صديقتي بالماسنجر....!!
مراحب ياحلوين
ابقولكم سالفه حقيقيه صارت معي بالماسنجر>>>بدا الكذب
لكم خلق تسمعون
جاهزين يالله
وصلتني رساله خاصه من بنت في احد المنتديات تقول ابي ايميلك انا يوم شفت الرساله بصراحه خقيت على طول البنت هذي بالمنتدى مجنونه ومصرقعه واكثر شباب المنتدى يدورون رضاها
المهم رديت عليها وارسلت الايميل واضافتن عنده وصرنا اصدقاء وكل يوم انا وياه بالماسنجر سوالف بس انا شكيت ان اسلوبه ولد يعني مرات بالخطا يتكلم عن نفسه على انه ولد وانا امشيها له
قلت لنفسي ياولد انحش قبل مااطيح على راسي واحبه وتصير علاقه وبعدين فكرت بفكره مجنونه وخليته يجيب العيد
في احدى الليالي البارده والممطره رايت من نافذة الغرفه التي اجلس بها شخصا غريب الملامح يلبس معطف اسود وينادي بااعلى صوته>>>هذي ماله شغل بالسالفه
وبمره من المرارير قلت لصديقتي انا بنت اول شي ماصدقت واقنعته وقلتله انتي عجبتيني وابيك تكونين صديقتي طبعا هي مااقتنعت بسهوله نشفت ريقي على مااقنعته قالت لي كل مواضيعك بالمنتدى بااسلوب ولد قلتله انا صديقة واحد بالمنتدى وهو يكتبلي قالت انتي تكلمين شباب قلت ايه وشفيها المهم اقنعته اني بنت
شوفوا ردة فعله قالتلي مادامك علمتيني واعترفتي انا بعد ابقولك شي>>>بدا يتميلح عندي
قال انا ولد انا سويت نفسي مصدومه وزعلت وطلعت من الماسنجر وجلست على هالحال اسبوع قام يرسلي رسايل على ايميلي يتاسف ويعتذر>>>نشبه مسوي محترم
المهم بااحد رسايله قال افتحي الماسنجر ابقولك الموضوع وخلاص اخر مره اذا ماتبين اكلمك ومن هالكلام الولد ابن الذين بصراحه عنده اسلوب حلو مع البنات
فتحت الماسنجر وقام يهايط انا اسف وانا بصراحه كنت ابقولك>>>كذاب يوم شاف اني بنت
بس انتي سبقتيني وانا معجب بااسلوبك قلتله اخوي مايصير هالكلام وعيب البنت تكلم ولد قال اصدقاء وبس
المهم استمريت معه على هالحال اكثر من شهر وانا معه على اساس اني بنت
قلت لنفسي لازم اقوله لاني شفته تعلق فيني مره يحبني الولد ههههههههههه
قلتله ابو الشباب اسمع انت تعرفت علي على اساس انك بنت وانا ولد وبعدين تغير الوضع انا طلعت بنت وانت الولد صح قال صح قلت لو الوضع يتغير بعد قال شلون قلت كلنا نطلع عيال قال تمزحين قلت لا ماامزح قال قولي والله قلت والله العظيم انا ولد قال ليش تسوي هالحركه البايخه قلت وانت حركتك بايخه مرتين اولا جيت باسم بنت وثانيا بااسم ولد
وتهاوشنا وتضاربنا وجو ناس بالماسنجر الي بجنبنا وقاموا يحجزون ولو ماحجزونا كنت ابفقع وجهه واطى في بطنه>>>ايه هين
خلاص انتهى الموضوع باركولي فزت
كتبت الموضوع لااكثر من سبب اولا كذا طرى على بالي
ثانيا بعض الي قلته صار معي حقيقي
سابعا لايخلو الامر من كذب
اتمنى يعجبكم واذا عاد ماعجبكم الشكوى لله
مواقع النشر (المفضلة)