واشلـون لا ردّدت غنـوة ابـو نــوره .. ابعاد يـا اهـل الهـوى واتهـز هامتهـا
السلام عليكم
اتمنى ان تحوز هذه القصيده على اعجابكم
00000000000000000000000000000
يا مرحبا يا جميـل الصـوت والصـوره.. يـا فتنـة النّفـس نفسـي فيـك فتنتهـا
محبوبتي فـي المـلا روعـه وسنيـوره.. مـا غـاب عنّـي طرافتهـا و بسمتهـا
ريّانـة العـود بـالأخـلاص مشـهـوره .. ما تعرف الكذب تعجبني صراحتها
اتقـدّر الحـب فـي شرعـه ودستـوره.. عزيـزة النفـس مـا تِنـزل كرامتـهـا
ذوق وادب راقيـه ماهـيـب مطـيـوره .. لا مـن حكـت تابـع الحضّـار كلمتهـا
من شافها قال ذي في عصرنـا اسطـوره .. تـاج الجمـال الحقيقـي فـي ذرابتـهـا
الوجـه لمسـه ديبـاج و كنْـه بـلـوره.. من غيـر مكيـاج قمّـه فـي حلاوتهـا
العيـن آيـه وجيـد ٍ سـاطـع ٍ نــوره .. واحلى مذاق العسـل مـن ريـق شفتهـا
فـي خدّهـا لوحـة ٍ وازهـار منـثـوره .. وامـن الخزامـى وورد الفـل ريحتـهـا
والشَّعر مثل الذّهـب مـا ينتهـي طـوره.. ولا ذعذع الريـح دهـن العـود نفحتهـا
قـاع ٍ تمـرّه عقـب الإمحـال مزهـوره .. وارض ٍ تمشّـى بهـا بتْـزيـن نبتتـهـا
ترفـه تغنـوج دلـع والوصـف امـوره .. حتّى القمـر يخجـل اليـا شـاف طلتهـا
فـي مشيهـا بختـره حلـوه ومغـروره .. مـا تلتفـت للبشـر تبـخـل بنظرتـهـا
واشلـون لا ردّدت غنـوة ابـو نــوره .. ابعاد يـا اهـل الهـوى واتهـز هامتهـا
اجمـل بنـات البشـر اتصيـر مبهـوره .. لا صادفت في المكان اظـلال صورتهـا
من زينها يطلـع الرجّـال مـن طـوره .. عمهوجة ٍ لا ضحكت تسحـرك ضحكتهـا
وفي خطـف الانظـار استـاذه ودكتـوره.. ولها امتيـاز الشـرف فـي كـل حالتهـا
احروف اسمها بوسـط القلـب محفـوره.. خمسـة حــروف ٍ تبيّنـهـا معزتـهـا
لا غابت ايـام قلبـي صـار بـه ثـوره.. ويرتاح قلبـي ليا مـن شـاف غرّتهـا
يالله عساهـا بدنيـا الـحـب مـسـروره.. ويالله عسـى مـا تفارقـهـا سعادتـهـا
هذي قوافي حسن مـن صـادق شعـوره.. في وصف تاج الحسـن يبـدع قصيدتهـا
وتعجز حروف الشعر لو غصت في بحوره .. مزيونـة ٍ مـن قدمهـا لحـد هامتـهـا
:::::::::: :22ar: ~*¤ô§ô¤*~*¤ô§ô¤*~ سكوووووووب~*¤ô§ô¤*~*¤ô§ô¤*~ :22ar:
تجاوز
مواقع النشر (المفضلة)