[poem=font="Simplified Arabic,6,crimson,normal,normal" bkcolor="burlywood" bkimage="" border="none,4,gray" type=2 line=0 align=center use=ex num="0,black"]
ياهجوس ٍ في ضميري ولعت فينـي حرايـق = تبترم في وسط جوفي واللهايـب يحرقنـه
ياعضيدي شاب راسي والصدر بالـه تضايـق = والعيون من المدامـع ياعضيـدي يذرفنـه
ياوجودي وجد عـود ٍ مجهـد ٍ للمـر ذايـق = راح عمره مع حصيلـه والليالـي غربلنـه
وياوجودي وجد صقار ٍ صدف طيره لحايـق = وخالف الحر القطامي والريـش ماوكدنـه
وياوجودي وجد قرم ٍ مايقـوم ولـه عوايـق = والعظام اليا بغى الميقـاف عيـن ينهضنـه
شفت شي ٍ مخلف درب العوايـد والطرايـق = مـن تحقـق بالليالـي فالليالـي يفكـرنـه
الحقيقـه ضايعـه منهـم مضيعـة الحقايـق = واختلط دين المسيحي واليهودي ودين سنـه
ودي أدله والمدى يظهر لي أعيـون ٍ تهايـق = الطريق اللـي مشيتـه للاسـف ماعمرنـه
ياعضيدي ودي أدله مع فضاء الصحصاح فايق = وأطرب الخاطر وولد اللاش ماله في منـه
شف بالي شب نـار ودلـة ٍ والكيـف رايـق = وجلسة ٍ فيها خوي ٍ صافـي ٍ مافيـه ظنـه
في فيـاض ٍ مختلـط نوارهـا للعيـن لايـق = من مزون ٍ مردمات بأول الوسمـي سقنـه
أنـا مالـي والمدينـه بابهـا دونـي غلايـق = وأنا ودي بمد شوفي والحواجـب يحجبنـه
والختام بذكـر رب ترتجـي فيـه الخلايـق = حط نار لليهود وحـط غير النـار جنـه[/poem]وسلامـــــــــتـــــكم
قـــــــــــــاسي وراســـــــــــــــــــي
مواقع النشر (المفضلة)