حاولت أنسى لكن عجزت أنساك
نسيت حتى نفسي ومانسيتك
حاولت أقسى على قلبي وأجفاك
وكرهت الدنيا يوم إني جفيتك
في الفكر في القلم والورق ألقاك
في كل حرفٍ أكتبه لقيتك
بالطريق أمشي وكني أمشي وراك
ولا غيرت الطريق وصلت لبيتك
أسرح بفكري ويمر علي طرياك
ولا نطقت بأسم غلطت وطريتك
كل كلامي أوصف حالتي وياك
وأوصف مر الليالي يوم خليتك
أنشدك بالله حياتي تسوى بلاك
لو بعينك تأشر تشوفني جيتك
يعز علي نفسي حالتي معاك
هو كل ذنبي إني حبيتك
قالوها قديم إنسى من نساك
وأنا حاولت لكن مانسيتك
قالوا إنسى عشرته وإرميه ورك
وأنا رميت الناس ومارميتك
حبك في قلبي يزيده غلاك
وأبي أنساك كثر ماني أغليتك
اطلبك تكفى كيف انسى ذكـرك
لو أقدر أمحيك والله محيتك
أرجوك علمني كيف أقدر أنساك
بس أبي أنساك تكفى رجيتك
مواقع النشر (المفضلة)