احد يحاول بالردى بنت عمه .................واحد يحاول ستر عذراء عوانيه
السلام عليكم
من البندريات الرائعه للشاعر الكبير بندر بن سرور العتيبيى رحمه الله
يالله يـا جـال الأمـور المهـمـة
تجلى وهق قلب برى حال راعيـه
البر دجته و البحـر رحـت يمّـه
أدرج سبب حظ على الله مساعيـه
يوم إن ولد اللاش رزقه على امه
رزقي على اللي ميّت القشع يحييه
ماني وانـا بنـدر ببيـاع دمـه
يقطعك يا بيّاع دمّـه و مهفيـه
اللـي يبيّـع لابسـات الأزمــه
ثور يبي بيض العماهيـج تغنيـه
يزعل ليا جت ليلـة الـدول يمّـه
يرضى بسوق المال بأخيه و أبيـه
خطو البخيل اللـي يكبّـر معمـه
يقرا الكتاب و واجب الله مخليـه
أما هرج لـه فـي رفيقـه بنمّـه
والا عطا و أمـه تضيّـع هقاويـه
يا مل قلب كل مـا مـات همّـه
دارت دواليب الدهر لين تحييه
فرّاق شمـل النـاس عيّـا يلمـه
وقتن يشيب الراس من شاية فيه
أحدن ينام و حط راسـه بكمـه
و أحد تخم النوم عينه و تخطيـه
و أحدن يحاول بالردى بنت عمه
و أحدن يحاول ستر عذرا عوانيه
تخالـف الأنظـار شرقـن و يمّـه
كلٍ هدف رايه من الناس مرضيه
أنشدك ياللـي كـل شـي تتمـه
تقرا الكتاب وكل فرض تصليّـه
ويش القليب اللي عميـق مجمّـه
ما سرّ غرسه ماه عطشى سوانيـه
سم السبب يا عارفن عنـه سمـه
سم السبب يا عارفه قبـل اسميـه
__________________
رد مع اقتباس
مواقع النشر (المفضلة)