مصلحات الشباب للبنات
مصطلحات الشباب... (للبنات)
هااااايوووووووووززز كيف الصباب والصبايا؟؟ عاملين ايه؟؟ <<<< عاملين صينيه بطاطس هع هع
اليوم "لطشت" لكم موضوع... انشالله يعجبكم وتستفيدو.....
المهم أنا شفت أكثر البنات لما يدخلون أي منتجى <<< مصري version... كثير ما يفهمو كلام لشبااب وهنا تقريبا تقدرو تقولو "قاموس"
يعني إذا ما فهمتو شي تعالو هنا
اولا كلمه زاحف:هي كلمه يقولها الشباب لبعض في صيغه المدح(يعني مهيب سبه)وهي تعني شخص لامبالي بخطوره المواقف وغالبا مايكون داج في المجتمع0
مهوي:وهي كلمه يستخدمها الشباب لوصف حاله شخص ليس بكامل وعيه وتكون رده فعله على بعض المواقف مضحكة بتيجه ذالك ولها كلمات مرادفه بنفس المعنا(منتهي-مفهي-مأجر العلوي-منسم)0
يتفلت: تطلق على الشخص الي يحاول اختلاق مشكله وذالك برفع الصوت
ومسوي ان اخوياه ماسكينه لايطق الرجال وهو محد ماسكه0
مهايطي: توطلق على الشخص الي يدعي في نفسه اشياء وليست فيه او يدعي انه سوى اشياء ماسواها بالعربي كذاب0
تلايط: كلمه يستخدمها الشباب لاسكات الشخص المهايطي وغيره ولها مفعول قوي ومجرب حيث انها ما انقالت لاحد وتكلم عقبها خخخخخخ0
مسطلحات تعبر عن السرعة
مجلعد: وصف لشخص مسرع في اي شيء سواء كان في سياره او على الاقدام او حتى في قراءه رساله او كتابه او كلام يعني تعبر عن السرعه بشكل عام0
مصفي الطبلون: اعتقد الكلمه مفسره نفسها ومع ذالك فهي تستخدم لحالات غير سرعه السياره بس تعبير مزاجي(يعني لو يستقعدون له الزكرت بيطلع غلط عليه)0
الرفرف يسابق الصدام:هذي تعبير شايب يوصف سياره مسرعه على الخط وزي ماتلاحظون قمه في الابداع هالوصف مع ملاحظه انه يمكن الشايب كان يمشي 80 والسياره الثانيه 100 وقال هالتعبير عاااااادي ولا يأنبه ضميره خخخخخخخخ0
مكيم: تعبير عن السرعه في عده حالات وهو مأخوذ من عداد السياره
(KM)لانه لو تلاحظون في العداد حرفين بالانقليزي
دز: وهي فعل امر بمعنا اسرع0
مسطلحات تعبر عن الخوف
قااامط: وهو المسطلح الاشهر في لغه الشباب ومعناها خايف جدا وسبب التسميه معروف على ما اعتقد0
منخرش: وهو يطلق على الشخص الي وصل حاله التوتر من شده الخوف وصارت افعاله غير مرتبه0
مزرقٌ: وهي تحول الشخص الي اللون الازرق من الخوف (طبعا مبالغه مافيه ادمي ازرق)0
مسطلحات تعبر عن الغضب
مقلوز : يعني شخص معصب ومصدرها الاصلي مجهول الهويه بس اغلب الظن انها تعني كلوز بالانقليزي يعني مغلق يعني قاطع الاتصال بالاخرين من الغضب0
مأتش: تعني الشخص الغاضب ايضاً بس الوصف ماخوذ من السياره حيث (H)اذا ارتفعت حرارتها الى الحد الاقصى تصل في عداد الحراره للحرف
مقفله معه: ويعني انه من الزعل يحس وكانها قفلت عليه الدنيا وتعسرت عليه الحلول بالعربي وخرو عنه لايحط الحره فيكم خخخخخخخخخ0
منكتم: وهي وصف للصمت ولكن تعني تحديدا الشخص الصامت من شده الغضب (الله يجيرنا )0
مسطلحات عامه
فله: يعني سعه صدر وهي في الاصل فله حجاج بس اختصروها الي فله0
مستلج: في الاصل هي تقال للشخص الي ماكل حبوب منشطه(ابيض)بس الشباب يستخدمونها للشخص الي داخل يبي يضحك وبحماس بغض النظر عن انه ماكل حبوب ولالا0
اتشنبر: وهي مسطلح بمعنا تورط وله عدد كبير من المرادفات مثل اكل هوى-راح غلطه-تخوبر...وغيرها بس هذي يعني هي انظف الموجود الباقي الرقابه مانعته خخخخخخخخخخخ0
في النهايه لو بغينا نناقش ليش اوحدثت هالكلمات في اللغه بنقف امام كم هائل من الاجوبه المنطقيه والغير منطقيه 0
الي بيتفلسف بيقول الزمن تغير واي لغه مع تقدم الزمن تتقبل المفردات الجديده ...اوكي بس هذي مفردات ملخبطه عباره عن حروف مصفوفه وخرابيط
والحل الثاني وهو الاقرب للصواب ان الفضاوه شينه ولا لقو لهاشباب وظايف ولا جامعات تظفهم قاموا يألفون لغه جديده واقول جديده لانه لو تقول نص هالمفردات قدام شايب بيقول في نفسه اخس ولدي يتكلم انجليزي...هع
مواقع النشر (المفضلة)