كنت أفكر وش اقول وقلت انا لـوشفتك
ويوم شفتك وقفت حروفي على وش جابـك؟
وانا ناقص في حضورك ماكفاني غبتك
لـيــه توسيــع الطعون لواحـدٍ مــا صابـك
قبل تتكلم ترى مـا صابنــي.. برقبتـك
يوم انا صرت السهر والنوم ضـيـف اهدابــك
في غيابـك لــو لقلبــي قلـب رحـت وعفتك
مير قلبـي يا حبيبـي حب حتى غيابـك
احتملـت أمشي لبعدك من غلاك وجبتك
وانـت هٌمـك بالمحبـه مـا تعـدى بابــك
قمـت تحكـي لي ظروفـك ياكـثر قاهرتك
وانـا داري يامعانـد ماحصـل باسبابـك
من قسـاك الليـن يالمرهف نسـى عاطفتك
حتـى مات الـورد بيدينك.. وهـو يحيابـك
لا تفكــرني نسيتـك لـو بغيتـك طلتـك
جـرب احساس الحنـين عـن الغيـاب أولى بك
كان ودٌك ترجــع.. إرجـع إرجـع لــ ذاكرتـك
يومـك تخفـي شعـورك وابتديـت اعتابـك
يـا انـت متناقـض ولا ادرٌي كيف هـي سالفتك
لــو تناديني وجيتـك قلـت لي وش جابــك؟
&&&&
ان شاالله تعجبكم القصيده
للشاعر فيصل بن خالد بن سلطان
مع تمنياتي لكم بتوفيق
مع تحيات
$هلاليه قم دق تحيه$
مواقع النشر (المفضلة)