>الشاعر // حضاض الحربي..و ( صرخة قهر )<
السلام عليكم ورحمة الله وبركاته
اخواني واخواتي
أب زوج ابنته على شايب عمره 83 عام كبر جده
من اجل الماده واغواه الطمع باع بنته بمبلغ ربع مليون
زوجها وهي مكره لهذا الزواج
شاعرنا الرائع حضاض الحربي كتب هذه الجزله
معبرً عن شعور تلك الفتاة الضحيه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابوي انا ضاقت علي الوسيعه=ضاقت بي الدنيا ولاعاد بي حيل
أعيش ليلي في همومن شنيعه=وأجاذب الونات مع نجمة سهيل
يابوي حملي ماقدرت استطيعه=وأمسيت أعاني لوعة الحظ والشيل
مع شايبن عكرعلى الطبيعه=عكر مزاجي بالشقأ والغرابيل
شبابي اللي في بداية ربيعه=خلاه هالشايب عديم المحاصيل
مالي أمل في هالدروب اللكيعه=ضاع الامل يابوي في كل حلحيل
وأنت السبب بافكارك اللي رجيعه=خليتني يابوي في منقع السيل
يابوي بنتك عقب ماهي رفيعه =اليوم طاحت غصب في كفة الميل
خليتني يابوي كني دنيعه=ماكن ليه في حياتي رياجيل
مع شايبن يجهل اصول الشريعه =مايعرف ألا هرجة القال والقيل
ماظنتي بصير حرمه مطيعه=ألا اني اكذب واخذ العلم تمثيل
لكن طبعي له حصونن منيعه=ويصعب علي أجيد بعض التماثيل
يابوي هذا العلم وانته شفيعه=ابيك تنقذني من الغبن والويل
أبيك تنقذني بفكره سنيعه =والوضع واضح مايبي اي تحليل
أنا أدري أنك لك مواقف شجيعه=اليا نويت الكيل ماتنقص الكيل [/poem]
صح لسان الشاعر // حضاض الحربي
على هذه الجزلـه الرائعه
تقبلوا تحياتي محبتكم ....
" مـــــلاكـ بنت خـــالـــد "
مواقع النشر (المفضلة)