سقى الله يوم انا طفله انام ولاحدٍ قدي
ولا احاتي هموم اليوم ولا احاتي امل بكره
تداعب امي شعري وتمسح يدها خدي
ونومي هادي وساكن رعانا الرب ستره
تلاعب يدي الدميه وعندي ها الزمن وردي
همومي لعبتي ضاعت وعندي هم وش كبره
كبرت وزادت همومي واحس ان الزمن ضدي
كبرت ونظرة الطفله تعيش بداخلي فطره
كبرت وعشت ها الدنيا كيرت ولا هو بودي
كبرت بشكلي ورسمي وعقلي باقي بصغره
وصار الهم يلعب بي كما الدميات في يدي
واسمر ليلي بطوله ويعلن رحلته فجره
زماني كشر بنابه وصبري بيح بسده
حياة بحرها هادر وكلاً غارق بشبره
بشر تاكل بعض تاكل وتحرق عينها جلدي
بشر تسرق صفا خاطر وكحل العين بالابره
ياليت وليت انا طفله وانام ولا حدٍ قدي
ولا احاتي هموم اليوم ولا احاتي امل بكره
لشاعره ..بنــت حميـــد....