(( يا راس ماله عزة النفس لا تحير))
محبكـم يانـاس والله تـرى صغيـر
توه وصل في عمره اليـوم عشريـن
لكـن حياتـه علمتـه التدابـيـر
كنه وصل في عمـره اليـوم ستيـن
ماني غني والله ..بس في رجـى خيـر
وما ضاقت الدنيا ولا شفتهـا بعيـن
وشلون ابيع الحلم وازهى على الغير؟
عمر التراب اليوم يزهى على الطين!!
ربك كفل يا صـاح رزق الجماهيـر
وربـك يطعمينـا وحنـا مساكيـن
ضرتني الدنيا علـى الشـر والخيـر
ونجواي يعلمها مع الرب/ شخصيـن
يا غاليه: ويـن الدمـوع المغازيـر؟
اللي ملت خديك يا بنـت موجيـن
ما كنت صالح يوم اعـد المخاسيـر
احسب ليومي واترك الجـاي بعديـن
قد قلت لك يا بنـت دوك المحاذيـر
وشلون يقبل قلب قسمه على اثنيـن؟
لو كان يدمـح كـل زلـه معاذيـر
ما كان شفتينا عن الوصـل مبطيـن
بثي كثير اليوم ..بس صمتـي كبيـر
(وما يلدغ المؤمن من الجحر مرتيـن)
عذرك سخيف اليوم ما فـاد تبريـر
لكن عزائي .... يـوم ظنـي محبيـن
لو كان سرك يا هوى الناس في بيـر
لا بد ما يحفر ويطلـع ولـو حيـن
يا مفتخر بالعمر.. حسبك من عميـر
مـا همنـي لا صـار ربعـه مجانيـن
( كلاب تنبح دوم والقافلـه تسيـر)
وعساك يـا بنـت الآوادم تحسيـن
ما كان يلفتني مـن النـاس تحقيـر
وما زعزعك يا قلب هـرج المقفيـن
واثق خطى ما كان سلطان/ وآميـر
وأكثر ملوك الارض بالشـك ميتيـن
منهو خذا من الناس حـبٍ وتقديـر
اهو الملك يستاهل التـاج ...تاجيـن
يا بنت روحـي والله انهـا مقاديـر
( وكل الطرق تفضي لروما )وبرليـن
رغم الجروح اللي بقلبـي مصاديـر
ما تنحني هامه.... ولا ترتوي عيـن
ربك قسم الارزاق وشوف الهواميـر
طالو وسخ دنيا ... ومالو عن الديـن
وقِس على ذالـك حيـاة المشاهيـر
مهما علو ذاقو مـن المـر كاسيـن
وما كان قلت ولـو يقلـن الدنانيـر
يا ليتنـا عشنـا حيـاة السلاطيـن
ياراس ماله عـزة النفـس: لا تحيـر
إن ما لقيت معين...ربك هـو معيـن
مصيرهـا والله تلـوح التباشـيـر
( ومن هان في نفسه على غيره يهين)
لو كل جـرحٍ قـد لقالـه تجابيـر
ما كان باقـي للكرامـه مضاميـن
(ياااا لحن قولي)عند حشـد ومغافيـر
خصن ليـا جانـي سمـوم الثعابيـن
دام العمر يمضي ..( سنين ‘ ومشاوير)
كافي من الدنيا ..( مشاوير ‘ وسنين)
صالـح ليـا خانـه اليـوم تعبيـر
يسكت وصمته ناطقٍ بيـن قوسيـن
يا فاتنه لو عقب سالـم طلـع زيـر
ماكان يرضـى بأربعـه لـو مزايـن
العيـب بالخفـرات مـو بالمناعيـر
حوا ..وحيـه تحمـل السـم سميـن
مابيه وصلك ليش بأرضى بالآخيـر؟
غيرك يا مامه تـو عينـي ملاااااايـن
شوفيهـم بدربـي / بقربـي طوابيـر
لكنهم...يبقون / واطين....واطيـن
فكرك يبيله يا هـوى البـال تغيـر
ومن عاشرك والله ..عاشر ترى شيـن
نويت اسامح وانتخي طيبتـي ..ميـر
ثار الخفوق..وقال يا بنت (( تخسين))
والله لتندم دامنـي حـي يـا كبيـر
وعدي ...ووعد الحر يا (سافله ) دين
من باعني بالرخص يلقـى التحاسيـر
مصيـرك بيـومٍ تجينـي ‘ وتبكيـن
لكن قسم بالله/ لـو شفتـي الغيـر
وطفتي بلاد الله ....مثلي مـَ تلقيـن
تدرين / لو بختي مثـل قلبـي يغيـر
كان امتلكت الارض لو كنت تدرين
تدرين/ شخصي ياهوى البال شيصير
( أعز مخلوقٍ علـى الأرض يمشين
رد مع اقتباس
مواقع النشر (المفضلة)