قالو توفى ( رثاء في ابن عمي )

[][عاشق الزين][]

[align=center]ابيات رثاء في ابن عمي محمد الذي وافته المنية قبل
شهرين رحمه الله واسكنه فسيح جناته
تاريخ نشر القصيده 21/3/2006[/align]

[poem=font="Simplified Arabic,6,black,bold,italic" bkcolor="transparent" bkimage="" border="inset,6,black" type=2 line=0 align=center use=ex num="0,black"]
جاني خبر من هولته كنت ابااشرق = يقول لي الله يدوم البقا فيك
ايام تجمعنا ويوم ٍ يفرق = لابد من يوم ٍ تودع محبيك
قالو توفى ! قـلت ياناس من صـدق؟ = قالـو نعــم ! والـحـيـن حـنـا نعـزيك
يالله يالمعبود بالحال ترفق = الطف بنا يارب حنا نناجيك
كل الحروف اليوم تعجز عن النطق = يامحمد المرحوم ياكيـف ابا ارثيك
قلبي عقب فرقاك بالهم محرق = ياقلبي المحزون منهو يواسيك
كني غريق ٍ وسط موج ٍ تصافق = ياقلبي المهموم منهو يسليك
حبك جرى بالدم ياخوك بالعرق = طول الدهر ماانساك كله ابا ابكيك
في لحظة التـوديـع مـانـي مـصـدق =إنـي بيديـني بالثـرى رحت اغـطـيك
يبكونك ربوعـك في مغرب ومشرق = ويبكـيك مـنهـو كان دايـم مخـاويك
اطلب مـن المولى من النار تعـتق = وعسـاك بـالجـنـه تـنـزل مواطـيـك[/poem]



[align=center]عـــــ الزين ـــاشق

.

.[/align]

[ذكريآت الأمس]

اطلب من المولى من النار تعتـق
وعساك بالجنـه تنـزل مواطيـك

اللهم آمين..اللهم أغفر له وارحمه..

لا هنت أخوي.

[شقران]

رحمه الله رحمة واسعه

وطيب الله فالك يابعدي على هالمرثيه

شقران

[التميمي]

صح السانك كلمات تغمرنا بمعانيها الحزينه
ماشاء الله عليك ياخويه كلمات يبقى صداها بالخاطر
ومن مات الله يغفر له
عاشر ن تعاشر لابد من الفراق
اخوك التميمي

[شكيب ارسلااان]

الله الله صح لسانك اخوى والاهنت ولاهان راسك