(((لا تلومي ليـه مـا ابـوح بخفـاي)))
لا تلومي ليـه مـا ابـوح بخفـاي
في حنايـا خافقـي شـوقٍ جمـوح
الزمـن يابنـت هـو سبـة شقـاي
من كثر مـا لاعنـي مقـدر ابـوح
التحفت الصمـت وادري ذا خطـاي
مير ما عـاد احتمـل زود الجـروح
من زمان اول وانـا بـأول غـواي
كان قلبـي بالهـوى غـرٍ طمـوح
كنت احسب الناس مافيهـا سـواي
كنت احسب ان القمر لجلي يضـوح
كنـت مـن زود الشطانـه ياغـلاي
ارتقي لجل الهوى عالـي السفـوح
وكنت اسوق حروف شعري من هناي
واكتب ابيـاتٍ مثـل بـرقٍ يلـوح
واثـر عمـري راح وسنينـه وراي
والهنا فـي دنيتـي عـوّد شحـوح
ان بغيت ارقى تباعـد بـي سمـاي
وان حدرت احدر مثل جـذعٍ يطـوح
الله اكبـر واثـر مـا حـي كمـاي
ما بقى لـي قلـب للدنيـا جمـوح
انتهيـت وجيـت وهمومـي معـاي
وكـان عفتيـنـي فخليـنـي اروح
وتحيااااتي لكل عين قرأت 0 0 0
رد مع اقتباس
مواقع النشر (المفضلة)