قصيده للشاعر موسم القثامى من اختياري
تقول شعرك كلاسيكـي وتقليـدي=
كله على نهـج لعبونـي وهزانـي
ما قط قريت لك تفعيلـه وتجديـدي=
ولا تطور الشعر مثل فلان وفلانـي
بعصر الزناتي تذكرني وأبو زيـدي=
وعصر البداوة وجدانـك وجدانـي
هو صدق حبه تعدا الحد ويزيـدي=
متمكنٍ في فؤادك مـا معـه ثانـي
قلت أيه أحبه مثل محبـة الزيـدي=
لقاته ليا صار ضرمانٍ وعمسانـي
حبه تمكن بنـا ياشيخـة الغيـدي=
من صغر سني ملازمني إلى الآنـي
أي والله هوايتي ياتلعـة الجيـدي=
شعراً يجي واضحٍ والبيت مليانـي
افخر بشعرٍ مضا من دون تحديـدي=
في نهج هاك السلف راضي وقنعاني
أعجبك والا مع اوساع الجراهيـدي=
محدٍ بجابـرك بأسلوبـي وقيفانـي
حلفت عن نهج هاك القوم ما حيدي=
شعر الاصاله مثل دمـي بشريانـي
شعر الجزالة مثل ضرب البواريدي=
له عدة قرون راسخ وسط الاذهاني
مالي ومال الحداثـة والتراجيـدي=
وشعرٍ يجي سامجٍ ماله ولا اوزاني
على جماهير كوره تعكس السيـدي=
مانيب يا خدرة الأعيـان شفقانـي
القاء حشيمٍ حكيم بشعري يشيـدي=
وليا حفظ منه بيت أصير كسبانـي
مانيب ملـزوم بعلـوم الهرابيـدي=
أنا على لان وأجيالك علـى لآنـي
قلته على شطر بيت الشاعر عبيدي=
الضيغمي ناطح البيـرق كحيلانـي
مواقع النشر (المفضلة)