قالت انته تحسبني مـن بنـات صايعيـن تحسبني في زماني عن طريقـي ضايعـه
[poem=font="Simplified Arabic,4,crimson,bold,normal" bkcolor="transparent" bkimage="" border="solid,4,teal" type=0 line=0 align=center use=ex num="0,black"]
شفتها يا سعود صدفه بعد ما غابت سنين=عند قسم المختبر وسط مشفـى الجامعـه
جيتها ثم قلت ممكن في سؤالي تسمحيـن=ناظرت فيني بدهشـه نظـره متواضعـه
قالت انته تحسبني مـن بنـات صايعيـن=تحسبني في زماني عن طريقـي ضايعـه
قلت انا ماراح اطـول كلبوهـا كلمتيـن=وابعدت عني شويه ثـم جتنـي راجعـه
قالت اسال واضح انك من رجـال طيبيـن=بس هرجك يالسنافي كان وشهـو دافعـه
قلت انا حبيت وحده يوم كنـا صغيريـن=ومن ثمان اسنين راحت للمواصل قاطعـه
عقبها ماذقـت نـوم يهتنيـه النايميـن=ساهر في طول ليلي لين شمسـي طالعـه
اذكر انه فيه حبه فوق ثغره مـن يميـن=واذكر انه لاجرينـا كـن شعـره تابعـه
واذكر انـه عاشـق فالـورد الياسميـن=صار قلبي بالورود اللي عشقهـا زارعـه
طابعا اسمه بقلبي فيه سين وفيـه عيـن=وفيه الف وفيه دال وسـط قلبـي طابعـه
قاطعتني بقولهـا سبحـان رب العالميـن=كررتهـا مــره و مرتـيـن ورابـعـه
قلت وشفيـك وشبـلاك يابنيـه ترجفيـن=ليش عينك يابنيـه مـن كلامـي دامعـه
قالت الموقف وقلبي والمحبـه والحنيـن=كيف اشوفك بعـد ماكنـت عنـك قانعـه
قلت انا بسألـك انكانـك انتـي تذكريـن=عن مواثيق ثمنهـا مـن حياتـي دافعـه
قالت ظروف الزمان ماتطيـع العاشقيـن=بيعوني غصب حبك لو هو مانـي بايعـه
انا في دنياي حالي كنها حـال السجيـن=حتى لو فكوا سراحه فيـه شـي مانعـه
زوجوني غصب واحد وحرموني حاجتيـن=السعاده فـي زمانـي والحيـاه الرائعـه
والحين انا ام لثلاثه عندي ريم وياسميـن=والولد ا سمه على اسمك والمشاعر جايعه [/poem]
اتمنى ان تحوز على اعجابكم
منقوووووول
رد مع اقتباس
مواقع النشر (المفضلة)