قصيدة خربت ديوان
[frame="4 80"]قصيدة خربت ديوان
غريبه كيف نتعانق كذا وبدون أي إحساس
خشب قطعة خشب قلبي وقلبك من حجر صوان
تحملنا على العاتق جميع اللي تقول الناس
وصرنا اثنيننا قصه خلت منها جميع ألوان
جرحتيني على خد(ن) سبق من شفتك وانباس
الين أصبحت وجروحي تفاخر كأننا أخوان
خطأ تعطي أمل كاذب وحرام إن الأمل ينداس
حرام إنك تخليني معك ضائع بلى عنوان
محال إن الهوى يرجع ونتبادل سوى الأنفاس
أحاول أسمع إحساسي وعسى لإحساسي السلوان
قويه كلمتك خاين عطت معنى الألم مقياس
أخونك كيف أبا أخونك وأنا ما كنت أبد خوان
تحلى بالغدر كيفك عسى اللي يمنعك يحتاس
من أنتي في الأصل إلا قصيده خربت ديوان
شريتك في زمن قاسي شريتك مشترى الألماس
خدعني منظر الطيبة واثاري طيبتك عدوان
أنام أمن الحزن وأصحى وباقي في العيون نعاس
من اللي يرد لي نومي وله من خافقي حلوان
عـ اااالروح ـديل
13/4/1427هـ[/frame]
رد مع اقتباس
المشاركة الأصلية كتبت بواسطة عـ اااالروح ـديل
مواقع النشر (المفضلة)