أنـــا ورمـــآد إنســــــــــآن (مغزلجيــه)
الله مير انه يحيي (هـالخشش) الحلوة كلها .. يسعد لي صباح ومساء (هالكشرات) كلبوها :5ar:
ولو إني داري انكم مادخلتوا الموضوع لعيوني..لكن كله على شان طاري الغزل..بس مومهم :22ar:
شباب بنات .. هذي القصه تجدونها على ثلاث أجزاء .. يعني اللي يتعب من القراية يعرف وين وقف :1ar:
بأرسلها على ثلاث دفعات لأنها طويلة وعلى شكل مجلد :5ar:
_____________________
<< مدخل حصري لأحساس خالد..
قالوا تحبه ؟! قلت: بالحيل بالحيل * قالوا توده؟! قلت: ما اود غيره ..
قالوا تريده ؟! قلت: بالحيل بالحيل.. قالوا تعزه: قلت آه بالحيل بالحيل ..
قالوا تتمناه؟! قلت: يلعن جدفكم لكم ساعة طايحين فيني أسئلة!! توكلوا على الله عشان أبدأ القصة..
_____________________________
( الفصل الأول )
- لحظات ماقبل ماقبل الحسم..
كان ياماكان .. ذات مساء عاصمي جميل .. وكنت في طريقي متجهاً الى وسط الرياض ..
بالتحديد ( سوق عتيقه ) حق الخضار والفواكه .. <--< قال عتيقه قال :5ar:
وكان معي صديقي رمـآدانسـان _اللي أكيد عرفتوه عقب فزعته لي يوم أواجه الكلب المسعور images8
والعلاقة بيني وبين هذا الصديق تمتد لبطون التاريخ .. وذلك قبل 24 سنه أول ما انولدنا في اسبوع واحد .. im0
وكان يسولف لي عن مغامراته في سوق ( الغزل ) ومواعيده الغراميه مع ( بنات الهوى ) ..
وانا ( فاغرُُِِ ُ فاي ) ورايح وطي ورايح كشنه بالكشري مع سواليفه images8
-- تصدق يا إحسـاس، أمس "دلول" أهدتني دب مكتوب عليه أحبك يا عذابي !!
-- تصدق يا إحسـاس ، هذا البوك اللي في يدي .. مهديته لي تغريد الربوع اللي طاف !! يانصبه
-- تصدق بالله يا إحسـاس .. "هدى" سددت فاتورتي حقت الشهرين اللي راحوا وفيها ألفين ريال !! حلووووو
وانا قاعد أستمع له و ( مبلم ) لدرجة اني قطعت اشارتين حمراوتين بس الله سلم !
0 0 0 0
ترن .. ترن .. دق جوال رمـآدوه .. ناظره وقال: يلعن أبو اللزقات ياهووووه ..
شف يا إحسـاس !! طالعت شاشة الجوال ومكتوب فيها: النشبه يتصل بك !!
قلت من هالنشبه ؟! قال: هذي ابتسام الله ياشيخ ياخذها .. أنواع الازعاج كل يوم عشرين مسج
وستطعش ستين اتصال .. سميتها نشبه ولا قمت أرد عليها .!!
قلت في نفسي : إيه بلا والله من العز اللي انت فيه .. يحق لك تطنش !! مو زيي منقطع
المهم رمــآدوه رايح بقاله قال وقف وقف .. وش أجيب لك معي؟ قلت : أي شيء ..
نزل رمـآدوه البقالة وجواله عندي بالسيارة .. كذا تمااام im0
قعدت أهوجس.. الحين أنا أزين من رمــآدوه بألف مرة .. وشعري أنعم منه وأرتب ..
وسيارتي أحلى من سيارته .. ومع هذا البنات عنده وانا ( متلحط ) بس بربع الاستراحه التماسيح!!
إيييييييييه الله يا أم كلثوم صدقتي يوم غنيتي من ألحان السنباطي وقلتي: الحظ لا منه استقعد.. وش يفكك منه ياوليدي
ورجاءاً لا أحد يسألني عن هالأغنيه لاني سألت السنباطي نفسه عنها ولا عرفها
ترن .. ترن .. قطع هواجيسي اتصال جوال رمـآدوه ناظرت الجوال وأثر النشبه يتصل بك!!
إنبرش علي ابليس انبراش مايسويه المنتشري وقال
رد .. رد واسمع الصوت العسل .. انت في حياتك ماسمعت الا صوت حرمتين
أمك لا قامت تدعي عليك.. وشغالتكم لا قالت: جيب شماغ انته .. انا فيه يكوي ..
شلت الجوال..ظغطت على السماعه الخضراء وقلت بصوت رومانسي حنوووون عاطفي حااد:
ألوووووووووووووه .. واحتريت الرد العسل والصوت الدافيء واذا بصوت أجش مكر مفر مقبل مدبر معا .. يخترق طبلتي:
-- وينك فيه يابن الحرام تاركني بالمستشفى ساعتين وتدوج في هالشوارع !!
من الروعه سكرت السماعه وذبيت الجوال وقلت الله ياخذك يالفقاش يا رمــآدوه..أجل أبوك خليته ابتسام :5ar:
ركب رمــآدوه ومعه بيبسي يشربه وعطاني براية خضراء !! قلت: خير ان شالله ؟
قال انت مو تقول جب لي أي شيء ..
قلت أقول ترى ابتسام تحتريك بالمستشفى يالنصاب !! ( ناظرني ) بنظره حاقده وخذ جواله
وجلس ساكت وهو عيونه حمراء وبحر أمواج خدوده قاعده تتلاطم من قوة التهزيئه
وفجأة إذا بنا على أعتاب السوق الجميل سوق عتيقة المركزي..
دخلنا سوق عتيقه .. شريت كم حزمة خس على جرجير مع كراث وبطاطس على كوسه ..
وطماط وكرتون بردقان مصري وتفاح أحمر وعنب احمر عشان احس اني مودرن وولد نعمه
وطبعاً مانسيت الخيار لأني من النوع اللي يحب المكرووونه موت .. ولا تسألوني وش دخل المكرونه بالخيار لأني باختصار: أكره الحمبص :1ar:
وهنا اشتدت وتيرة الاحداث ..
قاعد أحاسب راعي البسطه ..فـ مر من جنبي شبح !! هالشبح ياجماعة الخير ( لحس ) مخي!
خلاني بدون شعور أطلق تصفيره من شفايفي واقول: أويل حالي ويلاه .. يووووووه !!
دققت النظر .. وأثاريها بنت .. عليها عباية كتف مخصرة .. ياشيخ ألعن من خصر حرمة بابآي
والطرحه يلعب بها الهواء .. والنقاب ياقلبي على النقاب .. يذبحك ذبح الشاة بدون سكين ...
والعيون كل الكحل اللي بمحلات أبوريالين مكبوب فيها..والجوال (معلق) بالصدر بحركة سرياليه ..
هذا غير الزخارف اللي باالأكمام والدناديش اللي في جوانب العباة !!
طبعاً خلاف العطر اللي ريحته (شقت) خشمي وطلعت من بؤبؤي
أخوكم في الله ( بلم وفيوزاته ضربت ) وصرت زي ماقال الشاعر في كتاب النصوص :
مرحوم يا ضبٍ على الخط مدعوس ** له سبعة أيامٍ ومحدن درى به
قعدت أتمقل فيها .. أبحلق. أناظر.. متعجب!! وفجأة ..سددت لي نظره !!
و طاحت عينها بعيني.. ومن لهفة الموقف طاح أخوكم على بسطة الخضار حقت البياع ..
حسيت أثناء سقوطي بضحكة بانت في عيونها العذاب ..
شالني رمــآدوه والبياع وهم (يسموون)علي .... وقال لي رمـآدوه بخبث ابليسي ماكر:
قال رمــآدوه.. الغزال يلزمك أو تتركه لحبيبك لي ؟
نقزت وقلت : رمــآدوه بلاش تكفى حكي أهل العصابات ترى تخوفني.. وش تقصد ؟
قال لا تستهبل معي.. البنت عينها عليك من يوم دخلت السوق..يعني ياتروح تظبط أمورك معها..
أو اتركها للي يفهمون هالشغلات .. وطق على صدره !!
نقزت ببراءة تثير الشفقة وقلت: لا لأ في ذمتك وفي صلاة امك وابوك .. الله يفضخ عيونك ان ناظرتها. . أنت عندك تغريد وهدى وغيرهم..
خل هذي لي أنا ( حالها ) قبلك .. ضحك وقال بمكر قروي!! : يهنيك فيها ياشيخ..لعيونك تركناها..
بيني وبينكم ترددت . لأني ماعمري عشت كذا موقف ,,. قعد يوسوس لي بليس عن يميني ورمـآدوه عن يساري وهو يقول:
الحين تواجه كلب مسعور .. وتعجز تروض مهرة جت تتحرش فيك ..
حسيت انه استفزني بيني وبينكم والكلام للجميع .. رحت طاق صدري وقلت:
أنا ولد ابوي !! إرس ياترس واعتدل ياملف .. اليوم يومي وانا اخو شقحاء
طلعت قرطاسة علك ابونعناع غندور وكتبت الرقم وتحته اسم: لؤي
ولأول مرة في حياتي العمليه..قربت من البنت ورميت الرقم.. وجيتك أركض للسيارة ورمـآدوه وراي ولا تسألوني عن الجرجير وكرتون البطاطس لأني نسيت اسمي وقتها
........................
مر يومين على القصه هذي .. ويأست من اتصال ( الغزال ) اللي ماطلع من بالي أبد ..
أيقنت أن البنت تركت الرقم بالأرض وطنشت ..
وفي تمام الثالثة فجراً .. ترن .. ترن .. (طبعاً نغمة موسيقيه بس مقدر أكتبها قلت : ترن ترن وافهموا )
رقم غريب كان واضح أنه رقم ( سوا ) .. قلت: ألو؟ جاني صوت حنون حنون خلى جوالي (يموع) في يدي ..
ألووووووه ... هاااااي .. الأخ لؤي ؟ ؟ قلت: لا .. إلا صح أنا لؤي نعم ؟
قالت: وش هالحركات ؟ قلت : أي حركات مافهمت ؟ ---> عمري يالبريء
قالت: الترقيم اللي بالسوق أو تسوي ناسي ؟ قلت : آها ذكرت بس والله آسف ..
قالت:وين اصرف آسف هذي فيه !! قلت بحنية مستفيدها من رمـآدوه الداشر:
والله آسف..ليت تعذريني..اختي عيونك وفتنتها الله يعلم خلتني أسوي شيء أول مرة اسويه بحياتي..
(( بيني وبينكم حسيت أن البنت تسلكت واستانست بالمدحه..رحت مزود العيار )) قلت :
حشا مو عيون هذيك.. هذيك أسلحة دمار شامل راح بوش يدورهم عند صدام وهم بعيونك !!
صدقيني أول ماشفتك قلت مستحيل تكون هذي انسانه مثلنا ..
هذي أكيد لوحة من لوحات بيكاسو طاحت منه وهو يتمشى في عتيقة !!
(( البنت داخت .. وبديت أحس ان صوتها قام يرعد .. واخوكم في فن التسليك استاد ))
قامت تضحك بدلع وقالت : الله اسلوبك حيل..حييل.. حيييل يجنن !! دمك بالمرة خفيف ..
رحت مزود العيار مرة وحده وقلت:وجهك كنه علامة قف امامك حفريات..
ضحكت بصوت عالي:ههههههههههههااي الله يرجك يا لؤي ..
قلت: هاااه !! من لؤي ؟ قالت: ههههههههههههاا ههههه هذي بعد مرة حلوة..
من غيرك قاعدة أكلم .. الله يرجك لؤي!!
رحت مصرفها قلت : ايه استهبل معك (( بغيت اجيب العيد لأني أول مرة اسمع بلؤي ))
قلت: بليز .. ينسواغ؟.؟ وش اسمك؟ ماتشرفت فيه ؟ ---> مسوي مثقف وهو أدلخ فرنسي
جاوبتني بدلع تبطي حليمة بولند تجي ربعه : إممممممم ماراح أقولك.. بس أول حرف (نوون ) ؟
قلت بدلاخه متأثرة بموسم التمور : نوون .. نووون .. نبوت سيف ؟!
قامت تضحك بقوة وتقول الله حسيبك يالؤي ماقد ضحكت هالضحك قبل اليوم وااااو وناسه انت ..
اوكي را ح اقولك .. معك ((نسمة هوى)) يا لؤي .. اسمي ((نسمه)) ..
المهم راحت ساعه وربع غزل ودلع وتنكيت..قمنا نسولف سواليف لين أقام الفجر !! قالت وهي مستعجله:
لؤي عن اذنك الوالد قام يصلي واخاف يشوفني أكلم.. بعدين أحاكيك أوكي؟ باي حياتي !!
طــوط طــوط ..
يالربع هي قالت حياتي ولا ماقالت .. أخوكم في الله ( غاص ) في مرقده ..ثم قام..ثم انسدح..
خذت الجوال..دقيت على رمـآدوه سألته: الواحد لا كلم بنت..وحس برعشة ووده يحضن دولابه .. وش اسم هالحاله ؟
قال بخبث ومسوي فاهم: ههههههه.. ههههههه .. صرت زميل مهنة يا إحسـاس..والله وحبيت!!
قمت مبسوط وصاير مهلبية بالبشمل .. تركت رمآدوه على الخط ماقلت مع السلامه!!
رحت المراية.. (سرحت ) قذلتي اللي متطاق بسببها أنا وأبوي لي شهرين ..
قمت أبخبخ على روحي من كل عطر اشوفه قدامي..
حسيت نفسي انسان ثاني.. انسان غريب .. رومانسي .. صرت اسبح يومياً.. مو زي أول أسبح بس بالأعياد
المهم ..استمرت المكالمات بيني وبين نانسي.. تدق دقة وحده وتفصل ثم أرجع أكلمها ..
صح ان الفاتورة ( تمحطني ) بس كله لعيون الغلا يهون
صرت شخص ثاني..رومانسي عاطفي..صرت ما أتحمل اشوف الدجاجة تنذبح قدامي مع اني أول اذبح الخرفان بالعيد
اصحى من النوم أغني مع بشير : كتمت الحب وأثر الحب ماينفع له الكتمان
أمشي وأدندن مع وحيد الجزيره بن سعيد : ياناس حبيت واحد والمحبه صعيبه
في السيارة مع طلال دايركت : سيدي قوم ماخبرت اللي يحب يهتني بنووم سيدي قووم ..
ولا يهون سلامة وعيسى وعاصي الحلاني وأديموس .. وش دخل الأخير ما أدري
صرت من الناس اللي يؤمنون بالحب من أول آلو ..
صار رمـآدوه يحسدني وانا اللي كنت أحسده .. مسج يروح مسج يجي واستمرينا مده على هالحال
أنتظرو الجزء الثالث..هههههههههههههههههههه
سلامـ..
مواقع النشر (المفضلة)