السلااااااااااااام عليكم
مساكم الله وصباحكم بكل خير :22ar:
قبل ابدا بذكركم بشئ هو انه محدثكم هو ( ابو سعيداء) :1ar: واخونا عيــــونـــي حـــزينـــه هو ( ابومزينه) :1ar:
مرتن من المرارير انا وابو مزينه متبطحين على رصيفنا المعهود
وراحت بنا السوالف وجت على سوالف الغزل والحب والبنات
وقعدت اتشكى انا لاخي وصديقي وحنفية اسراري ابو مزينه
حالتنا وان كل لقى له بنت وكلن مستانس الا انا واياه قاعدين نحك روسنا
وفاجأني ابومزبنه وقال: رجااااااءً كلن يتكلم عن نفسه
انا تهولت وش بلاوه انخبل هو
انا طول عمري اعرفه ما بحياته احد عطاه وجه
المهم قلت له: ليش وش قصدك؟؟ ..........انت على بالك تشبك بنات؟؟
ابومزينه: انا ما اتكلم .....ورني بنت انا اخليها هي ترقمني !!
انا: اخس .. اخس والله مانت بسيط........... المشكله لو ماني كل يوم مقابل خشتك وعارفك زين
ابو مزينه: والله مشكله اللي يتطفلون على الناس........ ياخوي انقلع عني ترا لي 7 سنين متحملك...اقلب وجهك
انا زعلت وقمت وخليت كل المكان له
وجلست على الرصيف المقابل ارثي حالي لحالي
وحنا على وضعنا كذا الا فية شغاله ماشيه قدامنا راجعه من البقاله معها اغراض بكيس
انا قبل اتكلم راعيت لبومزينه وإلا هو يراعي لي يتبسم
قمت له وقلت وانا اتبسم: وش رايك به؟؟
ابومزينه: ههههههه لعبتي شف شلون اشبكه !!
المهم قربنا له وقال الزير ابومزينه : احم احم ... كيف هالوو انتا؟
اعطته اشكل وراحت تكمل طريقها
هو التفت لي منحرج وقال: هذي تبي اسلوب ثاني !!
راح ووقف قدامها وقال بصوت عالي : ليش ما في كلام؟؟
قالت: روووه ........ انا في كلام ماما !!
قال: هههه كلام ماما ههههههههههه خوفتيني.. اقول وش اسمك؟؟
طنشته وسكتت
قام و مد لها 20 ريال وقال: انت هوووبي انا.. وش اسمك؟؟<< يحسب اذا عرف اسمها حبته
انا معجبني الموقف ومتحمس اتعلم الاساليب الفرعونيه منه
قمت وادليت له برايي قلت: لااااااا.. قل لها أي لاف يو
قال : ايه صح..... أي لاف يو
هي ما قدرت تقاوم الضحكه ....وقعدت تضحك
حنا طرنا من الفرحه نحسبنا شبكناها
قام الاخ الكريم وحط يده فوق كتوفها وقال بابتسامه: وش اسمك هبيبتي؟؟
هي قعدت تصارخ وتولول<<<<<<< حتى الشغاله بها منه
ورفعت يده من عليها وراحت تمشي بسرعه لجهة الحاره
ابومزينه مسكت معه عناد
راح وراها واخذ الكيس منها ووقف بمكانه
الشغاله رجعت ترجاه وتحاول انه يرجع لها الكيس
قال ابومزينه:اذا تبغين الكيس قولي وش اسمك؟؟
قالت: اسمو انا سوميرا
ابومزينه: عاشت الاسامي.......لكن ما بعطيك الكيس الا لما تعطيني بوسه !!
والاخ ضمن البوسه وحط خشته قدامها
الشغاله نفد صبرها وصكته كف يحبه قلبك
وثار خبلنا واعطاها ذاك البوقس اللي فرقع لها سنونها
قعدت تصارخ وتولول باعلى صوتها
وحنا بهالموقف
طلعت راعيتها من الحاره....... إلا وهي ألعن عجوز بالحاره ( ام سميحان)
هذي ام سميحان تحب الشر والمهاوش
وتدخل باللي مالها خص فيه.... شلون عاد واحد تعرض لشغالتها
جتنا العجور تبسم من الفرحه ان فيه مشكله
انا وعيوني رجعنا لايام الطفوله
كل واحد عض ثوبه وانطلق للبيت : يمااااااااااااااااااه
دخلت البيت ورحت قفلت على نفسي بالغرفه
شوي الا هذي ام سميحان تصارخ عندنا بالبيت
وانا اتسمع لييين هدا الصوت وكل شئ صار تمام
وانا اتسلل من الغرفه لين طلعت من الحوش وعضيت ثوبي وهجيييت
ما ادري وين اروح ......قعدت اتسكع بالشوارع شوي ورجعت لرصيفنا المعهود
المهم وانا راجع للرصيف الا هذا ابو مزينه منبلط هناك كانه يتحراني
انا : هلا ابوم مزينه وش صار عليك؟؟
ابومزينه: ولا شئ.... بس طرد من البيت
انا: الحمد لله جت سليمه..... الحال من بعضه يابومزينه
بعد جلسه ندب لحضنا المزفت مو بس مع البنات .. مع كل شئ بحياتنا
قلت: ابومزينه. يلااا خلينا ننسى.. .... يلاااا مشينا
المهم رحنا نسعى في لارض فساداً نوذي هذا ونضحك على هذا ونلعب على هالبزر وناخذ فلوسه
وناخذ سياكل الهنود........... وهلماا جره
المهم يوم ملينا وطفشنا قلت: ابومزينه
ابومزينه: نعم
انا: وين ننام الليله؟؟
ابومزينه: مادري والله......ما تعرف احد نروح له ؟
انا: لا والله
وبعد جلسة تفكير وتخطيط من العبقري ابو مزينه قال:
انا اعرف هندي يجي لهندي مزرعتنا وامون عليه
انا: وخير يا طير....... وش دخله بسالفتنا
ابومزينه: ننام عنده الليله
انا:والله فكره !!
ابومزينه: بالمواقف هذي التواضع حلو
انا: ايه لازم نعطيهم دافع معنوي وننام عندهم نحسسهم انهم بشر <<<< روح يالانسانيه
ابومزينه: والله مانت بسيط ههه ههه ههه
وتماسكنا الايدي وانطلقنا إلى عزبه الهنود :5ar:
.................................................. .....................................
ترقبوا/ انا وعيوني حـــزينـــه.......وعزبه الهنود :redface:
تحياتي
مراسل التماسيح الســـري
مواقع النشر (المفضلة)