.
.
.
بــــســــم الله
السلام عليكم ورحمته
.
.
.
.
.
"جرح النشيده ياصاحبي ما زال فـي وسطـه صديـد
يحتاجلك من طب غيره يا أبيـض الشـارب ضمـاد"
،؛،
"قبـل تويـق بصـدر غيـرك ميـز العلـم الوكيـد
كـب الرديـه والنطيحـه وأسمـع العلـم الـوكـاد"
،؛،
"الطرش يرعى والخطر يجيـك مـن صـوب العبيـد
والنار ما تخـر عسـى الله يكرمـك غيـر الرمـاد"
،؛،
"لف اللحم فوق العظـم والـراي رأيـك يـا سديـد
واشعل عبل روض الزهر واسلـم وبالـك والعـراد"
،؛،
"شف الحديده راكبـه مـن فـوق تربـاس الحديـد
أعـوذ بالله مـن تراكبهـا ومـن كثـر الفـسـاد"
،؛،
"ترا الجـروح المهملـه تنثـر مـع الغبنـه صديـد
واللي جرحهـا للأسـف يضغـط علـى ذاك الزنـاد"
،؛،
"الا ياعصـر ٍ مـضـى فـيـه الفـريـده للفـريـد
واليوم شيعة سـرت مـن فـوق مقصـود المـراد"
،؛،
"الحب ذاعتـه الصحافـه وأنقـرى وسـط الجريـد
والنار فـي قلـب الهـواوي والغظـي قلبـه بـراد"
،؛،
"زل الخطـر حـل الخطـر ياراعـي العلـم الوكيـد
والحر نكشف برقعه اليامـن حصـل طـرد وهـداد"
،؛،
"الفارس عنتر تعرفـه عذروبـه يعـرق بـه عبيـد
قدامـه ليـل ٍ اظلـم ٍ ليتـه سلـك درب الـرشـاد"
،؛،
"الشعـر حنـا لـه مقـر لاتحسـب الشاعـر بليـد
واللي حسب لك ماحسـب كـم عـدة ايـام البـراد"
،؛،
"العيطمـوس اللـي طـوت بردانهـا راس الشهيـد
ذبـت بـراس العـرق حمـل الجمـل هـذا وكـاد"
،؛،
"تخلفـت عـن العـرب يـوم العـرب هبـوا شديـد
تنطحـت شهـب المضامـي ياهيـه ودرب النكـاد"
،؛،
"والشمري من خلقتـه ياطـى علـى راس الضديـد
طنايا اليا ثار الدخـن روس العـداء مثـل الحصـاد"
،؛،
"شمر لهـا تاريخهـا مـن عصـر حاتـم والرشيـد
ومن وقت بن رشيـد اليومـك هـذا اللـي لا عـاد"
،؛،
"أنا حفيد الشعر يشهـد لـي تـرى الشاعـر لبيـد
فالجـور أمـد الشـوف قبلـه ثـم أخليهـا حيـاد"
،؛،
"عبوس وجه الصبـح والعالـم تقـول أنـه سيعـد
يا كبر ذنب الأولـه مـن صهللـة راعـي الجيـاد"
،؛،
"(معاويـه)لا تشتمـه لـو هـو تـرى أبـو يزيـد
أحرق عضى وادي الغضـى أسلـم وبالـك والعـراد"
،؛،
"وأشوف لغز الدائـرة ( نـادوا نسيـم أبـو حميـد)
لقاضيـة ضربـة عـرب والجمـر تاليـة الرمـاد"
،؛،
"العيطموس الفاجـره تسحـب مـع طـرق النشيـد
وتعيش في حالـة أسـى إذا وصـل وقـت الرقـاد"
،؛،
"لو كنت أجيد الملعبـه غيـري تـرى ماهـو يجيـد
أذهن وخلـك مبعـد النظـره عـن حـدود البـلاد"
،؛،
"لعبت بك لعب الهبوب الصلف فـي خضـر الجريـد
عند أتسـاق الأمثلـة فـي رحلـة الـرأي السـداد"
،؛،
"طبختها من تحـت وأنتـه تحسـب الطبخـه ثريـد
تبـرك مباريـك الجمـل لكـن شـرب دمـك قـراد"
،؛،
"لا تنفعل لا تنفعـل .. يمكـن .تـرى والله .. أزيـد
على عيون القـز فـي لحظـة .. تفاصيـل المُـراد"
،؛،
"قريش من .. سالف عصرها .. ما تعشـى فالقديـد
تعال نلعب لعبة الأول( أسم ) .. ( رسم ) .. ( جماد)"
،؛،
"المومسه تحشم لجل مدري ولكن ..( عبد .. سيـد )
و البندقيـة راكـده تطـرح لـكـم راس الـشـداد
"
،؛،
كب القديم أرجوك كبـه و أرتحـل .. ظهـر الجديـد
من شان تسلم من نشيد ٍ مطلعه .. ( بانت .. سُعاد )"
،؛،
"لا تفتخـر فيمـا مـضـى والمـجـد لله المجـيـد
مهلـك ملـوكٍ فاسقـه مهلـك .. أرم ذات العمـاد"
،؛،
"المجد من قـالا انـا نعـم أنـا الشخـص الفريـد
ولا يفلـه لا أستـوى ضـرب الحدايـد بالـحـداد"
.
.
.
.
.
.
.
(( وسلامتكم جميعا ً ))
الشاعر : مشعل الخليوي
مواقع النشر (المفضلة)