ليتهـم خبـروك بموتـي واكـون مـعـذور
وليتك سألتي الليل عن اسبابي ويـش تكـون
لقيتـك عـقـد بـيـن الليـالـي منـثـور
جمعتـك تـاج للنـظـر تزهـابـه العـيـون
سقيتـك ورده ذابـلـه مابـيـن الـزهـور
شفتـك بستـان وجنـة ربيـع فـي هالكـون
ضويتك شمعه واختفى نور القمر والنجم مبهور
عطيتك دمعه ورضيت أغرق مابيـن المـزون
نظمتك ابيات ورتبت حروف اسمك في سطـور
وخفيت عن اقلامي كل كلمه بها شك وظنـون
حملني الشوق للموعد حملني طيـف مسحـور
ودعني وقتك واحترت مابين صمت وشجـون
انتظـرتـك ليـلـه وايـــام وشـهــور
وقلـت كــل هالدنـيـا لاجـلـك تـهـون
ناديـت وعيـا الزمـن لصـوتـي يـجـور
غفيت وضاع حلمي مابيـن واقـع والجفـون
فاح طيبك وعجزت القى لـك نفحـة عطـور
شفت نـارك فـي بـرد الشتـا كلـه دخـون
ماتحملـت بعـدك وفـاض جـرح مسـتـور
نزيـف وآلام وهاجسـي خايـف ومكـنـون
حاولـت اداويـه وتعديـت مـدن وبـحـور
ضحيت وتركت آمالي على كف الهجير يشكون
غريبـه هالزمـن عـلـى الطـيـب يــدور
عجيبـه كـل مـن حـب صـابـه جـنـون
هذي رحلتي علـى ظلـم المسافـات مجبـور
تسابقني الذكرى وانا بذكراك ميـت ياحنـون
هزني شوقك واقبلت اداري خاطرك المكسـور
يعذب قلبي المسكيـن اللـي ادمتـه الطعـون
اعذريني يالطفله الحايره مابين غيبه وحضـور
ماعمري قسيت لكن قسوتـي عتـب مكنـون
سامحيني من شخص احس انه اليـوم مغـدور
غصب عني عطيتك كل الي بداخلـي مخـزون
وماحمل في رجعتي حضارات وذهب وقصـور
احمـل اوراق بعهـد الوفـا دايـم اصــون
ان عذرتينـي ازرع الوصـل واروي الجـذور
وابقى الشاعـر الصـادق والهايـم المفتـون
وان رفضتـي فياجرحـي ويادمـي المهـدور
وياكل مافينـي ليتهـم مـن عذابـك يشفـون
مدري هـذا شعـر ولانثـر ولا قـول ماثـور
مدري سهـر ولا خيـال ولا صبـر مغبـون
خبري اللي كذبـوك ومـن دق بابـك يـزور
ان حـزيـن الـدمـع عـمـره مـايـخـون
وليتهـم خبـروك بموتـي واكـون مـعـذور
وليتني بعدهالقصيد اكون تحت الثرى مدفـون
سكوووووووووووب im0
مواقع النشر (المفضلة)