هذي قصيدة حبيت تكون اول مشاركة لي ....
ان شاء الله تعجبكم....
جـده شـوارع حيـّكم شـبـاك بـيـتـك يـا منـال
مابين حين وحين أجي لاجيت مكة يمها
كني بوسط القصيــم تصيــح لي جده تعـال
لكن عزاي بصورة لا ضقت رحت أضمها
الله يذكــر حبــنـا بالـخيــر يا بنـت الحـلال
ومال الدموع إن حدرت يا كود منفىكمها
مسكيــن يا قلب بنى حلمه على سفح الخيــال
ومسكينة يا من بعد قد كنت أن أكبر همها
من عقب ما شاب الوله وازداد حوليهاالجدال
قلت الجفا حلّ الوله؟قالت أبوها وسمها
قلت الوداعة واذكري حبي ولو شح الوصال
كنت اتكلم واشهقت والدمع غازل ضمها
حاولت أحدر دمعتي لين أستحى وجه الشمال
وزمجر جنوب المملكه والأرض فوّر دمها
ما كنت أحدر دمعتي من قــبل لا أرز العـقـال
من يوم ما كنت انثر ألعابي وأعود المها
صديت أنا عنها جنوب وهي بعد صدت شمال
وأنا مابين ما اضمها واضمها..أضمها
من يوم أنا طفل صغير احبها حب الرجال
واذكر إلا منها زعلت راحت تشكي لأمها
واذكـر ملامـح غيّـها واذكـر تبـسّام الـدلال
حتى هديتها بعد لا ضقت رحت أشمها
كانت تجي مثل الصباح اللي لثم روس الجبال
واجي أنا ميّت ظمى وارشف بيالة سمها
كنت أتعطــر حكيها والـبس ملامـحها هبال
وتشكي عليّ من الوله واشكي عليها غمها
كـم حـذرتـها أمـها لا تـلـعبـي بـيـن الـعـيـال
لكـن تـجي تـلـعب مـعي ماهمـها..ماهمها
وكم قالت إن أختي تقول انك تعيشين بخيال
ولـو كـان هـذا هـمهـا مـا وردتنـي جـمها
وكانت تقول أن الغرور أكبر عدوين الجمال
وكـانت رقـيـقه راقيـه كـل الـجـمال يعـمـها
ما كنت ابدلها وهي ماكان تـرضى بي بـدال
ومـاهـمـني مـن ذمـني يا صاحبي من ذمـها
كانت تقول إليا صفت يا سيـدي سـود الليالي
بـنتـمـها ها لـسالـفـه هـذي يـمــيـن انـتـمها
وكانت تسولف لي بقهر قصة صديقتها دلال
تقول فرق بينها وبين الحبيب عمها
يقول ماياخــذ دلال إلا ولـدي يقــصد طـلال
وباسم التقاليد الغبية ها لزواجه تمها
وكانت بعد دايم بعد كـانت تـكـرر ها لسؤال
تقول يااخي هالليلي ليه ما أحنا نهمها
وفعـلآ تـفرقنا بـعد ما زاد حـوليها الجـدال
من يوم ما قلت الجفا؟وقالت أبوها وسمها
علمي بها يوم إني أظـفر كـل يـوم بالزلال
يـوم انـها تـهتـمـنـي يا صـاحبي واهتـمها
واليوم أنا باسم الوله وباسم الوفا باسم الهبال
أنـزف على تـرس الشقى باسباب لعنت عمها
همي شـوارع غـربتي شباك حلمـي يـا منـال
مابين حين وحين أجي لا ضاق صدري يمها
أتمنى تعجبكم اعطوني رايكم
أستنى الردوووووووووود
*عاشقة الرند*
مواقع النشر (المفضلة)