00دامه رحل من رغبته خـــــــــله تفيده رغبتـــــه !!
¦×¦ .. دامه رحل من رغبته خلـّـه تفيده رغبته..!! ..¦×¦ :22ar:
\
/
\
/
وعقب ما مات حبك وش تجي له؟؟
جيتني عقب ما نشفت دمي..!
انتظرتك لين مات الموعد..
وطار الحمام
لين مت من السكوت..
وأنا محتاج الكلام
انتظرتك..لين غييني الظلام
وما تركت لقلبك..
إلا
بيت شعر
وموت..وصبر
وقهوة عتاب وملام
ما قد طلبتك بس أنا اليوم طلاااب
أبيك على كثر الرمل تكرهيني
لأني كرهتك صدق..ولانيب لعاب
صعبه على مثلي خيانة حنيني
ياما جرحتيني بلا أسباب
وقلتي إنساني..
وأنا أقول بــ تراب
بــ تراب أبيعك دام بعتي سنيني
خ ـلاص روحي لعنبو قلب ماتاب
روحي لهوى غيري..وغيرك يبيني
نزلت راسك يوم ما طالك انسان
واليوم أنا ما أطالبك تذكريني
مسموح لو رحتي مع فلان وفلان
ومسموح بوقي واجحدي وانكريني
لا إنتي البصر..ولانيب عميان
روحي..وغيرك صادق يشترريني
رجعت اش تبي يا سبة الآهـ وطعوني
خلاص انتهينا كل خل نكر خله
هذاك أول اسهرلك وتبكي لك عيوني
هذاك أول أعطيك العمر لو تبيه كله
ماللرجا في بعض الأحوال..قيمه
وماللعمى صبح ولو بات سهران
لو للزمن عن نية الغدر شيمه
ما فرق أحباب ولا أبعد أوطان
رمزت حروف حرماني..على صدر الألم..(ليتك)
تحس بلوعة المجروح يوم إنك تجاهلته
كتبت أخر قصيدة حب
بحر خدااع سميتك..
وأنا العطشان وأغراني سراب لاح ما طلته
أنا رضيت الجرح..خيره وشره
بعض الجروح بهالزمن..(ترفع الراس)
مات حبك والبقيه في حياتك
في حنايا خافقي لاقى مصيرهـ
خذ مع الجثمان باقي ذكرياتك
تجربة حبي معك كانت مريرهـ
لاتعاتبني..دخليك
أنتهى وقت العتاب
مادام ما للحب قيمه..
وشله نعيد ونزيد؟؟!
ودامك للخطايا..مشرع عشرين باب
العتب ما أظن يقدم.. لا ولا حتى يفيد
صحيح إن الفراق أقسى..ولكن الوصال محال
وأنا صعب علي ارضي غرورك..وأضعف قبالك
وشلون أحب الناس دامك من الناس؟؟
ودامي كرهت الناس..وشلون بـ أغليك؟
مثلك بشر..لي قلب..لي عقل..واحساس
كل الثلاثه.. للاسف ما رضوا فيك
يا لوعة الحرمان..يا قمة الياس
وش لون تبغى فاقد الشي يعطيك؟
خلي جـمالك ينفعك والتغليه
روحي ورا اللي قالك..ياحلاتك
الله يرحم حبنا اللي قتلتيه
جفت دموعي والبقيه في حياتك
إنتي بديتي الحب وإنتي نـهيتيه
اقري عليه الفاتحه في صلاتك
سوي اللي براسك ولا تذكر اسباب
لاصرت بايعني..توكل على الله
مابيني وبينك مشاريه وعتاب
شف دربك اللي جيت منه تدله
ما يجتمع بالحب صادق وكذاب
رزقي على الله وإنت رزقك على الله
من قال إني ميت عليك؟
أصلا أنا ماعاد أبيك
تبغاني خاتم باصبعك
يا شيخ ذا بدري عليك
لا تخلط أوراق الهوى
كلن ترى له مستوى
وكانك على غيري قدرت
أصابعك ماهي سوا
أدري إن فراقك موت
بس عندي الموت أهون
إن كان قلبك يا حبيبي نساني
إنت الذي تخسر ولانيب خسران
أنا اتبدل بك من الناس ثاني
ولا إنت ما تلقى بدالي كحيلان
أمس عشتقك فرح واليوم بنساك هم
في جفاف الصحاري من يذوق السراب
أرجوك يكفي لا تزيد المواجع
يكفيك من يمه يكذب حنينك
من حب ثاني..ثالث ورابع
لا يمكن أصبح لعبةٍ في يدينك
إن حكينا ندمنا..وإن سكتنا قهر
بين قلب عطيب وبين راسٍ عنيد
لو تفيد المدامع كان أسيل نهر
مير كثر التوجع والحكي ما يفيد
صحيح إني من الفرقى حزين وخاطري مسكين
لكن عزتي تبقى هبوب الريح الطيب تدفعها
مصير المقفي بيلفي وترجع لي ولو بعدين..
في ذاك الوقت بأقول آسف ولو سالت مدامعها
ترى هذي عليك أبعد من أقصر الرماح لأقصى الصين
وترى ما تنحني هامه ولّي الكون رافعها
ويمين الله لو شفت الهوى ينداس بالرجلين
لأهد السكه اللي من ثمان سنين تابعها
اشكر جروحك كثر ماهي عميقه
اشكر ايامك كثر ماهي مآسي
إنتي قلب ما عرف للحب قيمه
إنتي قلب ما عرف للحب..قاسي
جيت عاشق لي كيان ولي طريقه
بس منهو يستحق صادق احساسي
وفري لغيري مشاعرك الرقيقه
يا بحر خان النواخذ والمراسي
أتسمع..كيف؟ وربي لو دقيقه
لا تكوني فاكره إني أواسي؟
نصيحه واحتفظ فيها قصر معك الزمن أو طال
أبي تحفظ كلامي زين وتحطه على بالك
إذا حبك هبال أطفال لك عندي هبال أطفال
ولا وأبشر بعد بهبال حب ماهو بهبالك
وإذا قصدكـ تهين اسمي عشان تشمت العذال
ترى لا أنت ولا غيرك ولا عشرهـ من أمثالك
لا تقول إن الليالي فرقتنا
لا تقول ظروفنا عيت علينا
الليالي يوم ودك جمعتنا
يوم ودك كل شي في يدينا
وبعدين أنا لا خسرته ما اخسر الجنه
واحد.. بداله يجي عشرين يا عمي
وفر كلامك وورني عرض الأكتاف
قلبي كره هرجك ولا هو بمجبور
لا تحسب إني من الهجر بأخاف
يا شيخ خذ حبك وقلبك ومشكور
سامحتك كثير..وإنت في كل مره تكرر خطاك
وانتظرتك تصدق بحبك وماشفت إلا الغدر
ياما طلبت وقلت روحي وردي
وياما معك بالصبر تحليت
وياما نصحتك وقلت للود بقي
خلي التغلي عنك ولا تغليت
ما ينفعك هالحين كثر التوقي
وما ينفعك قولة حسافه وياليت
مافي أمل..روحي بدالي تلقي
أنا مليت..مليت..مليت
يا جاهله باسلوب فن المحبين
حب الطهر يا بنت غالي مقامه
أصعب حديث يومك في لحظه تخونين
قلب عطاك العاطفه والشهامه
من زود ما إنتي في زمانك تعانين
طالت مع ليلة لقاك السلامه
ملزوم في ليل العنا أسهر العين
لا صار بيننا الحب..قل احترامه
تعال قل لي..وش جاك مني؟
تعال أنا وياك خل نتواجه
وإن ما تبدل فيك شكي وظني
ولا ترى ما عاد لي فيك حاجه
أنا بخير ياللي متصل تسأل شلوني
تشافيت وجروحي تشافت بفضل الله
شريتك وبعت الود وبك خابت ظنوني
هملتك مع أخر دمعةٍ ذاقت الذله
غشيم و أسلوبك قديم ولعبتك فيها غباار
لعبك على المكشوف ياشاطر وبان الكذب فيه
لكن على مين تغيشم ياولد حناا كبااااار
خلك على قدك وصدقني بتلقااا لك شبــــيه
أسمع كلامي واحفظه حطه بعين الاعتبااار
درب مشينا به ترى ماهو لزوم انك تجيـــه
وان ما أعجبك حكيي أبد دور على أقرب جدار
يمكن يوفي بالغرض..رايي وأظن أنه وجيه
ياقلب لاتحزن ترى غيره كثر نجم و رمال
دامه رحل من رغبته .. خلـّـه تفيده رغبته
لاصار خاين للعهد والحب بعيونه خيال
نار الفراق الحارقه.. ولا الخبيث وجنـّـته
دمتم بخير
سحــــــايب شــــــــــــووق
مواقع النشر (المفضلة)