أشوف الحزن
* لبيب المالكي
أشوف الحزن لي دنيا وأشوف الموت لي ميلاد
وأعزي الدمع في عيني وأعزي العمر في سكوته
صرخت ولاقدرت أحكي نسيت الوقت والميعاد
شهقت وصارت أنفاسي مثل حي ٍ بتابوته
يمر بخاطري طيفه وضحكة تجمع الأضداد
يحاول عمري المتعب يشوف الطيف ويفوته
إذا قلت العطاء منه يقول الجود ولد أجواد
وإذا كان الزمن قاسي أحس الحب في صوته
رهنت العمر من شانه وصار العمر به أعياد
عطيته من غلا قلبي وشعري تفرح بيوته
وبعد كل الوفاء والحب وأجاوب سائل ٍ نشاد
بكيته حيل من قلبي وصلني ياعرب موتــــــــــــــــــه
أشوف الحزن لي دنيا وأشوف الموت لي ميلاد
وأعزي الدمع في عيني وأعزي العمر في سكوته
مواقع النشر (المفضلة)