قصيده ((رحله ايامي))
السلام عليكم ورحمه الله وبركاته
اتمنى هذي القصيده تعجبكم ..............
تهاوت رحلة ايامي في ركن الخوف والحسره
********* وبديت اضعف مثل ظلي وارمي بالعمر خلفي
تصورت القدر حاجز زجاج من السهل كسره
********* ولكني جرحت اناملي حتى دمع طرفي
وعشت الياس والحيره بشوق ينتظر بكره
********* ولاهان الالم عندي ونصفي مل من نصفي
يميني خانت حروفي وهانت عندها العشره
********* ومن يكتب لي اشعاري اذا ماخانني كفي
وهل ارتاح واحساسي مجرد حلم او فكره؟؟
********* او احذف باقي اوراقي واودع فكري المنفي
تمنيت ارحل لعالم عليه الفاتحه تقرأ
********* ورفض موتي يواجهني بوجه القادم المخفي
فهل شفتوا جسد ميت رفض يستقبل قبره؟؟
********* انا هذي معاناتي واظن اللي مضى يكفي
ابترجى الزمن واحمل على كتفي عنا دهره
********* ماعادت فيني القوه على اقناعه يجي صفي
انا من يوم ميلادي مـا احـني راسـي مره
********* ولكن ماتـحمـلتـه عـجز لا يشـملـه وصـفـي
وانا اللي كنت بالاول عنيد.. قاسي.. وتذبحني الحره
********* بديت اضعف وانا اكره مجرد ضعفي لضعفي
اخوكم ** ســــــنــــافـــــي **
رد مع اقتباس
مواقع النشر (المفضلة)