تكفا ياخالد لعيون سارة
بداية القصةاثنين من الشباب راحوا يتقضون من سوق الخضار واحد منهم اسمه خالد بن رفاعي .
نزلوا السوق واشتروا اللي يبونه ومن ضمن اللي شروه ثلاث صناديق رطب ويوم جوا يشيلون اغراضهم ذكروا انهم ناسين بعض الاغراض راح خالد يجيب باقي الاغراض وجلس اللي معه ينتظر
وهو ينتظر الا جايه ثلاث اولاد صغار قالوا له ياعم عطنا رطب ( ضحك وقال في نفسه ليه ما اضحك على خالد واختبر ردة فعله بدايه القصه عن )
قال للعيال الرطب مهوب لي لواحد اسمه خالد بيجي بعد شوي إذا جا قولوا له ياخالد لعيون ساره عطنا رطب .
جا خالد وقعد يشيل اغراضه الا العيال جايينه قالوا يا خالد يا خالد
التفت لهم قال نعم قالوا ياخالد لعيون ساره عطنا رطب ..
صاحبنا سمعهم يقولون لعيون ساره كانه ضاربه كهرب قال :
أي والله وانا خاااااااااااالد
لعيون ساره كل واحد ياخذ له صندوق قال خويه عطهم واحد يتقاسمونه يكفيهم رفض خالد قال طيب عطهم اثنين وخل لنا واحد قال خالد لخويه :
يقولون لعيون ساره يعني ياخذون اللي يبون .
راحت الصناديق .
يوم ركبوا سيارتهم بدا خوي خالد يقول :
ياللي سلب مني وانا منه واعي ,,,, قلبي وما بين الضماير خذاها
على مثابر حبها هو متاعي ,,,,, يخفى ولي امري وهي ما خفاها
من حبها لو داس روس الافاعي ,,, سراي ظلما والمخاطر وطاها
غديت مثل خويلد بن رفاعي ,,, وزع صناديق الرطب من غلاه
رد مع اقتباس
مواقع النشر (المفضلة)