا رجه... يالمرجوج...اصبر...
عيوني: وش اصبر....اييييييييييييييييه انا عارف تلعب علي..تخاف اسبقك واعلمهم....<<<<<<قايلتلكم انه دلخ ومخه فاصل... هع هع هع
وراح عيوني حزينة يركض و الجوال في يده...واتصل
بفز الخفوق..والأيهم..وكاتم ..وزين بس حول..والمنتهي..وأباتشي..
وكلهم ما كان عندهم مانع
وجمعوا القطه حقتهم..وحملوا عفشهم بالونيت الغماره حق ابو عرادة وتوكلو على هالكريم<<<<<مسكييييين الدنيا ماشيه معه غلط...حتى السياره زي وجهه أمامها تحويلة
+++++++++++++++++++++++++++++++++++++++++++++++++
وبعد ماوصلوا طقوا خيمتهم..ورتبوا اغراضهم..ووزعوا المهمات بينهم....اللي يشغل الماطور...واللي يجهز الحطب يشب
النار...واللي يفرش الخيمه من جوا وينزل فرشهم<<<<فرش جمع فراش وهو المرقد اللي يستخدم للنوم ...وهو عباره عن
مطرحه شالكي ومخدات عليها خرايط من السعابيل اثناء النوم...وبطانيات متعدده الالوان من اصفر واحمر..وبرتقالي واخضر....
حوار بين كات ..واباتشي.....
كاتم: متى العشاء ياشباب...احس اني جوعااااااااااااااااااااااان...
اباتشي: ياشين توك متغدي من ساعتين...امداك تجوع !!؟...
كاتم:ياخي وش اسوي عاد جعت...وبعدين تسمي رز بخاري مع دجاجه شوايه غداء؟؟..والا بتذلني عشانك انت اللي مباشر علي..
وفي الجهه الثانيه قاعدين عيوني حزينة وفز الخفوق في عالم ثاني...يسولفون ويقشمون حب<فصفص> وكل واحد منهم ينصب على الثاني..
عيوني حزينة: اقول يافز لو اقولك شي تصدقني..؟وماتقول عيوني كذاب...
فز الخفوق: وشوا قل ولاتكثر..؟
عيوني..تصدق مره طلعت للبر مع عيال عمي ويوم جاء الليل جونا ذيابه كثيراااات<<<<ابوووك يالاسلوب
وكل عيال عمي خافوا وطقتهم ام الركب..الا انا
فز: لاياشيخ..وش سويت..؟؟
عيوني:طلعت برى الخيمه ومعي العجراء حقتي...هذي العجراء خاصه لطلعات
البر...وقلت لهم ياشباب اربطوا عليكم باب الخيمه..وانا بطلع اتفاهم معهم...والله واطلع وامسكهم ذيب
ذيب..وامردغهم..واكوفنهم...لين عضوا الارض...وراحو وماعاد قربوا جهة مخيمنا...
فز:يووووووووووووه ماشاء الله عليك عيوني...والله انك قوي..تصير صديقي..؟؟
وش رايك الليله تفرش فراشك جنبي عشان لو جونا ذيابه اقومك وافزع معك بعد..<<<<قمة التفاهه في السوالف
وفي جهه ثانيه اشكو ونجد قاعدين يحطون جدول للطبخ..كل يوم على اثنين ..عليهم غداء وعشاء
وفطور..<<<على بالهم عشانهم الاداره واحمــر.. هم اللي يحطون الجدول والاوامر...حتى بالبر مسوين اداره...
غابت الشمس واظلمت الدنيا..وجاء زين بس حول وهو معصب شوي وقال:ياخي انتم طالعين توسعون صدوركم والا لا..؟؟
مو معقول كل واحد منكم قاعد له بجهه ويسولف مع الثاني..ماصارت كشته ذي-الله ابو كشته تعرفونها... خلونا نشوف
لنا شي نلعبه<<<<<وش رايك تلعب بلاي ستيشن يالاحول..
اباتشي: والله انك صادق يالحول..ماصارت وساعه صدر....يالله خل نلعب شي...وش تبون نلعب..؟
كاتم:وش العابه انت وياه...والعشاء منهو عليه..؟؟والا ناوين تنومونا بدون عشاء..؟
نجد: اي والله انا احس اني جعت من الحين.... يالله يمدينا نصلح شي...
اشكو: ياللـــــه..ماهمك الابطنك انت وياه..خلاص قوموا تقلعوا صلحوا العشاء..وخلونا نلعب حنا.<<<< أيييييييييييييييي ياشديد يا احمر انت ياقوي
قرروا الشباب انهم يلعبون بلوت<<<اصلا مالهم الا هي..والا كيرم خخخخخخخخخخخخخ
وتجمعوا " اشكو...والحول....واباتشي....والأيهم...<<<<وحطوا ورقه للنتايج وكتبوا عليها...لنا,, لهم..
ونج وكاتم راحوا يضبطون العشاء...
عيوني:يعني مابقى الا انا وياك يافز<<<<<من سوء حظه والله
...تعال بس خل اكملك سواليفي.... ماقلتلك سالفتي يوم اورح انا وعيال خالي للصمان وش طلع لنا<<<<<<وش طلع بعد...فيل والا ديناصور.. هع هع هع
فز:اقول ضف وجهك ياكثر هرجك انت والله انك قلق...أنا بروح عند الناربكتب لي قصيد...جت على بالي الحين
<<<<ياعيني ياعيني ياشاعري انت يا ابو الرومنسيه
عيوني طاح وجهه مسكين والتفت يدور له على فريسه غير فز عشان يقلب راسه بالبربره..شاف الأيهم
عيوني:الأيهم..جابك الله..تعال اقولك عن سالفتي يوم....
يقاطعه الايهم وهو مفهي:هـــــــــــاه... لالا لا لا..بروح مع فز عشان اساعده في وزن القافيه..هو طالب مني ترى...
تعرف هو مهوب بالحيل في الوزن<<<<<<<<<عاش مصرف والحاضرين..
كاتم ونجد قاعدين يسوون العشاء ويهذرون...
كاتم:يالله ياليتك يانجد قلت للسحالي يجون معنا عشان نخليهم يصلحون لنا العشاء ويطبخون لنا كل يوم
نجد:صادق ياشيخ..ماجت على بالي تصدق..؟.والا حنا وين والطبخ وين..وش رايك نقترح على العيال ونشوف رايهم
وبكره أروح أنا أو واحد مننا يروح للرياض ويقولهم ..ويجيبهم معه...
كاتم..قدام..لاتشاور احد بس...اللي بيعارض قله اطبخ انت...حنا وش نبي بهم الا عشان يفكونا من البربسه
والطبخ<<<<<<<<<لا ياشيخ انت وياه..خدامات ابوكم حنا..
وبعدين جهز العشاء...وتعشوا وشبعوا...ولعبوا لين منتصف الليل<<<<<مايمديني على منتصف الليل ..من وين جبتيها..متعوووب عليها ذي
ودخلوا الشباب للخيمه عشان ينامون..بعد ماطفوا النار...وربطوا باب الخيمه<<<<الله من الذراقه<<يعني الخوف
شوي الا يسمعون ذاك الصوت....
آآوووووووووووووووووووووووووووووووو
آآووووووووووووووووووووووووووووووووو
المنتهي:ياعيال وش هالصوت..؟
اباتشي: الله العالم انه ذيب
عيوني: وشوا ذيبه..وين جاء معه ذا..
المنتهي:لا لالالالالا....احنا ماتفقنا على كذا الدعوى فيها ذيابه هونا اجل<<<هذولا التماسيح الرخوم كذا..
فز: لاتخافون ياعيال ابو عرادة معنا..تراه قوي مرررررررررره قد ذبح 6 ذيابه
عيوني: وشوا عرادته..؟؟
فز: انت..من فيه بعرادة غيرك...؟؟ مو تقولي انك ذبحتهم مدري مردغتهم يوم تروح مع عيال عمك...
عيوني: الا..بس انا ماجبت معي العجراء حقتي..وبعدين امي عقب مادرت عن السالفه حلفت علي اني ما اكلم الذيابه ولا
احتك فيهم...اسمحوا لي شباب..
نجد: خلااااااااااااااااص خلونا نعرف ننوم ياقلق انت وياه..باب الخيمه مربوط...ماراح يجونكم..اخمدوا بس..<<<<اييييييييييه يالقوي
وبعدين انا بكره راجع الرياض وبجيب السحالي معنا...منها يطبخون لنا ومنها يحرسونا بالليل..انتم عارفين سحالي
منتدانا...مشاء الله عليهم..شجعان الوحده منهم عن عشره تماسيح منكم يالرخوم<<<<هههههههه كنهم تهزؤا خخخخخخخخخخخخخخخخ
يكفيكم أم صقر وأميرة بكلمتي وسنفورة وهيونة هذولا بس عن40 تمساح الله يحفظهم<<<<ابوك يالثقه
ينقز المنتهي مره ثانيه: وش هالصوت بعد..؟؟
الحول:أقول ياشين ارقد...تراك لجيتنا...
وهذا كاتم يشاخر الله يصجه كانه صجنا هاللجج..
الايهم:ياخي شوفوا له حل هالقلق..احد يصحيه عشان يتعدل..والا واحد منكم يرفسه مع بطنه لين يسكت..نبي ننوم ياشيخ...
++++++++++++++++++++++++++++++++++++++++++++++++++ +++
بعدين ناموا " شله حسب الله" حتى شقشق الصباح<<<ارووح كشنه انا على اللغه العربيه..مايمديني
وزقزقت العصافير<<<<افا ياذ العلم..}فاهمه غلط ههههههههه{
طلع الصبح وقام اباتشي وطلع وغسل وجهه وتوضأ للصلاة ودخل للخيمه عشان يصحيهم<<<<مشاء الله عليه دايم مؤدب....<<ايه مره خخخخخخخخخخخخخخخخخخ>>
اباتشي:يالله شباب قوموا صلوا الفجر..يالله يانجد قم..اشكويالله يالله طلع السفر]السفر يعني النور[.
كاتم قم قامة عصبك بلا... كانك اشغلتنا البارح بشخارك وماخليتنا نمرح مرح الله جلد...<<<افا وين المؤدب...خربت الاخلاق..
ابو عرادة...قم...,,يالحول قم يالله..الايهم...المنتهي... يالله قوموا...
واخيرا قاموا الشباب...واللي راح يغسل وجهه...واللي توضأ للصلاة..واللي ..واللي.....الخ
الا عيوني..دايم فاهي..وهو آخر واحد...توه يجي وهم متجمعين يستعدون بيصلون جماعه
عيوني:ياعيال أنا حشرااااااااان مررررررررررره...وين أروح..؟؟<<<<خربتها
الحول: رح صدلك بأي مكان ورى طعس وخلصنا بنصلي...
عيوني: طيب ودي واحد منكم يجي معي..اخاف اروح لحالي يطلع لي ذيب والا شي..؟؟>>>>>>افا ياذا العلم.. وين الشجاعه اللي كنت تتكلم عنها...؟
اشكو:اقول رح لا اسطرك على جبهتك..شف لك هالطعس انزل وراه واخلص علينا خل نصلي قبل تشرق الشمس
<<<<<مشا الله على ضفادعنا محافظين على الصلاة...عساه في الصدز كذا ان شاء الله..
راح عيوني حزينة..وطلع فوق الطعس..ومعه ابريق بلاستيك فيه مويه<<<تعرفونه الابريق البلاستيك حق البران..
ومن بعيــــــــــــــــــــد قام يناديهم..يبي يتأكد هم يشوفون والا لا..؟؟
عيوني ينادي من بعيــــــــــــد:هيييييييييييييييييييي..ياعيــــــ ــــــــــال تشوفوني من هنــــــــــــــــــا..<<حطيت مد عشانه يناديهم من بعيـــــــــــــــــــــــــــد
اشكو وهو معصب: قسم بالله يادب ان ماعجلت علينا لالحقك نعالي يادلخ...<<<<<وش فيك دايم معصب..؟كل هذا
عشانك احمــــر..من تواضع لله رفعه ياشيخ ههههه
نزل عيوني ورى الطعس و................................................. ................................
<<<<لايمكن الوصول الى هذه الصفحه.....<<<عيب عليكم خلوا الرجال ياخذ راحته>>
بعد ماصلوا الشباب وعينوا من الله خير....وصلحوا قهوتهم مع بعض وتقهووا...
الحول: الفطور من عليه..؟
نجد: عليك انت والايهم..
الحول:اوكي ماعندي مشكله...يالله قم الايهم ساعدني انت فكك النواشف..وانا بصلح لكم شاهي يحبه قلبك<<<<فديته الحول...خدووم الولد..
بعد الفطور ركب نجد الونيت الغمارتين حقه<<<<الله يالدنيا من عقب ال BMW ونيت..؟؟
وقال:ياشباب احد بيخاويني للرياض...؟بروح للسحالي اجيبهم معنا...ياخي خلهم يتونسون ويونسونا...ومنها نستفيد
منهم بالطبخ...والحراسه الليليه<<<الله لايقدر عدوك يانجد..وش قالوا لك تسلاب حراسه حنا..؟
اشكو: اي والله ياشيخ احس انه ملل..مالقينا امس احد يونسنا ويوسع صدورنا كلكم وجيهكم تجيب الهم والاكتئاب
السحالي يوسعون الصدر شوي...الله لايخلينا منهم ان شاء الله<<<<ينصر دينك يااشكو..اول مره تقول شي صح..ههههههههه
الجز الثاني يتتبع...اذا اعجبكم الجزء الاول سوينا لكم جزء ثاني مع السحالي اذا جو للمخيم...
انتظر ارائكم...
مواقع النشر (المفضلة)