حوريه ماهي مثل باقي الناس.......لو وقفت قدام ابوهاا حسدهاا
أودع الهوجاس وأدخـل بهوجـاس
تضيق نفسي كل مـا احـد نشدهـا
نعم أبيها هـي حياتـي والانفـاس
مفتون أنـا فيهـا وقلبـي وردهـا
تفتن بعيونها جامعه سحر ونعـاس
وعطر تعطر يوم لامـس جسدهـا
ذي جنسها يفرق عن كل الاجنـاس
الله عطاهـا ليـن صـارت وحدهـا
حوريه ماهي مثـل باقـي النـاس
لو وقفـت قـدام أبوهـا حسدهـا
يحبهـا قلبـي بـلا حـد وقيـاس
لو كان والله ما وفت فـي وعدهـا
حبي لها شوق ومعاناة واحسـاس
معذور لو عفـت العـذارى بعدهـا
بين الرجا بيـن التفاكيـر واليـاس
تضمهـا عينـي وقلبـي فقـدهـا
لو اٍنها حست بمـا صـار لا بـاس
ترقـد وجفنـي ليلتـه مـا رقدهـا
واجهتها مره من الـراس للـراس
وقعدت أذكرهـا بماضـي عهدهـا
قلت انصفيني قالت الوضع حسـاس
قلـت أسمعينـي أِشرتلـي بيدهـا
وراحت وأنا عروقي من الوجد يباس
تمشي بخطـوات تحسـب عددهـا
يضمها شعر لعـب فيـه نسنـاس
يضوي كما يضوي نار تلهب وقدها
هي أغلا مافي الكون هي عقد الماس
هي دانه في البحر وكلـن شهدهـا
لا شافها سكران يسكر بدون الكاس
جمالها أيه والاخلاق ميـزة هدفهـا
من عقبها عقلي غدا فيه وسـواس
هذا قـدر نفسـي وهـذا جهدهـا
صبرت لكن ليت صبري على سـاس
يقوله اللـي حاجتـه مـا وجدهـا
منقـووول
رد مع اقتباس
مواقع النشر (المفضلة)